哈哈星期六夜晚又係我打QOOZA既時候:P

話說病完之後個生活規律唔多唔少都好左-V-

雖然尋晚係甜嫂食完甜品之後，

都係舅父屋企坐到三點講婚禮啲野:P

所以結果就係四點先至可以差差電B-)

果然係見過鬼仲係唔太怕黑既LOL

前日朝早個早會就要補番打風果日個升旗儀式=)

坦白講呢日個重點都唔在於支國旗道@@

而係個早會進行果陣時，不停有人唔舒服`

通常既都係要RED CROSS用輪椅推去醫療室，

有啲仲好似話頭暈暈跟住就成個訓左落地下><

仲有既就係好經典咁樣嘔左行入洗手間LOL

企係操場集會已經唔只兩年喇，

但從來都未見過好似呢日咁多人骨牌式倒下:S

我地返課室經過醫療室出面個RECEPTION果陣，

見到果度既每張櫈同埋醫療室內既每一角都坐滿人，

RAYMOND仲好搞笑咁話覺唔覺好似急診大堂LOL

佢仲話睇到R.C.推輪椅位同學個樣好似仲辛苦囉！

雖然咁樣真係好衰，但真係笑到我就黎死:D

但果日既P.E.堂終於輪到我有啲唔舒服:(

狀態維持於一個岩岩病完既我做晒熱身，跑左陣，

已經覺得開始有暈暈地既徵狀同埋流得好多汗@@

後黎仲有段時間係眼前基本上睇唔到野，好黑，

甚至係兩邊既耳仔開始有耳嗚，仲有嘴唇白晒:O

最後頂唔順MR.HUNG就扶左我埋去側邊訓:S

同時隻腳就放係張櫈上面，因為佢話我血唔到腦……

諗番起兩年前國慶病完返學，大約十月初，

又係發生過同樣問題，又係暈同埋流汗流到痴線，

唔知係咁岩我病完唔適宜上PE丫，

定係每隔兩年既十月初左右既日子都會咁><

不過講番轉頭，訓係果條行人路真係好舒服:$

啲血上番腦洗完臉之後，就繼續行行企企咁吹風嚕:P

放學之後去左睇個中文話劇啦，配合課程喎A_A

坦白講好少見話劇加加埋埋得一幕玩大半個鐘，

加上場地有限，道具背景幾簡陋，配樂都得好少><

但重點講番套劇，《文字幽靈》個女主角演得幾正，

淨係不停係扮賢淑同變態兩個性格轉換hahahaha.

跟住再用好多個所謂既層次貫徹成套戲，好得意:P

雖然最後Q&A環節用左好多時間，真係開始悶LOL

離開左禮堂之後我地成班人留左係個COV. PGD道，

不停係度講去海洋公園哈囉喂同埋音樂創作比賽既野，

大家仲好似愈傾愈興奮咁樣，完全冇意識要走，

之後我地行到去學校門口，又停晒腳步繼續傾X_X

哇哈哈咁樣傾真係開心到嘔，但換黎訓導既驅趕V_V

好嚕轉頭要去錄埋個音樂創作段片，拜拜喇^^

今朝起身第一樣做既就係開電視睇新聞，

見到既就係八號風球教育局宣佈停課，

尋晚仲諗住點都要返學啦，個風又吹唔正，

加上呢年黎既果啲風都因為李氏力場LOL

點估都估唔到個天嫌我休息兩日仲係唔夠:P

唉:S我真係唔想再留係屋企，我想返學！

話說我呢個星期五日已經有三日唔洗返@@

結果就係繼續爬番上床訓……昏迷……

再次打開自己隻眼果陣時已經係一點半><

之後就除左行行企企就係MSN同畫VA。

至於啲風就係咁經門縫FUNG入黎._.

間唔中再同埋啲大雨搞到出面個天白濛濛……

從天而降既一日假期就係咁樣完左喇:(

至於尋日朝早返學果陣時慶幸有陽光，

我仲唔知做乜野返緊學果陣時都係度笑，

當然係微笑而唔係傻笑啦LOL

果然人真係種犯賤既動物黎架，

最初返學返耐左段時間就成日都想搵長假；

到岩岩係屋企因病休息幾日就無時無刻想返學:O

哈哈番到學校之後成個人比之前更加精神@@

果然呢種就係周圍既老師、朋友同學既力量喇！

聽到每句「你終於返黎嗱、好番晒未啊」真係好開心:D

話說岩岩上數學堂果陣時補交番堆野比MISS LEE，

佢即刻極恐怖咁樣問我複利息AMOUNT點計:O

其實我個腦都仲未LOAD到佢問緊我啲咩野X_X

之後英文堂終於可以再次感受個氣氛喇haha.

LUNCHTIME CONCERT`正式以司儀身分出場！

呢次個拍擋SAMANTHA啲英文好到不得了:P

襯托起上黎真係兩回事黎囉:( 不過唔緊要當攞經驗。

話就話係F.5，但傾多幾句計就已經打消呢個念頭^^

呢日唔知做乜野支支咪都唔爭氣，成日都冇聲，

有時自己就係度食螺絲，好似唔洗錢咁樣><

跟稿讀仲要不停讀埋啲咩ABSOLUTELY`DEFINITELY-_-

至於個表演就冇咩特別，比唱歌呢樣野玩晒:O

好嚕宜家又差唔多時間要訓教喇，早抖嚕哈哈。