八月廿四日，距離考琴得番兩日。

今日再睇番啲新聞，話說啲特種部隊開槍果陣時仲射死左啲人質，

仲用個hammer劈死左個人……為死者禱告喔！

佢地明明有好多機會殺死個槍手，但把握唔到，

果個所適「談判專家」仲係用錯哂方法，智障。

唸番起，尋日真係好……七月十四搞單咁ge野。

話說我朝早係冇野可以做到，

由於個腦未清醒，唔可以做功課；

隻手就未開始鬆，唔可以彈琴；

所以今朝十點半起身之後就決定打機啦，呵呵！

可能我真係一個「完美主義者」，

因為今日晏咒彈琴果陣時隻手唔多平均，

同唔夠放鬆，所以就大發脾氣，

將果段樂曲彈左成十幾次，去到好為止。

夜晚又去左試琴，啲回音真係好勁，

唔洗踩pedal等於普通琴踩左ge效果……

除此之外，啲音真係好震，這個琴dump左去吧啦！

返到屋企就上左MSN同人傾下啲重要野，

又出現好多問題，煩惱再次重現，麻煩麻煩！好辛苦。

跟住就同Mr. Cheung傾左陣，

話說下年2A班啲數學唔係佢教，失望。

班主任兼中文老師已經咁樣；

英文又一定唔會係Miss Ip教，唉！

聽日阿妹生日啦，去佢屋企慶祝慶祝，嘻嘻！

摘錄自：小章Qooza BLOG

八月廿三日，距離考琴仲有三日。

朝早就去左打波，學左樣新野──勾對角，

跟著仲打左三場十一分單打，輸左一陣，

之後再同個中二ge合作，打左四局雙打，

淨係輸左一局炸，實力真係好勁喔，嘻嘻！

打完之後，隻腳竟然係好攰，冇咩力咁樣。

晏啲就終於剪左頭髮啦，短左好多，舒服哂，

之後就去左會展行最後一日ge電腦展，

雖然宜家急需要主機or手提電腦，

而且個價錢都幾平，但奈何最後都冇買，

值得一提就係離開會場果陣時係兩手空空，哈哈！

話雖只不過係會展行走兩個幾鐘，

但係成隻腳都好痺，好酸，完全乏力。

夜晚就係銅鑼灣間「松記」食甜品，

事實上都幾好味，果啲「黑珍珠」真係好正，

同西灣河間糖百府有都fight，

最重要就係松記啲野「細件夾抵食」！推介推介。

返到屋企睇新聞，知道菲律賓果件事，

話說果啲所謂ge「特種部隊」真係好垃圾，

攞條麻繩去扯開道門，攞個冇咩殺傷力ge Hammer劈下劈下，

一班傻仔攞住啲槍蹲係道，等運到，白痴同低能。

估唔到開開心心咁去旅行，就換黎一次咁恐怖ge經歷，好慘！

就係因為「特種部隊」應變能力低，

換黎多人傷亡，仲搞到家破人亡，過意得去咩？

果個總統仲離譜，笑住口咁，完全冇悔意咁，不知所謂！

選自：http://hk.myblog.yahoo.com/yatcheung_1997/article?mid=4620