農曆新年果陣唔知係咪持續好夜先訓既原因，抵抗力又開始出現問題。

初四一起身，覺得自己唔多妥就探熱啦！點知99.8度……

個人好似即刻謝晒咁樣，晏啲再度，變番99度。

之後爸爸同媽咪出去行街，我就上MSN啦，周圍搵人傾計，又上FB玩神來也。

唔知係咪有糊食，竟然短時間退燒，麻雀既威力果然好強。

二月二日，年三十晏咒去左行年宵，不過人始終都係好多。

你根本就唔會有機會好仔細咁睇到果個攤檔擺左乜野，

你只會企起條路既中間，比後面啲人踢住黎行-V- 呢種感覺的確唔太好受。

坦白講，我有時都唔明點解要棒住杯大貢茶返屋企……

食埋野番到屋企用柚子葉沖涼之後，又係時候去康怡睇戲啦！

哈哈，23:35開場既新少林寺真係好值得期待，哇哈哈！

《新少李寺》既片長係兩個幾鐘，但係根本冇冷場，成場套都好緊湊，正！

個故事線其實真係好簡單，但可以用四個字概括──發人深省。

雖然最後幾乎所以主角都死晒，但係動作位同笑位都唔錯，值得一睇，推介。

睇完之後都已經兩點鐘啦，我地三個踱住步咁由康怡行返去西灣河間甜嫂食糖水，

唔知點解今次食呢個鮮奶燉蛋白冇上次咁好食@@　啲味好似冇咁香喔！

不過唔緊要，重點就係我好耐都未試過年三十晚咁夜仲係街道流連。

食完係條街道做一樣好重要既野，就係搵的士-V- 結果成四點鐘先訓教。

其實每年去拜年既行程都好似SET死左咁樣，初一就係北角同小西灣兩邊走-V-

夜晚就係返姑媽屋企食飯，之後就幫爸爸打左幾鋪大陸牌，

雖然頭果兩鋪唔係輸自摸就係輸降，不過最後果鋪我就自摸，攞番六十蚊！

姑媽跟住就話咁岩有八個人，不如開多檯打啦，打細啲咪得囉XD

原本都好好運，不停降，不停食；但過左十二點之後就好似死左咁樣，

開始靠自己贏番黎既七十幾蚊輸下輸下就輸左十蚊，嗚嗚嗚……

最後打到兩點鐘就走LU，又一次連續兩日三點幾先至訓-V- 爽喔。

初三夜晚就同爸爸果邊團拜，真係好多人，好開心喔！

話說我同緊個表外甥(7歲)玩果陣時，佢個妹 (1歲半)就好八卦咁走黎睇下，

跟住好出乎意料咁伸手，示意要我抱。自從果一刻開始，就基本上離唔到手。

有時放佢落地行，就要彎住條腰咁捉住佢隻手，佢左走右走，搞到條腰好酸-V-

不過唔緊要，同個咁醒同埋咁活潑既阿B玩都真係一件唔錯既事，哇哈哈！

二月九日，年初七就同成班人去左銅鑼灣間MR. STEAK食自助餐。

熱盤的確唔係好吸引；唔知點解啲青口會加辣醬，九唔答八咁，搞到我冇得食-V-

八爪魚刺身最好味，墨魚就比較硬，至於三文魚就幾新鮮，唔錯唔錯！

果度仲有好多沙律添呀，而啲甜品既款式都好特別，值得一提就係個日本CHEESE CAKE。

最具特色既就係安格斯牛扒，呢度啲扒唔似其他餐廳咁乾淨淨，好似食紙皮咁樣。

佢果啲牛當然唔夠係屋企煎果啲咁好食，但個質感的確係與眾不同。

另外再有一種特飲：芒果橙汁。入口果陣酸酸地咁，飲落左啲芒果味就出黎啦-V-超特別！

呢日返到屋企就係時候做個結算啦，睇下今年既ANNUAL INCOME狀況如何。

嘻嘻！今次都唔錯。不過實際既數目當然係TOP SECRET啦，哇哈哈。

一月廿八日，農曆新年假之前既最後一個上課天。

久違既V.A.堂仍然係死寂一片，今次就LOGO DESIGN，煩死-V-

話說我進入左ART ROOM既範圍之後，不停周圍望，

最後終於發現自己之前果幅「抽象」風景畫貼左係一個角落道……

之後聽聽下MISS WU講野果陣時，VANNESS無啦啦捉住我個衫袖，指住張檯。

我睇近啲原來係一條正在蠕動既蟲，我個腦突然空白左一陣，

畢竟我唔多妥蛇、蟲呢啲野……最後我攞左張紙巾撥左佢落地，

始終我仲未夠膽用一隻食指禁肩果隻野，直到佢死左為止……諗起都好嘔心。

V.A.之後就同H.E.堂啦，今年MRS. CHEUNG就比我地自己分組啦，

結果我加HENRY就同SARA、CRYSTAL一組，好似個預定組合咁*v*

我地例牌就要搬櫈仔坐係出面聽佢講CARE LABELS，果個鐘坐到我腰骨都直埋@@

跟住果個RECESS，JOJO`RICKY`SARA同我就攞住張卡落左STAFF ROOM，

JOJO請左MISS LAW出黎，我就好白痴咁講左句開場白：

MISS LAW呀，請問今日係幾多號呀？「今日咪一月廿八日囉。」

JOJO再問：咁後日係乜野日子呀？「哦…哦…我知道啦！」

SARA就係背後攞左張卡出黎，就話：送比你架MISS LAW，生日快樂。

佢果陣時個樣真係呆左，LOAD到咩事就好興奮咁話：多謝晒你地呀！

係咪上年1A班同學一齊送架？「係喔係喔！」多謝你地。

我地望住MISS LAW咁開心咁攞住番張BIRTHDAY CARD入番教員室真係好開心。

始終我地買CARD既原意就係要令到佢HAPPY嘛，宜家目標達到真係好有滿足感！

唔知點解今日啲堂好似好長咁樣，第五、六堂既英文堂猶如放學前果兩堂咁樣。

或者係啲堂太悶；又或者係我太肚餓既原因搞到有呢種錯覺-V-唔好受。

更加古怪既就係「佢」兩日完全冇鬧過人，好平靜。

今日仲叫我地設計樣GADGETS，啲設計真係好搞笑囉，有啲仲係針對個別同學而設=)

LUNCH之後個HOME PERIOD，MISS LAW無啦啦係門口講左句：真係多謝你地喔。

其實佢呢句野真係有啲尷尬，好多2A既同學聽到都不停係度問：多謝啲乜呀？

放左學之後我又單獨走去搵MISS LAW，同佢講左一句：其實佢地唔知道架。

「因為我諗住好多1A同學係2A班，所以我先至咁講。係咪搞到好尷尬呀？」

唔係喔唔係喔。「唔好意思呀！」我聽到之後唯有不停咁講「唔關你事。」-V-

夜晚細舅父好臨時臨急咁上黎食意粉，仲買左啲糖水添喔！

佢地之後當然要做例行公事啦，話說媽咪洗碗我又幫佢打左幾鋪，

我好叻仔咁樣甚少出沖，仲食番糊添喔！已經成為一個指定SUBSTITUTE。

話說上一次同姑媽打左一鋪大陸牌就食糊啦，姑媽就講笑咁話我成功率係100%。

至於我冇得打果陣時就當然係對番住部電腦啦，有時就望住佢地打，

佢地打完四圈之後就食左個幾貴同埋勁好味既COVA製蛋糕，哇哈哈，正喔！

過左一陣就輪到爸爸搵我做SUBSTITUTE，今次我一坐低就自模，

所以佢就同我講：比你打多幾鋪啦！呵呵，終於以LUCK博取到啲信任XD

之後果鋪就清一色（八十番）叫糊架，不過食唔出，真係SAD到爆！

我覺得自己已經有少少中毒囉，我見個勢唔錯，就哀求比我打左鋪，嘻嘻。

最後搞搞下又四點幾啦！話說第二朝要晨咁早出去SARA屋企做PROJECT囉……

訓左四個鐘之後，就好辛苦咁樣爬落床，隻眼都仲係好攰。

執埋部手提電腦就出左去太古啦！去到當然要好有禮貌咁同UNCLE、AUNTIE打個招呼啦，

PHOEBE之後都黎埋，我地幾個好PRO咁攞晒啲手提電腦出黎開工啦，

唔知係咪每人都有部電腦既原因，今日基本上係冇咩點HEA過囉，

主要都係上網睇番香港築跡去攞啲資料做參考，整簡報，或者繼續搵資料。

晏咒就JOIN番媽咪、爸爸、舅父同靜姐姐過左太子買花，

係一間好逼既冰室食完個所謂「午餐」之後，就行左陣花園街，

其實我唔應該用個「行」字，根本我地就唔洗行，係比人推著黎睇-v-

最後就SPENT左成三個鐘係花墟道，慶幸唔算太多人，

我地買左串串金、鞊謹同水仙=)　至於舅父佢地就買左好多雜花XD

搞到五點幾果陣時，我終於上左架回程既巴士，

果陣時我根本係攰到不堪，再加上聽緊歌，所以好快訓著左！

最諷刺既就係九龍塞車，係太子返柴灣竟然雖然個幾鐘車程，恐怖。

一月三十日，晏咒起身食完少少野之後又要攞埋部電腦去SARA道啦！

原本就得我`SARA同PHOEBE係度做野，又係睇香港築跡同埋整POWERPOINT啦。

其實我地真係好認真咁樣囉！雖然之後我同PHOEBE聲東擊西咁睇左SARA張相XD

差唔多五點幾果陣時，RAYMOND打完波黎埋，佢無啦啦用SARA個MSN係度搞搞陣-.-

跟住我地就開始講下匯報既形式啦，最後決定以部分播放映片。

不過我地再深入啲咁講細節果陣時，SARA顯得好迷茫，唯有由頭黎過。

結果就傾左成個鐘先有個好基本既結論@@ 差唔多八點鐘我地先至走-V-