電腦真係一樣好誘惑既物體，唉！就黎要綁住自己啲手手腳腳。

呢篇係考試前最後一篇，亦係二零一零年最後一篇。

其實我覺得呢一年真係過得好快，而又係時候去迎接新既一年啦。

就算今年聖誕節出左街，都完全感受唔到個氣氛，

再加上係屋企唔係溫書（直接黎講係背書），就係對住部電腦-v-

假期永遠都係好夜訓，最低限度就係一點，想冇MONDAY BLUES都幾難。

十二月廿五日最後係玩到四點半，真係好開心哇；

BOXING DAY夜晚就搭船過左尖沙咀，

落左船就去左1881道，果日同其他人講既一樣：好靚，

果種有少少似「西方復古」既建築物真係勁GRAND囉，影左勁多張相xD

之後就入左海港城道搵野食，啲人多到想死咁。最後食既係……大家樂-.-

食完就沿住梳士巴利道咁行，嘻嘻！係半島影左幾張夜景相，

可以好似上年某同學咁將半島日景、夜景、正面同側面放落個IH專題道=)

跟住就係星光大道停留左一陣，順便睇埋幻彩詠香江，哇哈哈！

最諷刺既就係我好似係第一次睇晒全長十五分鐘既滙演………

呢幾日就可以話係主要溫書啦，聖誕溫書的確唔係一件好事-v-

我記得林SIR叫過我地唔好掛住溫書，要放鬆下。我當然有跟住做啦xD

嗯！已經被IH洗左腦啦，背晒全部考試範圍啦；IS就睇過幾眼咁啦；

至於中史已經背到唐末啦，哇哈哈！其他科呢…………仍然係被我擱置中。

十二月三十一日除夕，本年度既最後一日。

今晚就係去婆婆屋企打邊爐，哈哈！又係打邊爐喔=)

其實我有啲想去倒數架，但一諗起果道啲人咁多，

推住你黎行，對一個零EQ既人黎講就冇晒MOOD啦係咪？

唉！冇咩野好打。呵呵，都係繼續溫書啦。

最後等我同大家講定句HAPPY NEW YEAR啦=)

前日晏咒得我一個戇居居咁留係屋企，都係溫左陣書咁啦，

夜晚就食左越南餐，每一樣野都好好味喔，食得好飽添！

返屋企之前就買左個CAKE，就係北海道牛奶芝士蛋糕啦，嘻嘻。

十二月廿五日，講真呢幾年過既聖誕節都幾普通。

由於前一晚兩點先至訓，呢朝變左十二點先起身，唉……

呢朝起身既溫度同前晚差好遠，果然係愈黎愈凍。

嘻！凍咪好囉，如果唔係點叫聖誕節呢？

過左幾冇耐就出左太古食MOS BURGER，

順便係吉之島買多少少野，準備呢一晚既聖誕大餐。

夜晚細舅父同埋靜姐姐同出埋黎，我地兩個當然係打機啦，哇哈哈！

其實大餐對我黎講，係要分好多輪食野，宗旨就係食不停-v-

八點幾就開始前菜，先食左個DIY (當然唔係ME整)既CESAR沙律。

生菜`紫椰菜`青瓜`蕃茄`紅蘿蔔條配上酸酸地既醋，的確唔錯喔；

沙律過後就開始有樣主菜啦──兩件羊架，加上少少芥末，好香哇。

而我最期待既當然係安格斯牛啦！同以往一樣，果兩塊牛真係好JUICY=)

自從果次發現「新大陸」之後，安格斯牛就成為左我地食大餐既主菜，呵呵。

最後當然唔少得 有甜品啦，食埋前日未食晒既CHEESE CAKE啦！

第一輪食完之後一定要有個BREAK啦，佢地就慣性打牌；我就慣性打機^^

十二點鐘（強調係十二月廿六日凌晨），第二輪又黎過啦。

首先就係由雜果TROPICAL沙律打頭陣，之後又有塊牛，食得真係好開心喔xD

宜家係十二月廿六日三點幾，話咁快就係BOXING DAY……

唉，時間過得真係好快！期待左一年既聖誕節又過左啦。

頭先同RAYMOND傾左幾句，佢竟然話：你都好夜喎！真係笑死我-v-

佢地四個當然仲係打緊牌啦，係屋企啲燈飾襯托著咁播歌，超RELAX。

岩岩仲食左杯雪糕添喔，如無意外就應該為呢日既大餐劃上句號……

食完雪糕仲幫爸爸打左一鋪，點知就要輸自摸，呢牌對死晒，唉-.-

嗯！期待聽晚去行尖沙咀，感受下聖誕節既熱鬧，同埋凍冰冰既氣氛喔！