由於尋晚果場係「雙牙大戰」，所以我就不顧一切咁樣睇哂成場。
好不幸地，開局好好ge葡萄牙係下半場突然自亂陣腳。
最後，西班牙係贏葡萄牙一比零。
講真果句，我原本係捧西班牙ge，但係睇睇下變左捧葡萄牙，唔知點解。
唉，西班牙對巴拉圭，冇咩特別。但當西班牙去到四强對阿根廷，就真係……
六月三十日，比較炎熱ge一日，
今日屋企未開涼氣之前就好似一個蒸籠咁樣。
晏少少就去左西灣河體育場練羽毛球，哈哈！太好啦，
點知，果個教練今日就安排左堆「地獄式體能形訓練」比我地。
話雖如此，我覺得呢位教練比之前果個好，同埋NICE。
首先，就先做啲簡單ge熱身動作，跟著就穿梭跑，跑左五分鐘。
随即就兔仔跳咁樣跳左幾分鐘。真係好辛苦架，好彩冇Push-up炸！
就係呢個時候，我已經飲哂一支550毫升ge 水，同時間已經出哂汗。
過左冇幾耐，就開始做步法啦──米字形，唉！隻腳已經冇力啦！
之後，再同教練好簡單咁對打一下，接放網波、殺球同高波。
做完呢一連串基本練習之後，再有項終極任務──跳二百下繩。
果然係「地獄式體能形訓練」喎，未打已經沖完涼咁！
由於果樽咁細容量ge水一早飲哂，唯有係汽水機買罐Bonaqua啦！
去到最後果半個鐘，教練比我地自己「猜波」，打左陣單打同兩場雙打，
鑒於我體能唔多好，我自己就較為鍾意雙打啦，唔洗走咁多嘛。
四點鐘，訓練完畢。但係我已經冇力去支撐自己個身體，
個骨架真係幾乎散哂呀，攰到不堪，體力透支。
出奇地，今晚冇波睇，要去到七月二號先至有，嘻嘻！
夜晚果陣時，舅父兩個又上左黎食晚同打牌，
咁樣我就當然係一路打blog，一路上網同一路睇佢地打牌啦！
話雖聽日（七月一日）係公眾假期，但係冇咩計劃去邊到玩。
算吧啦，出到去好似個大「蒸籠」咁，不如留番係個雪櫃道好過。
之前話比啲係D.T. 堂正果啲「東西」同阿妹啲相比大家聽，宜家去片：
 
 
喂！阿妹，你做咩「描嘴描舌」呀？ 無牙妹妹，咩事笑到咁開心呀？
 
以下就係十個月大ge阿妹個爸爸為她而設的BLOG，有好多相架，有興趣就睇下啦！
引用：http://hk.myblog.yahoo.com/chowkamlam
選自：http://hk.myblog.yahoo.com/yatcheung_1997/article?mid=4331 |
