二月十四日情人節。朝早電腦學會叫左我`RAYMOND同DEXTER去攞獎。

原來我係中、英文打字冠軍，實在太開心啦，哈哈！

獎品就係兩盒一模一樣既唔好食朱古力，最衰就係連一張CERTIFICATE都冇-V-

之後陳老師就同我地調位，今次個情況唔錯，嘻嘻。

隔離就係陳詠姿，都幾NICE，應該幾容易熟絡；

後面就有PHOEBE同埋梁俊傑，前面就有ALEX同埋MAX，隨時隨地都可以請教人啦！

RECESS果陣時，黃頌雯走過黎叫我開左盒朱古力請佢呢個失戀既人食啦，

點知最後變左一窩蜂咁樣湧過黎，奈何果盒野又有薄荷味，又有杏仁味……

重點就係啲朱古力好甜，搞到我自己都冇咩興趣。

離開學校之前，CRYSTAL無啦啦攞住幾粒過黎，話替某人比我喎=)

坦白講我的確有少少開心，始終都係我既第一次。

原來係一粒DARK CHOCOLATE，好味！多謝妳既一番心意。

由於我地呢個星期五要錄STORY-TELLING，

所以放學MISS LEUNG搵左我地練左一次，冇咩特別。

我真係覺得MISS IP係一個極有耐性既老師，

我同PHOEBE身痕咁去搵MISS IP，諗住請佢聽下我地讀成點再比評語。

二月十五日我地LUNCHTIME走去搵佢，佢搵到個CRYSTAL一直都讀錯個字。

跟住佢見我地有啲迷網，仲親自演繹果個角色，等我地可以參考下！

二月十六日仍然係LUNCHTIME搵MISS IP練下，

佢呢日比我既評語同上次一樣，唔洗咁激動，讀慢啲，哇哈哈。

原本宜家打左鐘要上堂，不過MISS IP冇留意，係佢見到SARA個眼色先至醒起，

跟住佢果啲動作好快就沖左出去，笑鬼死我xdd

佢仲唔嫌我地麻煩，叫我地五個放左學去見佢講左少少野囉，真係好感動。

講真果句，一個任教緊既老師竟然冇上年果個咁落力，唉……

二月十七日午膳搵MISS LEUNG，佢竟然呢日先講讀錯晒brocade呢個字，

我地心諗，你究竟係幫我地定係害我地架-_-?

放左學之後例牌敲STAFF ROOM道門，請左MISS IP出黎之後，

佢就帶左我地去1A班房，真係好有親切同埋歸屬感囉=)

最搞笑既就係我地幾個偷偷摸摸咁，廢事比其他人見到啦xdd

呢日佢聽晒我地讀完之後，讚我地WELL DONE，睇得出放左好多EFFORT落去，

改埋少少OPENING同埋ENDING之後，用左句GOOD LUCK結束呢日既練習-V-

二月十八日放學果陣時終於要錄音啦，點知去到中段PHOEBE無啦啦笑，

咁我唯有用一個唔同既方式去表達埋佢果個對白啦，急中生智-_-

不過唔緊要，呢個只不過係少少既問題=) 反正Mr. Tsui都話我地Well-Done！

事後先知道原來PHOEBE係見到CRYSTAL笑先至笑，

至於CRYSTAL就見到我同PHOEBE搶咪果個情況，

聯想到獎門人既啜乒乓波遊戲，唉……點解佢可以擁有咁豐富既想像力？

二月十九日，夜晚返到屋企之後舅父佢地兩個上左黎，

佢地今次竟然打廣東牌囉，咁我當然企埋一邊學野啦，嘻嘻！

最後我地就兩點鐘訓，都算早架啦！反正聽朝要去SARA道……

二月廿日，朝早捧著部NOTEBOOK去左SARA道。

點知我唔醒起呢日東區走廊跑馬拉松，

搞到我坐果個小巴係筲箕灣道塞死左，唉！

呢日我地幾個都做左好多野，差唔多起好個定稿啦，好耶。

不枉由朝到晚對住部電腦，頸都梗埋囉，真可憐。

臨走之前先發現PRINT果份STORY-TELLING錯左，

咁我就好心急，不自然咁樣係度跳同DUM地，

跟住SARA無啦啦話：「你做咩學我係度DUM地？」笑死我xdd

呢日佢媽咪仲整左啲蛋糕我地食添喔，真係幾好味！

我仲唔小心咁係SARA間房見到一張紙仔寫住佢全副身家既金額，

嘻嘻！原來我同佢果啲差唔多架炸，都係有一萬四千幾，呵呵。

夜晚就係柴灣JOIN番媽咪同埋爸爸食野，跟住先至返屋企:D

二月廿一日開始，陳詠姿出水痘，至少一個禮拜冇返。

搞到我好似自閉咁樣，無無聊聊，唔知點解有少少掛住佢囉-_-

成個禮拜上既堂好似淡而無味咁樣，個個老師都好似播緊催眠曲咁。

二月廿二日返左小學，同左MISS LO加埋蔡老師傾計，

唔知點解講講下牛奶仔啲事蹟，引起全部人既怒火！

當然都勾起番我地以前既回憶啦，最深刻既就係曾定楠唔旬死打左佢，大快人心。

蔡老師仲話：我絕對唔想打佢，但係我會搵人打佢，真係笑死我。

MISS LO就主要問下我地讀書啲情況啦，同平時差唔多XDD

二月廿四日LUNCHTIME就輪到我地2A班既男仔打班際籃球，

我就正選出場，封左幾個傳球，帶過兩次波，射過兩次，當然唔入。

最好笑既就係我係短短時間已經兩犯-_- 陳冠達仲叫我唔洗咁搏xdd

當MICHAEL同RAYMOND未落場，我地已經LEAD緊人地幾分，

主要原因就係EDMOND同ALEX係幸運之神眷顧下射入兩個三分波。

最後我地都算係炒贏對手1B班。唉！最衰上年既1A三劍俠拆夥……

放左學去打波，我就試下用教練幫我拉番果塊球拍啦，搞到好似上左身咁樣，

單打怒炒挑戰者，打左大約八場都係輸兩場；雙打拍盧諾希打左四場，輸一場炸=)

二月十一日夜晚，舅父佢地兩個又上左黎食家常便飯，

理所當然咁樣我之後又幫媽咪打左一、兩鋪，只可惜冇進帳。

呢晚我太約兩點鐘先至訓教，奈何第二日要朝早八點鐘起身……

二月十二日，呢日朝早我地六個人又GROUP埋一齊，對住一部電腦咁做PROJECT。

過左一陣，HENRY仲借埋部機加埋腳架比我地去錄影，真係麻煩晒=)

呢日夜晚又去左有隻貴婦狗既朋友屋企食飯，鋤大D同十三張的確幾好玩XD

至於波波(狗名)呢，就仍然係好貪食同埋好熱情，成日都LAI人隻手。

二月十三日，原本約左十二點係中環等。

點知11:50仲訓緊係張床既我收到PHOEBE既電話，問我身處何方-V-

我唯有以極速時間趕住咁出去……抱歉抱歉！結果我足足遲左三十五分鐘。

乜野都未落過肚既我就同佢地兩個冒住雨咁樣企係立法會附近，

用左好多時間去商量腳架點樣放，個角度應該點樣影，留左成個鐘。

雖然我都有攞住把傘，但係好似冇成效咁樣，唔洗十分鐘，由頭濕到落腳。

之後我地係地鐵站道穿黎穿去，終於去到下一個SIGHT，就係石板街！

我地三個決定用一個策略去錄影，就係行一次個地方先至決定用咩角度，

咁岩呢日都落幾大雨，更加可以捕捉到啲雨水從石板街兩邊既坑流落山。

RAYMOND會合番我地之後，就開始進行訪問既工作啦，我既對象就係外國遊客，

首先我見到兩個男人，GREET完再講埋目的之後，就問左兩條好簡單既問題，

好彩佢地唔介意比我地錄影姐XD 訪問完晒之後，佢仲同我講話佢地係TEACHERS -_-

過左冇幾耐我就問多一個自稱經常黎香港既外籍男人，佢講左一大輪野，成兩分鐘……

原本諗住訪問一個擺檔既阿叔，但見佢同個客傾緊，就先去左中區警署行個圈先番黎搵佢。

中區警署同域多利監獄都係冇咩問題，都算係幾快就拍晒要錄既部分啦。

離開中環之前，PHOEBE同RAYMOND成功採訪左個阿叔，大家都好成功哇，嘻嘻！

話說我地用左大約三個鐘去K.O.晒呢三個地點，坦白講同預期既真係差唔多，

原本唔落雨既話我地諗住由荷李活動行到去高街，但由於情況有變，改搭電車*v*

我地四個爬左條極斜既東邊街之後，終於黎到高∼街∼鬼∼屋∼啦，WOW@@

宜家呢幢建築物已經耳目一新啦，好難想像以前仲係精神病院果陣時個樣係點，

我地企係停車場對上既一條後樓梯，個氣氛好似有啲恐怖咁樣。

我同PHOEBE錄影果陣時，SARA同RAYMOND都唔知行左去邊，

好似驚會係個鏡頭入面見到啲唔乾淨既野咁，最後都係成功同安全既情況下完全拍攝-V-

話說企番係地面果陣時，PHOEBE就影緊啲建築特色，而我就食緊佢果件芝士蛋糕，

最可悲既就係呢件蛋糕就係我既午餐……更悽慘既就係果陣時已經四點幾……

沿住條般咸道行，就經過一個惠康，我地就係果度買左啲小食頂住先，百力滋XD

終於去到呢日最後一個景點：香港大學。我地入左西翼個閘口之後，不停搵路，

而周圍既人都好似用啲好奇怪既眼神望住我地咁-v- 感覺不太自在。

最後睇完地圖之後，終於搵到孔慶熒樓同埋本部大樓係邊度啦=)

其實如果本部大樓係呢段黃昏時間唔開燈既話，仲似鬼屋囉，哇哈哈！

我地企係大樓外面，受住風吹雨打都要冒住生命危險影MOVIES，人性的光輝XD

係香港大學STAY到六點半左右，終於為呢日既考察劃上句號，太好啦。

呢日返到屋企之後，又可以打邊爐啦，呢樣就係辛辛苦苦做成日考察既得益，呵呵！

凌晨兩點鐘，對我黎講已經變得好麻目啦！