距離新一年開學剩番八日，

時間過得真係好快，咁就過左個暑假@@

點解開心既時間永遠過得咁快？

星期一朝早終於可以試下小西灣個場喇，

雖然冷氣較大，但都算係好打既羽毛球場:)

嘻嘻，申請買球拍終於批準左喇:P

呢幾日係咁睇CATALOG，睇中左幾塊-V-

問好晒價錢就有新既YONEX拍打嚕，好耶！

真係好期待用塊新板打波囉哈哈:D

岩岩就睇左《竊聽風雲二》既夜場，

雖然兩集個劇情都好重同好緊湊，

今集仲多左好多笑位，唔錯唔錯:P

但整體黎講都係比較鍾意頭果集多啲。

話說自己間唔中都有接觸股票，

但睇戲聽炒股就唔太明，好似好混亂X_X

睇完覺得套戲冇咩「竊聽」既感覺咁-V-

哎仲有就係吳彥祖最後死得好慘:(

由於最近成日比人話對MSN太耐-__-

頭先就好認真咁睇左幾本教科書，

唔知係咪自己既問題，愈睇愈想死@@

淨係覺得下年好似要追得好辛苦，

同埋好似會有好多CONCEPTS唔明……

睇黎要改變下黎緊既「習慣」喇V_V

點都好啦做埋本數學同畫埋封面，

跟住玩盡埋呢幾日先至算嚕~

就黎三點喇，各位晚安，聽朝又打波:)

由於尋晚訓得四個鐘頭就起身打波，

今日晏咒竟然昏迷式咁訓左三粒鐘@@

個中文閱讀報告終於神奇地清理左B-)

岩岩返到屋企果陣時就收到話分左班啦，

望完之後係驚嘆，始終有啲同我地之前計既唔同，

可能係每班既男女數目影響左個結果掛:(

不過唔緊要啦，唔同班都係好朋友黎既:D

3B`!! 先講班主任劉老師，中文PANEL:O

但點樣講我都係羨慕隔離班吳SIR架喇:P
同學方面基本上冇咩「異常人」掛…我諗。

點都好啦，希望黎緊開學可以團結同開心:)

尋日去完石澳之後我地七個去左北角食野，

但話說我地係間餐廳坐低果陣時已經係八點半-O-

呢間薩莉亞係食PIZZA`焗飯同意粉果類啦，

雖然啲PIZZA餡冇咁多，但個價錢真係平到喊！

重點就係只用左三百幾蚊就可以餵飽晒我地@@

我地幾個食緊果陣時都覆述番啲趣事比PHOEBE知，

當然亦都係不停咁互抽，抽到自己都壞埋-V-

PHOEBE呢日仲好似癲左咁，違反平時既形象XD.
坐係間餐廳兩個鐘，細聲講大聲笑真係好好好開心=)
特別係我地同RICKY乾杯祝佢生日快樂果陣時囉@@
唔知點解同佢地成班一齊既感覺唔識用字去形容，
我淨係突然覺得自己識到佢地，玩到咁熟係種HONOUR，
希望可以維持落去，因為朋友係我心目中佔左好重要既地位:D

大家散果陣時已經係十一點喇，估唔到大家可以玩到咁夜。

坦白講我好似從來未試過同成班人玩到咁樣囉，感覺好特別:P

去婆婆屋企途中同JOJO傾左好耐計，有數不盡既話題咁@@

結果去到婆婆到淨係可以睇佢地四個打牌，呆坐到三點X_X