九月十五日，成日都係一個唔多好既心情。

English`Ms.Leung叫我地用一堆詞語去作一個故事，

其實都幾得意架，不過條story line始終有啲牽強！

Chinese`今個學期第一篇既看圖寫作短文，冇咩特別。

Computer Literacy`Mr.Wong就繼續比我地搞excel，

實在太開心啦！唔洗再聽埋啲無聊既theory。

Music`Ms.Chui叫我攞我番個筆袋去1D班，

因為有位同學漏低左。我去到1D課室果陣時，

咁岩黃老師又係道教緊書……我敲左下門，

同黃老師講左句午安，就問：「請問一丁班同學頭先係咪上完音樂堂呢？」

「係呀！」「咁請問有冇漏低左個筆袋呢？」

之後突然有個女仔攞左我手上個筆袋就走左，

黃老師就話：「喂，同學長講唔該先啦！」

「唔該！」「唔洗客氣，麻煩哂黃老師。」

跟住我就向門口行啦，黃老師就話：「慢行呀，各位同學認住佢係二甲班學長喔。」

我聽到之後，真係笑左出黎，好無聊囉！

晏咒就去左大家樂道食野，順便傾下音樂會啲野！

回程放緊學校果陣時，Raymond係街邊買左本雜誌，

點知佢買完先至問：比唔比攞住本雜誌返學校？

哈，「靈活變通」既佢就將本雜誌收埋係件vest道，佩服！

Maths`仍然係未明得哂，好慘！不停計數，好恐怖！

中史堂`仍然算係最多笑料既一堂，

話說Mr.Lam今日又唔知扮左啲咩野，好鬼好笑！

仲有添呀，講講下野無啦啦個音高左幾個octave，唉！

放左學之後就留左係學校一陣，傾左陣野，算係有啲共識……

返到屋企就痴鬼晒線，我懷疑自己真係有「燥狂症」。

唔知點解，啲壓力日日都咁勁，

啲功課好似好多咁，一有少少唔識做就自暴自棄咁-.-

最慘就係呢兩日個身體唔知做咩事，

尋日整傷左果度開始有好轉，但好多時都扯住扯住咁痛。

完全唔可以踎低同埋行樓梯果陣有啲痛-.-

至於今日食飯前就好暈，眼前望住啲野浮下浮下咁，

跟住個人就好似飄下飄下。唉！救命。

九月十四日，尋晚再一次失眠，訓得五個鐘囉。

今日一起身，見到出面有陽光，都幾開心，奈何……

綜合人民`仍然係道講weather同埋climate，

成堂幾乎係道講同一個主題──季侯風，真係幾悶-.-

P.E.`由於運動會好快黎到，所以就比我地練跳高同跳遠。

至於我好驚Hurdles會整親隻腳，所以就無興趣挽，

至於最後加加埋埋跳左一次遠，之後驚拉傷腳，放棄。

但奈何跳1.1m高果陣時就出錯腳，跳錯左，

跟住再唔次點樣就咬左自己隻左腳一下……好白痴！

唔洗一秒，啲血就開始流出黎，冇左塊表皮。

諷刺地之後再跳1.2m都好成功……咩料呀？

English`都係做個賣廣告performance啦，

雖然我地果組都算dramatic，

但係始終唔夠隔離edwin果組咁creative…哈哈！

晏咒就係學校同Sara, Ricky, Crystal, Phoebe係小食部食，

我就叫左一碗公仔麵，都好行下……

之後再順便傾左少少音樂會果啲事項。

一點就compulsory咁去左English Room會合個NET，

今日佢就同我地挽左個遊戲，幾得意咁啦！

好無奈地我之後上左５樓諗住開班會代表既會議啦，

點知個召集人就比原定時間遲左十分鐘都唔出現，白等-.-

最後我地十幾個人就決定自行散水，呵呵！

放左學就係課室傾左陣音樂會啲野，

好慶幸地就得出左幾個結論，太好啦！

之後就去左打波，得一、兩場十一分單打win炸，

可憐地今日冇打過雙打囉，慘慘慘！

最不幸就係隻右腳可能有啲傷囉，真係救命。

返到屋企發現隻左腳個傷口方圓一里都又腫又痛，

右腳就可能係條筋既問題，兩隻腳唔多行得，好辛苦。