九月廿三日，中秋節補假，好開心喔！

話說呢日就兩點半先至起身，好有滿足感呢……

諗番起前一晚由八點去到三點真係不停食野，

首先就食牛排同羊架；之後食沙律；跟住食冰皮月餅；

再黎個哈密瓜，然後有啲小食，三點幾果陣時就食杯麵。

當然啦，用電腦都係用到兩點到，跟住就睇佢地打麻雀啦！

係音樂既襯托下真係好舒服。之後我再幫媽咪打左幾鋪添喔，

只可惜加加埋埋食得鋪五番，其餘都係冇上落-.-

佢地最後打左十二圈，去到五點半就收手啦，哈哈！

而呢個時候都可以話係Time for bed啦，話哂都就黎天光。

而廿三號夜晚係屋企食完飯之後，就一家三口出左去銅鑼灣，

會合埋舅父佢地兩個係大坑睇舞火龍，奈何多人到只係睇到條龍尾。

不過冇所謂啦，有氣氛就咩都得啦！

之後就行左出去維園，行下果個「花燈會」，真係整得好令好令喔！

諗番起，都有好幾年冇係中秋節出過黎銅鑼灣行下啦。

影左好幾張相之後，就一行五個人行左去清風街食甜品，

呢一間就叫做甜姨姨既鋪，啲野食就都OK啦，

最特別就係果個芝麻雪糕加芝麻西米露同埋個竹筒豆腐花。

返到屋企又十一點幾啦，最後又搞到成一點鐘先訓，可憐！

首先，祝各位中秋節快樂啦！

雖然我都知道自己好遲先至講……

點都好，希望大家開開心心咁樣過啦^^

九月廿二日，English` Miss Leung比較燥燥地，

可能我地做assignment唔夠認真掛…

跟住Dexter望住個鐘比人話；Henry訓教比人勁話，可憐！

至於尋日默書個成績就過得去啦，都有九十分既=)

Chinese`孖堂，唉！不予置評啦，對答案同做聆聽-.-

CIT同音樂都冇咩特別，晏咒就成大班人去左7-11道食。

午膳後既兩堂數學，出奇地好快就過左，可以話係unbelievable，

而今日又開始講新topic 啦，真係好鬼死煩囉！

宜家終於搵得番上年學期尾既Mr. Cheung啦，

變番一個有時會講廢話同埋幾挽得下既佢，太好啦！

返左學之後就去左學琴，出乎意料地，呢個禮拜冇咩練過琴既我，

竟然比老師話我彈得好，完全唔make sense囉！

夜晚果一餐可以話係我期待左三個月架啦，

舅父兩個又上左黎食牛排同埋羊架啦，實在太好啦。

啲安格斯牛排真係好食到爆，啲汁鎖哂係啲肉入面，正！

跟住就食左啲雜果沙律，好味好味！好一隻為食鬼。

晏啲會再食冰皮月餅同埋其他小食喔，因為佢地又打緊麻雀，哈哈！

反正聽日又唔洗返學，宜家又只不過係十一點幾，冇所謂啦。

話說頭先幫媽咪打左一鋪，終於食左鋪五番啦，

雖然打果陣時好緊張，但係食左糊之後當然好開心啦！

嘻嘻，係時候飲埋支Jolly Shandy去啦，亂hea亂hea。

話雖今朝好早起身，但係今晚就當然冇三點都唔訓啦，YO！

唉！中秋節睇唔到月亮，唔多唔少都少左啲氣氛嘛……