噢，先補祝爸爸七月十六日生日快樂啦！
尋晚舅父又出埋黎慶祝，當然就食左餐超豐富架啦，
前菜有芝士焗青口、蒜蓉包同埋雜果沙律，
而主餐就有食到上晒癮既安格斯牛扒同埋羊架:P
至於甜品就有TIRUMISU蛋糕同埋雪條，諗起都流口水。
不過宜家食牛真係覺得好膩，呢餐可以話係飽到上心口=)
之後佢地當然慣性打牌，而我亦都慣性過下手癮。
雖然唔算得贏好多錢，但起碼攞下啲牌運嘛，呵呵。
結果呢就再次四點鐘先至訓教，呢個禮拜都真係……
諗番起係自己十四年黎都係通過三、四次頂，
呢次同成班同學(應該係朋友)去長洲就多嘗一次喇！
七月十一日朝早就去左中環碼頭同佢地會合，
搭左大約大半個鐘船之後我地終於抵達目的地──長洲。
落船之後，我地幾個同PHOEBE`CRYSTAL`NICOLE`RITA
行晒啲街市凍肉鋪同埋超級市場，終於搵齊晒所有BBQ既野。
果陣收到好多電話話香港島落超大雨，問係咪照樣出發？
我地見長洲又冇落，乜都SETTLE晒，所以一定唔會做呢個決定=)
跟住我地左穿右插終於搵到渡假屋既確實位置……
佢地放低左某啲行裝之後我地就返去碼頭間甘永泰，
呢間正宗既炸魚蛋同埋炸豆卜真係好好味，十蚊串都唔貴丫@@
後來我地行左去北帝廟果邊間興樂菜館簡定幾碟先。
話說我地成班30個人企左係碼頭出面真係好壯觀，
而我地幾個就好似帶啲鴨仔團咁樣走黎走去，感覺怪怪地！
係興樂食緊野果陣時，男仔果圍再次係口水大交流，
佢地啲筷子一對對咁樣叉晒落碟野道，唔洗十秒冇晒@@
諗番起果次全方位學習日係龍華相同既場面，瘋狂-V-
食完野之後我`RICKY同HENRY租左架單車，
話說我上次踩兩輪既單車又係至少一年前，好唔習慣……
我地結果踩左去東灣沙灘果邊食左串冰凍水果棒，
係咁悶熱既天氣下用呢樣黎補充身體水份真係唔錯既選擇！
其後我地攞左渡假屋之後就睇過兩間房，
放低晒所有行李就成班人往東灣進發，
慶幸AUNTIE係度幫手帶個遊戲，如果唔係都唔成事=)
大家係沙灘都玩到癲癲地，啲水槍射黎射去XD
話說MARTIN玩遊戲輸左罰比我地埋住隻腳，
埋埋下佢突然間旭，點知平時唔出聲既MAX就話：
再旭我地掟你落水架喇！MARTIN即刻撥晒啲沙過去，笑死我！
不過坦白講我唔係太ENJOY係呢個灘逗留，
因為我始終對沙灘冇咩好感，同埋啲沙好粗@@
返到渡假屋沖埋涼之後就去左天台道燒野食，
原來今次買既份量少左好多，基本上係唔夠食。
仲唔小心咁整到ALEX燒得好靚同就黎熟既雞翼冇左._.
禍不單行，CRYSTAL仲特登叉走左我果粒獅子狗-3-
之後我地聽到樓下有人唱K，開到個音樂好大聲，
點知KIT LEUNG超得意咁話咩「樓下有人唱歌」，
明明我講緊係第二樣野，佢都係要不停重複呢句XD
過左陣我地全部去晒允升甜品道食野，
坦白講我覺得啲味道一般，可能我唔係叫招牌款掛._.
慶幸呢個夜晚幾好天，我地浩浩蕩蕩咁係條大街行，
結果就同HENRY`MAN同BREAD佢地簡左好耐，
又買左啲鮮奶，又買左杯麫，同埋啲零食，真係好豐富@@
原本好似仲話買DREYERS既家庭裝雪糕添囉:P
返到渡假屋都係大約九點鐘，我地就開始更加活躍嚕:D
先係玩AUNTIE帶黎果副PICTIONARY，玩左成兩個幾鐘，
話說張CARDS上好多野我都唔識畫，
咩比薩斜塔比RAYMOND佢地笑做一枝蠟燭，
金屬探測器點畫都未知，KIT係咁問你有冇睇多啦A夢架，
其實果刻有少少想攞對拖鞋飛埋去:P 真係唔簡單=)
之後就成班人圍晒係張墊上面玩七級豬，
更正應該係叫做瘋狂出千七級豬，比平時玩得更冇規律，
可能係太多人既原因，我地每次都係飛啲牌出黎，
仲要係見牌就搶，跟住KIT同RAYMOND成日出千XD.
最後又唔知點解KIT比我地屈話輸左，真係好好笑！
正當我煲緊水果陣時，佢地已經開始玩漢堡包，
隨後我就已經加入左個戰場，呢次輪到RAYMOND比屈，
每次佢擺烏龍或者彈弓手就會比我地禁低佢地個頭毒打:D
食完個杯麫之後，我基本上明白HENRY所講KILLER玩法，
慶幸咁岩SARA要去換隱形眼鏡，我就有機會落場實習:)
玩完呢四樣野之後都三點鐘喇，大家既電源都用到七七八八，
係最攰同埋最眼訓果陣時NICOLE提議玩耍盲雞，
不過呢次我地唔淨只要捉到個人，仲要估埋佢係邊個至得！
最初果盤因為我輸左所以要捉先，慶幸最後估到個人係RITA，
好彩捉到先至可以唔洗係果種咁暗既環境下周圍走真係好無助，
其後都係KIT同RAYMOND既世界，通常都係佢地比人捉。
每次我地周圍避真係好刺激，有時仲連埋對拖鞋踩上梳化咁走！
之後由於愈玩就愈HIGH，檯面同櫈既液體性既野都瀉晒*V*
玩左耍盲雞個半鐘，大家啲情緒同精神已經完全返晒黎，
我地見距離日出既時間不遠，所以就再玩KILLER過日晨-V-
大約五點半果陣時我地成班人就離開間房行番去東灣，
原來果陣已經有好多似乎上左年紀既人游緊水*v*
我地成排人坐係沙灘邊吹住海風等搵太陽真係好爽，
過左冇幾耐個天已經光左啲啲，奈何仍然見唔到太陽，
唔知係我地果陣個地理位置有問題，定係果朝太大霧……
跟住RICKY`SARA`RITA同我就慢慢咁行左去麥當勞食早餐，
完全想像唔到RICKY係攰到一路食，一路訓，
我地三個都真係未見過佢個樣可以殘到咁既款……
至於我地三個就完全冇睡意，基本上係愈黎愈精神，
之後我地又係間渡假屋入面鋤大DEE，呀真係好HEA:o
等晒咁多人起身叉好電之後，我地幾個又去左租單車，
呢日我平衡已經好番好多，當然踩闊同埋少人既路會更加順啦！
果兩個鐘我就全程跟足RAYMOND，佢帶我果條路真係好爽:)
最後我地退左房之後就即興搵間餐廳食野啦，
點知呢日間野真係不知所謂，價錢發癲，垃圾質素._.
等緊啲野食黎等到隻眼乾晒，結果都係閉目養神左陣:P
之後我同HENRY係長洲海旁行左幾圈，仲食埋新地筒，
先JOIN埋女仔佢地上船返市區=) 仲要好豪咁升級坐豪華位@@
當然啦，咁貪玩既我地係船到仍然繼續鋤DEE同睇相……
返到屋企果陣都四點幾，整MR.CHEUNG份禮物整到六點幾，
整整下突然成個人都冇晒精神，結果就成個人訓左係張床道-V-
話說我再醒番果陣時望下個鐘…………四點鐘!?
我果刻真係好白痴咁諗頭先係咪發左個去長洲既夢？
究竟宜家係邊月邊日？訓到「溫溫燉燉」既我真係神智不清x_x
整理好個思緒之後就開番部電腦，繼續未完全既工作，真辛苦。
呢次我連續35個鐘冇訓過，先至叉得10個鐘電……真係唔簡單:P
呢次既長洲兩日一夜既宿營可以話幾成功，亦可以話一般，
始終好多活動都似乎係偏向各有各玩咁樣……應該要改善下嚕！
至於成功果道就的確夜晚係渡假屋玩得好開心，
更加意想不到既就係我地幾個只不過玩住咁經歷左呢晚通頂，
彼此之間既關係似乎真係唔同左*V* 好期待下次有咁既機會=)
的而且確玩完一大輪發現之前既辛苦同壓力都係值得既-V-
哎宜家真係好眼訓，聽朝仲要去睇變形金剛，嘻嘻！早抖
|
