七月廿六日，原本早幾日出面都係橫風橫雨，

但係呢幾日就變番做天朗氣晴ge日子，太好啦！

話說尋日去左游水，結果曬黑左。

講真果句，只有泳池先至可以將我曬黑，沙灘係唔得架。

其實游完水之後係新翠商場食左啲野，

跟住先見到出面有個健力士世界紀錄ge高手黎表演，

就係用佢排牙咬住個車呔同單車，以維持平衡。

我覺得佢真係好勁囉，淨係排牙就可以頂住個五十公斤ge車呔……

而我今日就好HEA咁過，練琴；睇Matilda同打機，嘻嘻！

原本今朝要打波架，但係冇場，而星期三都係喔，哇哈哈！可以休息lu…

晏咒唸住用Windows XP隻碟去重裝部腦（因為想快啲），

但係重新開機之後發現個Hardisk可能有問題，所以放棄呢個念頭。

夜晚就開始係某電視台追劇啦，真係幾好睇，唔錯唔錯。

希望呢個電視台可以靠呢套劇集將個收視點同TVB拉近啦，加油。

宜家又係一點鐘啦，離訓教時間有段距離，所以就梗係咆下本Matilda啦！

選自：http://hk.myblog.yahoo.com/yatcheung_1997/article?mid=4428

七月廿五日，今日又係十二點幾，日上三竿果陣先至起身。

之後就開始睇Matilda，睇左兩個章節，

故事入面果個女校長好變態，將班學生當鐵餅咁掟出去……

大約兩點半到，終於去到柴灣泳池啦，

呢一次係我繼石澳之後ge一次同水近距離ge接觸。

話說今日好曬，好熱，冇雲，最適合我本人ge游水條件。

一落水果剎那，真係好舒服，簡直係透心涼。

好幸運ge就係今日泳池唔算太多人，所以就游左個幾鐘。

好期待下一次再去游水喔，哈哈！

夜晚就係新翠間自家烏冬道食，但係等位用左四十五分鐘，

好彩有帶NDS姐，哈哈！不過啲野食都幾好味，

尤其是果個芒果冰同埋杯珍珠奶茶，下次要encore！

夜晚就出乎意料地睇左某電視台ge新劇序幕篇，

呢一個電視台好日都唔拍劇，宜家終於有套法網群英啦，

個劇情仲要好吸引添呀，所以我一定要每晚追睇，嘻嘻！

早睡早起……唔好搞笑啦，宜家又一點半啦，早咩睡，早咩起丫？

選自：http://hk.myblog.yahoo.com/yatcheung_1997/article?mid=4426