八月十五日，陰晴不定ge星期日。

話說尋晚最後四點半先至訓教，

而今日就用個鬧鐘逼醒自己。

十一點起身之後，就做埋個勁趕ge工作。

跟住就出左北角同姑媽佢地飲茶。

飲完就先去商務買LE，再去買DVD Player，

最後再去埋精工買埋本VB同埋LE2A。

返到屋企之後，就練左一陣琴，

慶幸今日兩隻手都好聽話，彈得幾好，太好啦！

彈完之後就睇番以前我細個啲相。

哈哈！其實都幾得意丫，有啲就係幼稚園影，

有啲就係去旅行果陣時影，唸番起真係好開心。

但係Dup低個頭睇耐左之後，條頸就硬哂，好唔舒服。

夜晚就媽咪煮意粉食，好味好味！

至於啲功課就暫時未有進度，仲係差篇文同封面設計-.-

我唸今晚都係要早啲訓啦，尋晚已經唔夠訓啦，

聽朝仲要鬼死咁早起身打波，唉……

八月十四日，話說尋晚因為打機，

所以最後去到成三點鐘先至訓，唉……

去到今日十二點就比媽咪「橙」左起身。

跟住就因為有啲野做，一直都冇練過琴，

晏少少就出左去同舅父佢地飲茶，

飲完又去左婆婆屋企道啦！奈何我成日都未練琴……

夜晚阿妹就黎左，同佢挽左都好耐，

但只可惜佢好眼訓，冇咩點樣理我地，失望！

由於媽咪要幫手睇住阿妹，我就幫佢打左兩鋪麻雀，

但話說我唔識打廣東牌，原因就係唔識計番數-.-

就係因為咁，我幾乎兩鋪都係「棄胡狀態」，務求唔好出沖。

結果就和左一鋪，另外果鋪輸自摸，唔見左$4……

我唯有開著部電腦，傾下MSN同埋打下PS2咁啦。

宜家又十二點半啦，媽咪同舅父佢地仲打緊牌，

我敢講一句今晚最早三點先至會訓覺啦，嘻嘻！