六月廿一號，冇特別野發生，唔提啦！

六月廿二日，一個充滿娛樂性ge一日，

同時，亦都可以話係富有運動量，真係搞到我身體機能就黎散。

朝早就出奇地係八點半起身，哈哈！

其實係因為同媽咪and佢嘅朋友打羽毛球。

事實上，今日西灣河呢個場冇咩冷氣，再跑多幾下，

真係可以成身濕哂，唉！好唔舒服囉！

由於今日打足成個鐘，再要係個場入面走黎走去，再要殺波，

結果打完一個鐘之後就買左罐野飲，爽呀！但係隻手變到冇咩力。

跟住就返左屋企沖左個涼，過左一陣之後就食飯啦！

而食完飯之後，就又有另一場啦，實在太忙啦，嘻嘻！

早幾日，Jacky打電話問我去唔去渣華道打，我一下子就應承左啦！

首先第一個鐘就係羽毛球；之後果兩個鐘就係打Snooker，

今日有好多人黎，有1A三劍俠，Ricky， Edwin，Brian同Jacky，

一去到，就同Ricky「差」左幾球，原來佢都好勁架，

真係好想佢下年入到校隊或者訓練班。

去到兩點四十五分道，就離開左體育館，返左學校，

因為Debating Club要開個Evaluation Meeting，

不幸ge係個會竟然要係Tuck Shop果道開，

唉！果道出名多「蚊」架喎，更可況我著住短褲，今次死硬。

去到係果到坐左個半鐘到都只不過得五粒姐。

話雖如此，我應承自己永遠唔會係學校Tuck Shop逗留多過十秒。

夜晚ge世界杯賽事一場都冇望過，完全冇時間。

出乎意料地，歐洲所謂勁旅法國係小組入面以一分包尾，出局！

哼！學媽咪講：「番法國食法國蝸牛啦」！真係諷刺呀！

深宵時段果兩場B組賽事，睇落好似幾緊張，睇下有冇「心情」睇啦！

我覺得自己好勁，因為呢篇真係幾短。你地滿唔滿意先？

選自：http://hk.myblog.yahoo.com/yatcheung_1997/article?new=1&mid=4188

六月二十日，亦都係父親節，首先就係講一句「父親節快樂」先啦！

由於前一晚睇波，結果三點半先訓，

所以去到呢一日ge十二點先至捨得離開張床。

跟住就同左爸爸、公公婆婆同舅父兩個去左西灣河間點好食飲茶，

都食左好多野，流沙飽、鳳爪排骨飯、燒賣等，都幾好食啦！

食完野之後，就同爸爸、舅父兩個買左啲安格斯牛排同羊架，

實在太好啦，等左咁耐。終於可以食番張勁豐富架啦！

最後，我地就買左十件羊架同八塊牛排，爽呀。

返到屋企，爸爸、媽咪同舅父兩個再一次開枱，繼續打台灣牌，

而我就一直坐係個電腦前面，要將啲檔案backup，因為部機有中毒ge徵象。

差唔多九點幾啦，佢地仲未打完，但係媽咪要去整野食先，

所以就叫我呢個新手落去「燈」腳。永遠都係咁，第一次打牌ge人都係有luck！

結果，我第一鋪就食糊；第二鋪就出沖；第三鋪就比自摸；第四鋪就再食糊，完成賽事。

好彩，冇敗到媽咪原本副身家，keep住落去，第一次打算係咁啦！

過左一陣，就有得食野啦！今次件羊幾好食，唔係幾「蘇」，岩哂我個口味。

另外，啲牛今次唔係係銅鑼灣買，所以食落去有少少唔同，

而今次就 “UN” 左少少，不過都冇所謂啦，有肉味就OK啦！

隨即，再將幾碗雜果沙律灌左落去個口道。最後，我食到超飽。

等個胃休息左半個鐘之後，再食左兩塊蒜「容」多士，同埋食左杯雪糕。

去到凌晨時段，又係一場大戰，巴西對科特迪瓦，卡卡VS.杜奧巴，

因為呢個因為，我同爸爸再一次睇哂成場先至訓，咁又四點鐘啦！

選自：http://hk.myblog.yahoo.com/yatcheung_1997/article?new=1&mid=4186