某程度上我覺得幾神奇架-V-每星期仲可以打番篇:P
呢幾日覺得其實每日真係過得好快好快，
完全想像唔到派成績表已經係一個星期前既事，
更加想像唔到咁快就踏入三月，仲有三個月期考:O
感覺上中三既學校生活比中一同中二短好多咁......
係3B班既課室上左大半年堂，氣氛仍然係好差._.
有時候我會奢望我地班有啲多嘴同無聊既人就好喇-V-
岩岩個星期一係家長日補假，仍然係好HEA咁過LOL
但係由果日開始我改變左好多我既生活習慣囉@@
每日做完功課之後順便睇埋THE STANDARD，
仲會睇番果日上堂教左咩，第二日返學又會教咩-V-
希望呢啲方法可以幫助我考試果陣時唔洗咁臨急抱佛腳:P
坐係PHOEBE隔離既日子已經有三個月左右喇哈哈，
所以岩岩調位，我調左去最近門口果排單丁位-___-
印象中對上一次冇鄰居既時候應該係小五果陣時X_X
好啦後面就係SALLY，側邊有JOANNA`IRENE，
仲有兩個甚少溝通既MARCO同埋EDMOND:S
坦白講我極度唔慣上堂冇人坐係我隔離，隨時可以傾計，
以前上親啲欠缺趣味性既課堂，唔開名喇，都冇咁悶丫-V-
以後次次傾親計都要成個頭另去後面，或者打側個身坐._.
最大既問題就係呢排天氣反常，我個位可以話係食風LOL
慶幸黎緊仲有兩次調位既機會......如果唔係會終生遺憾！
呢排都係同RICKY夾下首PLAYFUL PIZZICATO:P
話晒我地兩個月尾都要比賽喇嘻嘻:D加油加油`!!
點知最近堂音樂堂我地兩個試彈果陣時都先後炒左X_X
我唔要到時發檯瘟啊，咁樣對個結果造成好大影響+_+
最近果個CME活動編排已經搞店左，完全冇問題囉:P
同RICKY`SARA`CRYSTAL`NICOLE整果然唔同啲^0^
至於個LS PROJECT呢，其實整PPT好好玩囉我覺得！
雖然有時候某位組員比我既資料的確好求其，搞到幾嬲下，
但係睇黎我都要學識唔好比咁大壓力自己之餘，
仲要唔好對其他人有過高期望咁樣啦，哈哈XD.
但係最唔明就係點解自己做親呢啲都會咁上心X__X
每晚都花一段時間去對住部電腦，搞到好夜都唔捨得停......
不過每次整完一大部分望番個成果就會暖在心頭咁樣@@
去到目前呢刻，我只係差FEATURES同總結兩部分炸*V*
可能因為晚晚都訓唔夠六個鐘既關係，成個人都好燥底，
搞到宜家個口半潰爛狀態，真係痛到我連自己姓咩都唔知LOL
一粒飛滋好番，又會自己爆第二粒出黎，無休止咁架囉:@
宜家我右邊上唇有粒好耐都唔好既，左邊近大牙又有粒，
最痛既我諗都係自己咬到自己條脷果粒，旭一旭都痛:'(
重大既問題係搞到我野又唔想講，講親都好似怪怪地:O
不過我發現自己呢個星期最開心都係訓教既時候啦*V*
話說星期四返到屋企係攰到做咩都冇晒動力同精神@@
訓左個幾鐘之後果然好唔同囉，好享受訓教過程:)
尋晚又係咁樣，訓得好冧又冇人騷擾咁訓左十二個鐘，
諗番起我已經好耐未試過訓咁耐，無憂無慮乜都唔洗煩:D
都唔知自己呢個禮拜可以捱到每晚訓唔夠六個鐘既日子:O
不過可能又訓得太多，呢日朝左床之後個人暈暈地咁樣:S
哈哈做埋啲野之後就去左姑媽屋企搵果兩個表外甥嚕嘻嘻:P
大果個呢就要我教功課，三年級做閱讀報告真係唔簡單:$
話就話九歲姐，但係滿腦子都仲係充滿天真既諗法._.
好鍾意諗好多情境，周圍既野都可以係佢既「餅店」...
又話呢個鞋櫃裝左好多食物，呢張櫈係收銀機唔坐得-V-
好啦有時候我都唔知比咩反應好，結果陪佢一齊玩LOL
細果個呢就差唔多兩歲，同大果個都係好痴我:$
佢終於識得叫我做舅父喇好開心-V-仲成日要我抱添XD.
嘻嘻，衷心希望佢地兩個同表妹表弟都快高長大^0^
之後又同姑媽佢地打左陣牌，佢地果然係高手既高手:O
同佢地打我就會因為我搭牌同打牌既速度慢而自卑:P
不過熟手好似唔夠啲新手既旺，好慶幸贏左$40:P
嘻嘻呢晚冒住個口潰爛既危機仍然食PIZZA:D哎喲！ |
