十月十九日，係屬於我地霸黃社回歸既日子。
坦白講，今日既比現係超乎自己想像既，
一塊實至名歸既銅牌、從天而降既銀牌令到我好興奮。
唯一比較可惜既係另一面銅牌係眼前若隱若現，最後都攞唔到。
回想起上年TOPAZ不幸攞到倒數第一，但今非昔比啦！
都係果句：事先聲明，以下呢篇野好長，有二千幾個字。
尋晚見自己未眼訓，就做下功課啦，跟住再畫左少少幅畫。
呵呵！經過一番悉心指導同埋小畫家既幫忙，終於有IDEA點畫啦。
奈何我冇理到今日要消耗幾多體力，最後我成十二點半先至訓。
七點半又去到運動場，都係幫手下咁去搬下野，SET下場地咁啦！
今日第一項既比賽就係男子丙組一百米準決賽喔，一共有三組，
理所當然就係三組入面跑得最快果八位可以跑決賽。
掛住2337運動員號碼布既我就係第三組，同組勁敵係綠社既張廸琛。
我起跑既反應同平時一樣，都真係幾快架！
值得高興既就係我今次跑得快過上次初賽，由14’04變成13’88。
但奈何張廸琛就跑13’82，唉！唔緊要啦，入到決賽乜都得。
好不幸地，已經做足熱身既我跑完呱場左腳大痺即刻拉傷，咩事？
九點半跑完呢場之後，就休息左一陣，跟住十點半又要召集。
今次就係男子丙組二百米決賽，我既目標就係霸佔前四其一席位。
同組又係 ☆死敵☆ MICHAEL，紅社李俊諾同埋綠社既張廸琛。
跑之前我覺得隻錶唔多唔少都會對我跑既速度有少少影響，
所以就地搵左吳SIR幫我保管住先，佢知道我跑咩後叫我加油，多謝晒！
我做住一個預備起跑既動作，隻眼就一直望住個彎位，有少少緊張。
跑第六線道既我今次冇咁快攰，起碼冇係衝線果陣時差啲仆低先啦……
話說我一過左第一個彎位之後，就比MICHAEL同張廸琛超越左，
但係我都係冇理會，因為果陣個心態就係追到幾多得幾多！
陳老師，Miss Tsui同黃老師係終點線望住我地，感覺始終有啲怪。
結果我以28’56完成左呢一項既決賽，最開心就係攞埋個季軍添喔！
其實我今日無時無刻都係處於跑既狀態囉，跑完200米又11:15。
休息果陣時，見到李昊、古柳權佢地跑，當然要叫下口號、打下氣啦！
過左冇幾耐，大約十一點半，就輪到男子丙組一百米決賽啦。
今次我真係好大壓力，八個人入面得我一個黃社，
側邊既其他黃社社員都好落力咁為我打氣，輸左好似有點兒那個。
另外仲有藍社既MICHAEL同潘俊希、綠社張廸琛、紅社李俊諾同其他小角色。
比賽之前，李昊同埋上年同我跑接力既鄭庭軒、鄧竟行都 ☆叮囑☆ 我隻手要旭勁啲。
我聽到Set之後，個心就開始數一、二、三，就爆左出去啦！
今次我真係好聽話，隻手旭既幅度都大左好多。
唔知係咪心理問題，個速度的而且確好似係快左啲咁。
跑第五線既我起跑之後就一直追住MICHAEL、潘俊希同埋張廸琛。
去到最尾果五米，MICHAEL同潘俊希已經先後衝線，
奈何我同張廸琛既距離係近到冇人睇到……簡直係兩個人既季軍之爭！
跑完就問番陳老師睇唔睇到啦，佢話一係第三、一係第四，要睇相先知。
唉！不嬲都充滿鬥志同埋好勝心既我當然想有番個季軍既名譽啦，
但係宜家咁既情況，都係唔好理好啲啦，聽天由命吧。
返到看台就終於可以等食飯啦，呢個時候我地不停叫口號，
務必要嘈到人地講唔到野或者蓋晒人地把聲，哈哈！
我發現黃社叫口號果陣時真係好莊觀，好有氣勢。
之後就係午膳時間啦，等左PHOEBE一陣先至有野食，冇所謂啦。
最慘既就係我兩隻腳都完全乏力，有時仲會酸痛添喔，唉……
食完就同KEVIN去左紀錄室道當值啦，講左幾句野我又要召集啦！
原本RAYMOND同GABO應承左我話跑4x100米接力，
但上個禮拜三就無啦啦走去跑4x400（攞埋銀牌），搞到我要重新搵人。
唉，真係好過分囉！首先已經輸左個勢。最尾經過兩位社長簡人，鄧竟行編棒，
第一棒係400米決賽季軍黃治樺；
第二棒係100米跑14’51而入到決賽既夏均俊；
第三棒係100米跑14’74而係準決賽止步既鄭百庭；
第四棒係200米季軍兼100米跑13’88既本人，哈哈！
我地四個練左陣接棒，起步就去左報到啦。
臨跑之前，古柳權係我附近，我話佢知我好緊張，之後我踏住我膊頭話：
你睇下綠社同紅社果個第四棒幾迷網、你只要盡力同藍社鬥就得啦！
槍聲響起，第五線道既黃治樺好快就追過左第六線道既綠社，將接力棒交左比夏均俊。
天助我們也，夏均俊出乎意料地overtake左藍社果位仁兄，暫時領先。
唔太習慣跑彎位既鄭百庭接到棒之後好努力咁跑，奈何藍社既潘俊希爬過我地頭。
呢個時候，鄭百庭同我既距離愈黎愈近，我備向線道既右方企，方便接棒。
我伸出自己隻左手，準備鄭百庭既來臨。不幸地，佢擺唔中落我隻手掌道。
因為呢一個細細既錯誤，我地黃社耽誤左一秒，藍社當然就遙遙領先啦！
我係呢一個毫無壓力既狀態下盡情咁跑，隻手旭既幅度仍然好勁。
結果藍社以57秒幾勝出賽事；我地黃社以58秒幾獲得第二名，好耶！
之後我睇埋BOYS GRADE B 4x100果場之後，就衝左去紀錄室啦！
跟住果場就係李昊加古柳權率領既Boys Grade A 4x100 relay，
根據慣例，李昊加上古柳權呢個組合係無敵架，第一當然至在必得。
我留左係紀錄室一陣，都係講左幾個宣佈啦！
如果坐RECORD ROOM同企SPORTSGROUND比起，
我鍾意後者多啲囉！因為咁樣可以向高難度挑戰，始終壓力會大啲，嘻嘻！
換番啲校服之後就坐番係看台，聽班主禮嘉賓致辭Zzz……
跟住再頒發接力邀請賽同埋親子接力賽既獎Zzz……
終於就係頒發各重要獎項啦：
男子甲組最佳運動員亞軍（李昊）、女子丙組最佳運動員冠軍（PHOEBE）、
全場男子總冠軍同埋四社入面既全場總亞軍。
雖然綠社以一千幾十分成為總冠軍，但係我地都唔係輸好多，
話晒我地黃社既總分都有九百六十一分。
至於上年好威既SAPPHIRE今年就做三哥，可憐@.@
真係好犀利喔！我地黃社一有人攞獎，就即刻以聲音鎮壓全場。
同自己所預料既一樣，就係奉獻左自己把聲出黎，哇哈哈！
林潔芳、葉嘉麟同吳政寧叫口號果陣時真係帶動晒啲氣氛，好正。
啲主禮嘉賓一離開左運動場之後，我地四社就擺陣，
係道亂叫口號，攞住堆旗攘黎攘去，個場面雖然混亂，但係最精彩既。
其他人一黎到我地黃社管轄的地域，就即刻比人用大聲公趕番走。
最尾我地仲用「只要努力，一定進步」去玩人浪，完滿結束兩日既陸運會。
我地臨離開之前影左兩張大合照，再執埋啲垃圾，就返左屋企啦！
呵呵，實在太開心啦！聽日有個所謂既IH專題考察喔，
其實直接啲黎講係去玩……我聽日唔要失聲呀，如果唔係就大件事啦-V-
星期五又要同聖馬可打學界啦，零期望，盡力啦xD
至於啲功課差啲唔識做架姐，另外Visual Arts幅野畫左10%啦，加油。
|
