由於時間ge關係，今次我又會打番長少少，唔好意思。
五月廿二日，再次夜訓ge一晚（應該係一朝早），
夜晚係婆婆屋企食完飯之後，再係果道睇埋凌晨廿點九果場歐聯決賽，
開波之後，我一時望住果四隻腳係道打台灣麻雀，一時就注視係電視道，
而決賽就係由德甲強隊拜仁慕尼黑迎戰藍黑兵團國際米蘭，
呢一場絕對唔係悶場，因為最後ge比數就係零比二呀，實在太好啦！
走過陣時都大約成五點鐘。留意：係五月廿三日上午五時正），
諷刺地，係樓下等的士都等左成幾分鐘，而係呢個時候，我望住個天空，
已經開始變光啦，原本漆潔黑ge天空慢慢被藍色蓋過，真係好靚。
雖然太陽未升起，但感覺就好似凌晨起身去機場搭早機咁樣，好特別！
返到去屋企，望出去個窗，成個天都已經好光啦，因為現在ge時針已經指住六點啦！
五月廿五日，就係尾二果一堂P.E.堂啦，
今次，女仔就開始跳folk dance，而我地男仔就開始「全職」打手球，
講真果句，打手球真係有少少危險，因為好容易「吉」魚蛋。
五月廿六日，又係時候英文堂lu……
Miss Ip突然比我份practice paper我地做，實在冇得頂！
講真丫，上次果個英文測驗搞到我對英文呢一科冇咩信心，
所以今次絕對係一個好好ge機會比我去練習一下。
到設計與科技堂啦，由於我好快手咁做完個robot model同cup saucer，
我今次最後再做多左個cup saucer，實在太好啦！
五月廿七日，呢日ge英文堂可以話係坐過山車咁，
一開始就做左份我較有信心ge綜合聆聽卷，但係落堂前就派番份practice paper，
出乎意料地（應該係好驚嚇地），成績唔理思，唉！完全被打進地獄。
綜合人民堂，Miss Law就派左兩份Quizzes比我地做，好彩有溫過書姐，
如果唔係呢，就真係大大大件事啦！
去到最尾一堂中文堂，慣性地都係有堆好笑野發生，呢日ge焦點就係：
因為Michael隔離位Sara冇返，佢就將佢自己英文字典放係Sara張「燈」道，
跟著黃老師好快就發現左，就講左句野：
「我平時都好有興趣學多d多國語言, 尤其是英文添！」
随即，佢就隨手攞走左本字典，由於Michael唔夠黃老師大力，
原本佢個頭儲有勢能一下子就變左做動能，再撞埋落Sara張「燈」道，
之後黃老師再問我地：「頭先有股外來力量咁同我爭，但之後突然冇左，
再聽到砰一聲，你地聽唔聽到呀？」跟住，我地就笑到爆肚啦！
過左一陣間，Michael又唔知做錯左啲咩野，跟住坐佢前面ge利同學就：
「哎喲喲」咁樣去恥笑Michael，黃老師完全估唔同到利同學竟然 ……
結果，黃老師就做出慣動作：先搖頭，後dup頭，再托一托眼鏡，最後再微笑一下。
五月廿八日，一日幾開心ge星期五，
首先就係數學堂，Mr. Cheung一入到黎我地班房，就派左份工作紙比我地做，
係呢一個時候，Mr. Cheung就係老師枱道攞起左張座位表，
跟著佢竟然要望著個seating plan再去記我地個名，
隨即，坐係後面ge一位同學就問：「乜你仲未知道我地全班個名架？」
Mr. Cheung笑而遺之。我真係唔明白，就連一個禮拜見我地ge兩次ge老師都記得啦，
反而一個日日都會見ge老師仲未記得哂，都唔知講咩好，唉！諷刺。
以中國歷史科吳sir黎講，一個禮拜見我地一次，最多兩次，
都記得哂我地大半班同學ge名啦，而佢呢日簡直係極速講書，
原本係三國時代ge我地，一飛就衝左去西晉亡國，真係……好勁。
去到本年度最尾一堂綜合人民堂啦，Miss Law再一次咁播D短片比我地睇，
跟著再派左兩張工作紙我地做，當係溫書啦，實在太好lu……
今日ge中文堂就進行左全年度最尾一次默書，好似有啲「唔捨得」咁！
每次飯後ge英文堂，我地都很活躍，呢一日就係好多「乞痴」，
每當Miss Ip講完幾句野之後，一定有一個「乞痴」傳出，有時仲連續性添，
搞到Miss Ip顯得好唔耐煩。而好多時佢ge「配音」都搞到我地大笑，
今日都唔例外，Miss Ip突然問我地 “destination” 個反義詞係咩，
根住就即刻扮飛機起飛果D “Su~~~” 一聲，真係笑鬼死。
放左學之後，就黎左係學校溫書，怒背I.H.，我誓要由尾背番出黎都得。
五月三十一日，距離期考ge日子唔長，剩番幾日炸！
呢一日ge數學堂，Mr. Cheung仍然係道鑽研我地個seating plan，
而可憐ge係佢仲未記得哂我地三十七個人個名……
去到Hall Assembly 之後ge綜合科學堂，
事實上呢一堂又係成個學期最後一堂，一入到lab.，
Mr. Lam就派左份野比我地，想我地寫低對佢本人ge意見，
同埋有啲咩野佢係要去跟進，而我係「好評」果欄寫左一大段野。
講真果句，我覺得Mr. Lam真係一個好nice, humorous ge Science Teacher，
而詳細ge內容我絕對唔會係呢道講啦！嘻嘻！
寫完呢份form之後，Mr. Lam同我地做左個revision oral quiz，實在太好啦！
臨落堂之前，Mr. Lam話要對我地公平，所以佢又講左啲opinion比我地班，就係：
「大部分ge同學好有潛質，好聰明，好active同好smart。」
呢一句說話就完結左成個學期最後一堂ge科學堂啦！
去到中文堂，又係做聆聽練習，學黃老師話：「我地要做ge聆聽練習多到好似盤古初開咁」！
六月一日，今個學期最後一堂數學堂，
Mr. Cheung終於記到我地大部分同學ge名，
不枉佢教左我地有成年咁多，
但係感覺始終怪怪地咁，自己都解釋唔到。
正當Mr. Cheung係道講「書」果陣時，突然再次走音，
呢一次都係佢成年第十幾次走音啦，唔知點解聽到老師講書走音會笑囉！
出乎意料地，我地今日同Mr. Cheung講「再見」果陣時講得特別齊，
可能要比番個好印象Mr. Cheung啦！
中國歷史堂，真係光速都冇吳SIR講得咁快，用大半堂講東晉，
再用一分鐘去講南北朝。雖然南北朝淨係出MC姐，但係會唔會講得快左少少呢？
去到第三、四堂，就係英文堂啦，同時亦都係做presentation ge 時間，
由於時間緊逼，我前一晚先至背好篇稿炸，真係……好慘！
今次我地ge出場序同出次唔同，唔係順序，係random……
最感到有點兒「那個」ge係我排到好後先講，真係有啲驚，
所以我越講越緊張，連隻手手腳腳都有啲「振」添！
我都唔明：又唔係第一次企係成班面前做presentation，點解仲可以驚到咁？
不過呢樣唔太重要，最重要ge係個speech幾流暢，冇乜點讀錯野，算啦！
去到呢個學期ge最後一堂PE，
Mr. Hung一上堂又問我地對佢有啲咩opinion，
當然我地就梗係講「好好」啦（事實上真係咁ge…）！
之後再問我地：「咁你地今日想打handball定係其他ball games？」
咁樣我地大多數人就簡左「其他ball games」，結果，我地就打左陣籃球啦。
“Time really flies”，話咁快又上完啦，唉！今日啲時間真係過得好快囉。
去到午膳後ge中文堂，就做左兩個關於考試範圍ge小測，
再做左個聆聽練習，真係忙到不得了！
終於放學啦，出奇地突然落好大雨，咁啱我又清Locker，
攞住一大疊書，再要攞把「姐」，同埋裝PE Uniform ge 袋，三頭六臂都唔得掂。
點解永遠都係咁，係最唔適當ge時候落咁大雨，What a pity！
六月二日，學期考試前夕，Miss Ip播左兩首講「友誼」ge歌比我地聽，
個旋律同埋啲歌詞都幾好聽丫，確係唔錯。
今堂設計與科技堂都幾好玩，我又用極速去整多左個cup saucer同key holder，
個key holder係大口仔黎架，都好靚架，遲啲補番張相先。
呢一堂音樂堂，我地睇埋剩番果part “High School Musical One”，不予置評。
最尾一堂中文堂，我地再做左個聆聽練習，都幾悶呀！
至於原本ge數學堂就比吳sir借左去講中史啲野。
係我地對作業啲答案果陣時，我地舉手答問題，講咩作業啲答案，
而吳sir竟然出乎意料地記得哂我地大部分啲名，實在太開心啦！Mr. Cheung，學野啦。
唉，聽日就係六月十八日啦，呢一日絕對係個吉日，
宜 處人死罪，哈哈！
算啦，全部考試都完啦，唔考都考左，唯望上天保佑啦！
話說我聽日有八條命，唔知離開學校果陣剩番幾多呢？
“God Bless me and all of you……”
選自：http://hk.myblog.yahoo.com/yatcheung_1997/article?new=1&mid=4178
|
