六月廿三同廿四日都冇咩特別事，唔提啦！
去到今日六月廿五日，就真係非常忙。
朝早就九點半起左身，返左去小學道幫周老師手，
因為今日有個叫做「數學日」ge活動（雖然我數學一啲都唔叻），
返到去就set up左啲攤位之後，個活動就差唔多開始啦！
而我同一個四年級ge男仔，就負責果個「質數」同「合成數」ge攤位。
講真果句，要教啲低年級咩係質數同合成數，真係好難架。
佢地乘數未學哂；除法未學過；唔多知咩係因數，點搞呢？冇耐性都真係……
同時間，再見番好多識ge「師弟」同「師妹」，再傾左幾句咁啦！
個function完左之後，就同班老師傾下我最個近況lu……^^
都係講下我果啲咁「勁」ge成績啦！
過左冇幾耐，蔡老師走過黎問我：「你下個禮拜二返唔返黎做歌唱比賽評判？」，
我見又冇野做，又有時間多出黎，就應承左啦！
就係因為呢「一連串」ge活動，Miss Lo就話我啲「試後活動」好豐富。
之後，同蔡老師傾下傾下就傾左去「考八級琴」啲野，
佢知道我彈邊首歌之後，就上網搵左啲資料，知道個melody之後，
就左「炒」右「炒」，結果就攞左份琴譜出黎，正正係我考試果首，
跟住再同我落左Hall果道，開左個鋼琴，再比左堆建議我，
再順手講埋考Aural果啲麻煩野，實在太好啦，多謝哂！
補完「課」之後，再出左去搵番Miss Lo傾多幾句，
最後係求其搵左間大家樂食左碗拉麪就返左屋企啦！
大約三點到，再一次出街，而今次就返中學。
原因就係Debating Club有個Workshop，
今次就講左Shanghai Expo同Constitutional啲野，
不過有時講講下就離開左個話題，哈哈！五點鐘，走人啦！
夜晚就去左婆婆屋企食飯同睇波，
今晚係死亡G組ge大賽，巴西對葡萄牙，
可惜ge係巴西大將卡卡上場兩黃一紅紅牌出場，今日就冇得出場。
但係呢場大戰最後ge結果竟然係悶和零比零，唉！
更慘ge係，可憐ge科特迪瓦雖然數北韓三粒，但係都冇得出線，可惜可惜！
至於今晚尾場西班牙對智利呢場關鍵一戰，我就無緣去睇，
因為聽朝要六點幾起身，今晚就要「早訓」，哈哈！
黎緊呢兩日我會去「潛水」，有啲咩野重要ge就係：
Facebook，MSN，Yahoo BLOG同Qooza BLOG留低口信，
我潛完水就會盡快覆番你架啦，嘻嘻！
唔好意思，今次又長番好多啦，因為多野做丫媽！
選自：http://hk.myblog.yahoo.com/yatcheung_1997/article?mid=4190 |
