七月十九日，話咁快又一個禮拜啦，
冇得返學開始有啲唔習慣，有時係屋企都悶悶地，
話雖有一大堆Book Report陪住我姐，唔通係咁寫咩！
話說尋晚可憐ge我失眠，訓左五個鐘之後，
九點鐘道就彈左起身，執拾細軟，行左去體育館打波。
事實上，我條腰好似好左啲，全靠搽左啲肌肉舒緩膏同埋上個禮拜三休息唔操。
講到尾，上個禮拜三唔去訓練莫非為左一個字，就係「懶」，嘻嘻！
今日又黎左一次算係地獄式ge訓練，先黎個交叉走位五分鐘；
跟住猜高遠球十分鐘；不停殺波十五分鐘；再同教練挽下個經典米字形接波，
挽左成五分鐘，挽到腳仔軟哂，最後，亦都係最變態就係跳繩二百下。
一連串最辛苦ge勞動過去啦，跟住同兩個F.4打雙打，贏兩場就輸兩場，恭喜哂！
只可惜打完呢兩個鐘，個腳爭同埋條腰又有啲小問題，真係冇鬼用。
我都唔明，好完又傷；傷完就好；好完又傷過，無了期咁傷，好大穫喎！
既然係咁，就打埋星期三果兩個鐘，跟住就休息番一個禮拜啦，哈哈！
返到屋企傾MSN傾左成個幾鐘頭，食完晏咒果餐之後，
又不停咁練琴，Non-Stop咁彈左成百幾分鐘，手指都斷，
再加上果啲死人歌又多音，又快，想唔攰都唔得啦！
唉！宜家真係斷手、斷腰（唔係麻雀啲「斷幺」）同斷腳啦！
希望今晚可以早啲訓著啦，如果唔係聽日又好似死屍咁ge虛脫樣。
選自：http://hk.myblog.yahoo.com/yatcheung_1997/article?mid=4405
|
