七月十七日，仍然係百感交集ge一日。

首先，要恭喜自己：八級鋼琴考試定為八月廿六日，

實在太好啦，可以再勁練多幾個禮拜，

最值得高興就係個考場係康山間青苗呀，唔洗去咁遠。

但最重要就係考試時間為下午三點半，

好彩唔係朝頭早，如果唔係手指就會硬哂啦！

第二，係學校個網見到自己係下學期同成年個Positioning，

好開心呀，中文全年有第七，但係英文得第四，

第三比Carmen攞左……-o-都係怪自己唔爭氣，錯埋啲勁白痴ge野……

至於今次下學期個I.H.考試簡直背到走火入魔到值得，因為考全級17呀！

雖然感覺上好似好開心，但係我宜家可以講一句：

今個禮拜係我生平以黎喊得最多ge一個禮拜，

上次就因為Mr. Lam唔教就喊姐，今日就因為……

實在好唔開心，好委屈，仲要硬食一句好難受ge說話，

返到屋企差唔多喊左成半個鐘，好彩搵左個好朋友傾訴一下，

喊飽之後，先至開電腦，同埋打陣機去調劑一下我個心情！

七月十六日，一個好特別ge日子，

由於尋晚兩點開始嘗試訓，但係結果三點幾先訓著，

所以今日再一次去到十二點半先至起身，唉！

起身之後，就怒做果幾本超級麻煩ge暑期作業，

經過連日ge努日，終於將英文同數學呢兩本KO，

至於啲咩野閱讀報告、中文暑期作業就下個禮拜先至開工啦！

晏咒同爸爸落街食，因為某啲原因，呢餐我請，哈哈！

跟住就去左個朋友屋企，有時就對電腦；有時望下人打牌。

宜家唸番起，我真係好驚下年唔知邊位老師做班主任同英文老師呀，

希望真係抽到支好籤啦，如果唔係……就死人架啦！

話說今年第一個颱風經過香港，但好彩都唔係落好大雨，嘻嘻！

過多幾日就應該去睇反斗奇兵啦，好期待呀，我真係好有童真喔。

別了依別了依然相信，以後有緣再聚，

未曾重遇以前，要珍惜愛自己，
在最好時刻分離不要流眼淚，
就承諾在某年、某一天、某地點，再見。

我永遠都唔會忘記第一年中學生涯ge科學堂，

Mr. Lam你比左我地咁多歡樂、笑聲，

你果種幽默而帶熱誠ge教學方法，我永遠都會記住，多謝你。