十月三十日，晏咒同左媽咪爸爸去左N年冇食過既Mos Burger。
食完之後就上左去SARA屋企啦，原本係讀下英文個話劇，
但係最後果五個鐘都係亂HEA，認真做野時間唔佔八分之一。
而果啲時間就當然係用黎講是非，哇哈哈！不過大家一齊傾閒計都真係好開心。
果晚返到屋企就睇左陣本英文書，最後就搞到兩點先至訓。
萬聖節既活動就係不停溫書，夜晚舅父佢地就上左黎同我打機，跟住就打邊爐。
呢餐好豐富，有肥牛、墨丸、芝士丸、魚蛋、腸、菜、蠔、帶子、生根、豆腐，正！
之後我就一心三用，分別睇電視、溫書同埋傾MSN，好強喔！
最後佢地無啦啦又手痕開檯，咁我就溫中史啦，最後一點先訓，太興奮。
今次既周會就輪到我彈琴啦，宜家每次伴奏都好驚出錯，
唉！恐怕又要一段長時間先可以克服啦……真係太可憐。
十一月二日，上P.E.堂果陣時就做左一分鐘Sit-up啦，
但係我維持唔到上年一秒一下既成功囉，宜家一分鐘先得五十下……
跟住就係好變態既九分鐘耐力跑，我成程跟住RAYMOND，冇停過！
最後果十秒仲爆左大半個圈添喔，都最遺憾就係唔記得數圈-.-
其實我好好奇：籃球同羽毛球係咪只可以選其一？唔可以兩樣都叻叻地架咩？
十一月三日，音樂堂就睇果套音樂人生，好悶，冇興趣，冇特別。
之後又走左去士美菲路打學界，今場就打同組勁旅──聖馬可，
點知我地B Grade既隊長同埋頭號種籽因為頭暈所以唔打……好過分-.-
我地結果大亂陣腳，第一場單打就由蘇某打啦，結果比人怒炒21:4；
第二場就到我呢個新手拍盧諾希，結果因為經驗問題而輸21:10；
第三場就由B Grade既二號種籽鄺永廷唔夠打，直落三盤輸晒-V-
打完正式既比賽，我地幾個就係道練波啦，結果打到六點先至閃。
奈何我由港島最西返到去港島最東要75分鐘囉。
去到中環果陣時仲要塞車塞左成半個鐘，我當然就好珍惜時間咁訓教啦=)
十一月四日，英文堂最終鬧劇收場，講起黎真係一匹布咁長。
最諷刺既就係I.S.堂同英文堂好似兩個世界咁囉，簡直係天壤之別喔。
我從果一刻開始覺得「佢」好古怪，有時好NICE，有時無理取鬧，太恐怖！
臨落堂之前Mr. Li開始教新一課，就係講電流果啲野。
咁佢望左個座位 表之外，就分別將我同JACKY個名改左做陳逸逸同陳樂樂。
坦白講，我好鐘意呢個「花名」，因為實在好可愛囉！
之後佢先後叫左我地兩個出去，用果舊唔知乜野儀器測試電流量啦，
又話我地容易比人電親，跟住再攤開我隻手，攞支木棒(?)打左下手心，
最後再好似好PRO咁望下我啲掌紋，講笑咁話我會有好多女朋友，好無奈咁笑死左！
最後果兩堂人民科，Miss Law同我地溫書啦，
之後就繼續講香港既經濟發展，咁岩見到個日文片假名，
就好想知道點讀同點解，咁就問：「我地班有冇人識日文？」
奈何好多人即刻指住我囉，好彩識讀同埋個字冇特別意思。
最值得提下就係Miss Law原本想講Laugher，
但係我地就登特話係LAVA，搞到佢笑到唔停口，真可愛喔！
十一月五日，我發現自己開始鍾意上番D.T.堂啦，
主要原因就係唔洗再用軟件畫圖，哈哈！
呢日就MISS左最尾果堂，去左西區公園打學界，
第一場單打由張禹打，雖然佢打位好勁，奈何輸21:16；
第二場就鄺永廷拍吳卓文，就贏左對方；第三場吳卓文出乎意料唔夠打-V-
第四場終於輪到我同埋盧諾希啦，但係犯錯次數頻頻，輸21:18，唉！
我地再一次輸局數3:1，唔洗進級，煩少樣野，嘻嘻！
而第五局就當係友誼賽咁打啦，我就好輕鬆咁炒人21:10，
嗯！如果當初我地有機會打到第五局，就可以攞番個尾彩架啦……
打完就去左搵阿妹啦，我地食緊PIZZA果陣時，佢好好奇咁望住我地，好得意！
十一月六日，返左學校做V2義工計劃，果兩個鐘都好悶下……
我唯有係FACEBOOK道周圍禁同埋回應啦，
夜晚係婆婆屋企背好中史同埋IH啲麻煩野就開始打機啦，太爽啦！
十一月七日就成日留係屋企溫書，
加加埋埋就做左啲TENSE同PROOFREAD既練習，再死記IS同背IH，好HEA…… |
