八月十三日，話說尋晚十一點幾就好眼訓，

但係即使我嘗試去早啲訓，都要等到一點半……

今朝就出左太古間McDonald’s食左個火腿扒漢堡包，

之後就join埋Jacky, Timothy, Vicky, Rita同Icy去左睇戲，

話說《魔法師的門徒》都唔錯，不過要比$35去戲院睇就……

但話雖如此，都有好幾個笑位，OK緊張，

而果個男主角去到最後緋於變成一個好勁ge魔法師之後，

真係好型呀，隻手旭一旭就有火，整一整就有個類似「衝擊波」啲野！

至於果個較簡單ge結局就有啲感人，我個眼框都都有少少淚珠，

但係坐我隔離而又比我更眼淺嘅Vicky仲喊埋出黎添-.-

去到Pizzahut就見到睇完冇黎嘅Michael, Leo同埋Esther，

我地等左一陣之後就入座啦，食左兩個批同埋少少意粉添。

食完之後就繼續傾計，有講有笑咁，好開心喔！

最後行左去太古城，同Michael係無印買左包爆谷，SHARE黎食。

大約四點幾到，我就返到屋企啦，當然要繼續練琴啦，唉！

八月十一日，朝早去左打波，

今日出奇地打得幾激都冇咩點樣出汗，

主要同班F.4同F.5打，打三場、輸兩場，

好彩果兩場都係輸11:7同11:8，如果唔係好冇面！

返到屋企就做下本中文作業，寫左篇文。

最後傾左陣MSN就又出街啦！

原本見個天好陰，唸住唔同舅父游水架啦，

但係過左一陣個天又藍番啲，有微軟ge陽光。

話說今日去游水已經違反哂我平時ge條件：

就係出行太陽，唔落雨，曬到爆。

但係游游下就開始有啲雨點啦，最後游左一個鐘收工。

不過好彩啲游泳水都好暖，唔覺得凍添呀！

返到屋企就同舅父打左陣機，夜晚就食PHD啦，

同樣encore番上次果個香芒凱撒雞肉批，好味！

食完野就練左陣琴，我發現自己係屋企彈係好過係出面彈，

今日果首 “A6” 同平時差唔多，冇咩特別，

至於勁多裝飾音ge “B2” 就彈得幾好，

而有好多個十連音ge “C1” 都冇咩漏，同平時差好遠。

如果考試都係咁，你話幾好呢？話雖如此，仍然好擔心……