三月十四日，綜合人民科專題匯報既前夕。
我地成組好多個人都好緊張咁樣，始終好多都未搞店，
話說我開學同自己講今年唔可以再臨急抱佛腳，奈何……
夜晚十二點半我同PHOEBE終於做好晒啲野啦，
而SARA都溜完冰咁上線問洗唔洗印野*v* 好盡責XD
點知係呢一刻佢地同時發現個簡報好多位都空左，
我禁入去望先知道原來我將舊果個簡報REPLACE左新果個，
果刻我真係好想用刀插死自己，點解可以咁唔小心，
犯左個白痴都唔會犯既錯，簡直就係自己捉蟲上身。
過左一陣PHOEBE訓埋，得番SARA上線咁樣陪住我，
我同佢解釋左件事之後諗住叫佢早啲訓啦，
點知佢仲叫我唔好講咁多野，快啲整好佢，比佢PRINT，
最令人窩心既就係佢見到我好DOWN，好主動咁問我洗唔洗幫手……
我其實真係好對佢唔住，唔只阻住佢全家訓教既時間，
仲係一個唔關事既好朋友去幫我一齊補鑊，我唯有不停講對唔住。
點知…佢唔單只冇嬲我，仲安慰我只不過係心急先會做錯野，
我真係好感動，覺得佢好偉大，愈黎愈鍾意佢。
就算佢係當幫朋友定係當為全組付出都好，佢事實上係陪我到兩點鐘。
第二朝我地兩個仍然係七點十五分返到去練習，
理所當然個匯報都唔錯……大家所付出既努力換來就係全班最高分既。
其實我好ENJOY咁樣做PROJECT，因為可以睇下大家既默契係點樣=)
至於DEXTER果組就超晒時，不過已經比上年精簡左好多。
同樣原因，佢地果組個PEER ASSESSMENT比我地低分，
佢就唔憤氣咁樣話其他同學對事唔對人，比得咁高分都係因為JUSTIN-V-
我心諗：就算真係又點樣，你自己都要好好檢討下啦好冇。
之後既P.E.堂終於令到我精神番少少，呢日打排球好強，為2A攞左幾分XD
奈何最尾果兩堂I.S.堂我地就攰到阿媽都唔認得，基本上係死黎死咁樣，
再加上個胃又發瘟咁痛，就算食左SARA粒止痛藥都冇效用-_-
放左學之後就有個英文尋寶活動，要係學校搵晒啲問題卡再答，
呢個遊戲令我諗番起當初我地希望聖誕聯歡會玩既，點知比MISS IP否決左:(
結果我地四組既分數一樣，要進入附加賽，五題題目入面答得最多為知贏，
哇哈哈，我地組最後加埋MICHAEL`BRIAN`RAYMOND`RICKY既努力脫穎而出，好耶！
呢晚仲去左杏花村食飯，慶祝婆婆生日，固執既佢有時都幾有趣-V-
之後既果個禮拜都係為最有心思禮物同埋LYRICS WRITING而煩惱，
RICKY首歌作得超正，而好多時我`JOJO`RITA同PHOEBE都留到成五點，
呢排同PHOEBE講多左野，發現原來佢真係傻傻地，仲自戀，平時扮低調，
成鬼日都提語境同埋要用啲文雅既字，例如PERISH代替DIE……
最嚴重既係佢填完啲詞之後會自稱為THE GREATEST POET，嘔-V-
跟住我地就會按著果個字既音節去為每個PITCH填番啲音，好專業XD
每令人感到有動力既就係每填好一句之後，無論剩番幾多，大家都係咁開心！
有兩次我地比校工趕走果陣時，諗住搵陳老師求救，點知佢走左，
逼於無奈又係要搵番MISS IP，真係麻煩晒佢成日都要RESPONSIBLE我地。
三月二十日，為左黎緊禮拜五可以成功演出，
我好努力咁樣去練琴，唔想個伴奏拖累其他小提琴、小號同埋長笛，
更加唔想我個人失誤而影響我地半班同學唱歌既效果……
所以呢日我好瘋狂咁樣由五點彈到八點，當中完全NON-STOP，
呢次可以話係我既創舉，從我K.3開始學琴到宜家都未試過，
可能亦都因為咁樣，我比自己既壓力太多，搞到自己都承受唔到。
原本彈果陣都冇咩事，點知愈彈愈衰；原本已經練好既部分轉個頭又炒，
呢三個鐘對我黎講簡直好似原地踏步咁樣，極為失落，好唔憤氣。
考完八級，連張所謂既證書都收到，如今連一首歌都彈唔好？我呸！
呢日算係好EQ既我已經冇咩點發脾氣，只不過不停咁樣洗人腦，
結果我所謂既努力換黎既只係爸爸同埋媽咪既責備，感覺好難受。
我更加未試過彈琴彈都喊，今次亦係我既第一次，
唔知點解彈到去插歌魔力果段好傷感，啲眼淚全自動性咁樣流出黎……
結果我係一個唔太願意既情況下選擇去沖涼，放鬆一下，
點知同平時一樣，只要係極度大壓力，道氣頂住頂住既時候沖涼，只會愈喊愈勁-V-
喊完之後仍然要面對。果晚經過SARA少少激勵之後，決定第二日先再去搏殺。
我真係好高興識到SARA，更榮幸我宜家鍾意果個人係佢，
只要我唔開心搵佢傾計果陣時，佢都係不停安慰我，成為動力既源頭=)
三月廿一日朝頭早，就同埋CHRISTINE講番前一日既野啦，
佢慢慢安慰番我，同我講急冇用，比自己休息下先，唔好一次過比咁多壓力自己，
我話比佢同SARA知道係因為佢地都係學樂器，應該知道我諗緊咩，
經過兩個人既心理輔道之後我終於叫做諗通晒……真係多謝你地:D
而放學我地終於填好左首歌，仲由頭到尾咁樣唱左一次之後，
真係覺得有史以來最滿足既一次，唱出黎個效果亦都好好聽。
隨後果幾日我地都花左好多時間去夾，仲訓練到愈唱愈大聲，
因為某啲原因，SARA`CRYSTAL同埋PHOEBE比我地叫埋去唱，
當我彈緊琴果陣時，配合住ALEX`NICOLE既小提琴；
RICKY既小號同埋BRIDGET吹既長笛，最後再加上大家既歌聲，
個感覺聽出黎真係好震撼，大家都好自豪咁樣-V-
終於去到三月廿五日，正式係音樂堂表演既一日啦！
我地依照平時練習咁樣去演出，基本上都叫做好成功。
呢次既機會絕對係將我地2A班每個同學既SPIRIT連埋左一齊，
令到我地突然之間變到好團結，呢樣可以話係好多人夢寐以求既野-v-
MISS CHUI聽完之後話好欣賞我地既歌聲同埋努力既成果，
佢當然不忘讚揚PHOEBE同埋RICKY所付出既花思。
我地最終都做到VANNESS前一日所講既野：繞MISS CHUI樑三日。
呢個見證我地2A班成長既比賽暫告一段落，
而我地班會之後要面對既就係得番幾日就DEADLINE既最有心思禮物比賽。
同樣地INGA`YOYO`VANNESS又係放左好多時間落去整令本筆記簿，
之後當然就係好趕咁樣比同學去寫低對陳老師既感受-V-
三月廿八日，MR.CHEUNG上數學堂果陣時，
佢個聲帶好有問題咁樣痴左線，四十分鐘內佢總共走左十次音，
雖然佢都係迫不得以，但係每次只要聽到佢走音把聲果陣就會好好笑。
仲有一次佢問問題果陣得JACKY一個舉手，佢就發左癲咁唱左句ONLY…YOU…
回想起今年佢真係同上年差好遠，可能係混熟左少少掛XD
翌日佢一上堂就寫左幾隻字落個黑板道：I Can’t Speak Today.
之後就係電腦道開左個WORD PAD，將佢想講既野打落去，
雖然呢種教書方法幾搞笑，但係其實真係有少少無聊-V-
自BRIAN有次上堂講左咩GOODEST之後，MR.CHEUNG一有機會就抽佢水。
晏咒HOME PERIOD果陣時，陳老師笑住咁樣同我地全班講，
話我地係LYRICS WRITING COMPETITION同1A攞冠軍，
大家聽到之後，開心到由心底笑出黎，呢種感覺真係好開心，好舒服！
似乎個歸屬感比學期初強左好多，變得團結既我地同其他同學都融合得好好，
奈何宜家已經三月尾啦，距離分別既日子剩番三個月，真係可悲。
四月一日愚人節，可以話係至少比人成功FAKE左五次，
不過FAKE番陳詠姿幾次就已經可以維持番個心理平衡。
呢日V.A.仍然係要整果個好艱巨既MASK，麻煩到喊-V-
至於H.E.就整左個冬瓜湯(?) 雖然有少少蝦，不過一啲都唔腥！
呢幾次我地果組煮親野食都笑到傻左，今次我做WASHING UP搞到一堆水，
HENRY仲要特登將啲係檯面既水撥晒落地下，等我順便攞個地拖黎抹。
跟住CRYSTAL又將少少殘渣塞晒落去果個SINK既隔渣道，簡直……
不過上次整既腐皮卷同今次既冬瓜湯(?)都幾好味-V-
LUNCHTIME之後果兩堂就變左去HALL睇個DRAMA，幾正！
不過同上年既ROBIN HOOD比起似乎有段距離XD
今次SHERLOCK HOLMES開始果陣時，WATSON問WILL YOU HELP US?
坐我隔離既JACKY超大聲咁講左句NO，WATSON就問WHO SAID NO?
RAYMOND就勁衰格伸隻手指出黎指住佢，WATSON衝左落臺，<
|
