題外話，個QZ係經協助下終於換左個SKIN，
個感覺好似即時充滿住童真咁樣，哇哈哈！
唉，已經連續好多日處於崩潰同心情反覆既狀態，
個長洲GATHERING簡直極度困擾，到目前係一波好多折，
其實如果我唔再從頭發洩多一次既話我會精神分裂……
第一折，六月二十日。
當我同PHOEBE覺得兩日一夜要考慮好多野之後，
點知好多同學都PREFER兩日一夜，
仲話咩「唔過意唔好玩或者冇意義」或者「過夜另搞啦」，
又話咩「要過夜就果日自己準備錢、衫或者其他應用品」，
坦白講果刻我睇到之後係處於不能自控既環境。
果刻如果我唔係比人咁住，我真係已經出左聲好耐，
首先唔過夜唔好玩，你對我地咁冇信心，你肯定日營係無聊既？
冇意義就更加好笑，你搞活動既目的同意義係乜野？
都係想大家開心、一齊玩，咁樣去所謂聯誼下彼此既感情，
邊個話日營係達至唔到呢個效果？除非你所謂既意義同我唔同，咁我冇野好講。
自己準備要用既物品就更加離譜，你咁樣講都係諗住果日去到長洲先搵屋啦，
你係咪肯定夠錢，夠房比你啊？永遠都係唔會企係我地搞手既角度諗野，
冇錯係可能有經驗咁樣搵渡假屋，但果陣時始終係暑假時段，人流呢？
唔好以為搞活動其實好易，你地企埋一邊乜野都唔洗諗同考慮就講得輕鬆啦，
你地宜家可以講得咁犀利，不如試下自己落手落腳搞啦…
我絕對歡迎聽取意見，但我覺得你地批評或者比意見之前可以諗清楚先囉._.
最後呢一折係因為PHOEBE同我講既果一番說話就完全影響左我：
做得搞手既就要盡量滿足大家既REQUEST，所以都要去嘗試下……
同日發生左第二件事，聽完之後係完全令我覺得好委屈。
你話「人地既意見唔好，你就BAN」，首先我要澄清既就係呢次唔係我BAN，
而係佢脾氣好有問題，完全未了解清楚就係就鬧我。
算我都可以忍，但係你話我「你知唔知人地好辛苦」我就冇得再忍，
請問我地忙緊果陣時你又做緊乜野？你又知唔知我又幾辛苦？
你又知唔知道我係背後要為左幾多事而要煩惱？你知唔知我要考慮幾多野？
佢地辛苦可以同我講，時間唔夠亦可以出聲，我唔係變態，我係會重新編排過。
第二折，六月廿四日。
前一日我地傾野同行動實在太快，
呢日朝早即刻收到RICKY媽咪既電話，叫我地唔好交尾數住，
結果我地首次面談，最後達成左個共識，就係繼續搞落去，
而AUNTIE亦會嘗試請假同我地留宿，同埋呢個活動會改做私人名義……
所以我地要重新打左次電話比各位同學講改做「私人名義」。
呢日其實我地嘗試打番學校搵班主席講，奈何佢已經離開左學校，
既然係咁，我地就已經再加多五百蚊訂金，總數八百元，
就可以將個尾數押後至到六月廿九號先交齊，
咁樣就可以收晒各位同學既錢同埋黎緊星期一問埋陳老師……
呢日係我地既討論當中其實真係學到好多野，要好好檢討自己，
冇錯我地總論快，行動更快，但係好多時就冇深思熟慮過X_X
我地更加冇為最壞情況作好打算，冇細心考慮安全問題，
呢度每一樣既問題都係絕對值得我地去改善……
第三折，六月廿七日。
收費幾順利，仲諗住搵陳老師講清楚，點知佢對卷，
所以我地淨係留低左張紙條就離開左。
果晚我係FACEBOOK收到陳老師傳過黎既MSG，
佢話「有些事情要在電話裏問清楚較好」，其實我真係好擔心，
其中一個可能性就係講長洲既野；第二個可能性就不詳喇，
果刻開始我患上焦慮症，完全唔知佢第二日要係電話道同我講咩……
果晚我同AUNTIE花左成個鐘係MSN講我擔心既野，
亦都諗左好多佢有機會問我既野，咁樣做都係希望有定心理準備，
同埋為最壞既情況，或唔同既因素去打算，
我真係從來都冇諗過原來講一個電話都要做咁多功課T_T
第四折，六月廿八日。
朝早同其他籌委(好PRO既專有名詞)傾緊應對方法，就收到佢既電話。
係果廿三分鐘入面，我可以話係孤軍作戰，雖然佢地心靈上支持緊我，
而陳老師個POINTS竟然係我同AUNTIE算漏左既一樣野，
由於有家長打去問，佢終於知道發生左啲咩事，
佢同我講電話果陣時，其實都係圍繞住幾個重點咁講：
首先佢係絕對唔贊成去長洲，更何況係宿營，
不過佢見我地好似搞到七七八八同埋私人名義，佢冇咩道理去BAN；
之後佢講既就係今次活動搞到咁大，令到家長同小朋友有爭執；
宜家係因為AUNTIE唔放心，搞到佢要特登請假同我地番宿，
令到原本唔關事既AUNTIE負上一個責任、承擔同壓力；
最後就係我地根本唔肯定果啲同學既家長係咪真係知咩事同批唔批準，
所以佢要求我地再次嚴厲咁問同學，佢地係咪真係同左家長講同係咪真係比去。
坦白講，即使佢BAN，我地咪叫少啲人去囉，將要顧及既層面縮細；
至於家長同子女溝通問題，很抱歉我地真係管唔到咁多，
我地問佢有冇問清楚，佢地答有，咁樣佢地問咩我地就聽咩架啦，
況且我地比應該做既野已經做多左好多，陳老師講完呢番說話後，
我地已經即刻再打比同學CONFIRM，唉始終呢樣野我地理唔到……
呢日晏咒AUNTIE再同我地面談討論，
傾清楚係咪真係繼續搞落去，始終第二日交埋個尾數就冇得再返轉頭，
結果我地既答案都係一樣，大家都覺得我地應做既都做晒，
要問既都問左幾次，就連澄清係私人名義都講到口都臭埋……
唔搞既話真係好掃興，同埋真係唔值得作出呢個決定。
最後我地又花左幾個鐘講埋要預料既情況同應變方法，同埋確實行程，
呢刻我真係覺得有班咁團結既PARTNERS真係好開心:P
原本諗住一切已成定局，冇野需要再擔得咁犀利，點知反而係一浪接一浪=(
第五折，六月廿九日。
本身打完波返屋企沖涼，點知見到AUNTIE既一個未接來電，
呢一個鐘既通話再一次令到我……腦部閉塞。
原來呢日晏咒陳老師同過AUNTIE兵講電話，講番啲細節，
而AUNTIE就覆述番比我聽佢CONCERN既就有兩樣野，
第一樣就係佢覺得我地太大膽，如果今次去完下次既要求咪更過分；
第二樣就係佢覺得我地太遲話佢知，好似變成知會咁，先斬後奏。
我聽完佢既說話之後仲同佢講左好多煩惱，意想不到就係講講下又喊，
佢都開解左我好多好多，真係好感謝佢，用左段時間我個腦再次諗通左。
但我更加恐懼既就係下次陳老師同我面談既語氣同我既操行分……
第六折，六月三十日。
朝早其實仍然對於陳老師既語氣好緊張，
而班務堂果陣總算捱過，因為佢冇時間講呢樣。
但其中一張通告就係講話買新書係七月十二日，
同我地長洲既時間基本上撞晒，所以好大機會要再編排第二日既行程。
為左大家既方便，又可能要再諗過，其實真係好鬼死煩。
而今日聽緊TALK果陣陳老師叫我出去，我就結果捉埋PHOEBE陪我，
結果佢鬧既野基本上一樣，對於我地好遲同佢講一事係極度憤怒，
講左一段時間，都係有佢講，冇我地講，係咁捉住以上個PT黎訓話，
唉始終我地真係做錯左，唯有硬食……肺部檢查完畢，冇野講X_X
早排有人介紹過我聽首歌，最近諗番起當中既歌詞：
從頭溶掉我多災的信仰 鑄造更光更亮
淋過冷水 也等得漫長
隨著每個打擊我會愈強 最難舌劍唇槍
怎樣武裝 和人言打仗
其實這鋼盔天天加厚最後令我站著亦牽強
我縱是內傷 但強人哪可休養
我變做了鋼鐵但未完全勝利 無人晚上會記起
我都想可以脆弱到仿似瓷器 極易碎那顆心就如破璃
雖然每折我地都叫做平安無事咁樣渡過左，
但每次遇到挫折或者阻礙既時候真係好灰同冇晒心情，
我唔係鐵人，我唔係想像中咁堅強，我真係會有軟弱既時候~
我真係唔明點解今次行事咁魯莽……
同埋其實距離七月十一日仲有差唔多兩個禮拜，
有邊個可以預計到呢段日子唔會再出現新問題？
AUNTIE曾經講過，佢大可以一早就BAN我地，
但係如果佢BAN左，我地又點可以經歷宜家既問題呢？
佢曾經安慰過我咁講，每件事都有正反兩面，
視乎你自己個人去點樣睇呢件事，唔好因為一次問題而打沉自己。
雖然咁樣身籌備真係好辛苦，但我相信果日見到大家咁開心，
我都會覺得自己同其他人付出既努力係值得既……
MISS IP曾經講過：LEARN FROM MISTAKES。
將來既成功好可能係BASE ON我宜家所做既一切。
所以，我宜家要重新振作，唔好再比其他野影響自己，
就算真係遇到第七折，都要去面對，呢啲先係我應該做既野。
嗯等我地黎緊繼續努力，將呢個CAMP搞到得成成功功！ |
