好啦又係時候更新下嚕，太冷清嚕最近實在:P

嗯我諗都應該係講番上星期五個全方位學習日喇，

如果冇記錯好似係去左個件西貢清水灣大拗門既地方-V-

但最可惜就係MS.LAU仲病緊同唔到我地成班一齊去:(

咁樣望落去真係覺得好似冇左個靈魂咁樣囉-3-

所以就變左由MISS WONG同MRS. WONG帶隊。

果日到達目的地搵到個所謂既根據點之後，

就同PHOEBE去左買幾隻風箏比班同學玩啦，

話說果個地方真係好大風，但最初我地放唔到隻野，

奈何TIMOTHY已經好成功將佢放到好高好高:O

最搞笑就係RICKY放風箏果啲動作，成日撞板囉真係:)

跟住PHOEBE一放就得左，雖然唔係維持左好耐，

結果我地又係搵左TIMOTHY幫手，果然有雙神手:D

過左冇幾耐呢我同埋RICKY`ALEX`JOJO`SARA`PHOEBE`

CRYSTAL`FION`MAN`NICOLE`兩位老師終於開餐:P

講起呢次野餐，啲東西豐富到見到已經驚驚地嚕嘻嘻B-)

JOJO同NICOLE帶左雞翼，NICOLE果啲仲釀左火腿菜圃；

SARA帶左好多件火腿芝士三文治，PHOEBE有咖哩魚蛋；

MAN整左啫喱糖；CRYSTAL帶左菠蘿腸仔，但要自己吉*V*

而我就貢獻左野飲；MS.WONG同RICKY帶左好多零食:P

哈哈點知最後都係食剩，預期之外囉:P點都好真係好好味^0^

食食下我同PHOEBE發現原本個根據地已經變左雞籠X__X

過左冇幾耐我地有班人同埋隔離A班係個較平既斜波LOL

好成功咁樣玩左火燒後欄呢個遊戲，哈哈全部人都走黎走去:P

雖然講解用左好多時間，但係玩完之後好多人都出左汗-V-

最搞笑就係聽到SAMSON差唔多比人捉到就係度尖叫*0*

至於周圍果啲小學朋友就食住花生咁樣睇我地癲，

有時仲會攞住大大隻風箏衝左入黎我地呢個圈道-____-

之後正式開始左每班既集體遊戲，玩咩唔多講喇@@

總之就叫普普通通啦，冇考慮到呢個戶外既情況-V-

最大既問題就係風勢、同埋啲遊戲既走動唔夠多:S

所以即使係我見到隔離班買個類似捉既遊戲都好羨慕......

點樣都好啦，每次搞遊戲都係比自己一個好好既經驗去檢討:P

最值得提既就係有個遊戲輸左講好左要懲罰既就，

PHOEBE發左癲咁樣攞住個大聲公叫我去示範-__-拒絕唔到`!!

同樣一個問題出現第三年，請問我本人呢日學左乜野LOL

其實呢個禮拜真係過得異常快囉我覺得@@

記得上個禮拜五先至係放完新年假第一日返學，

果日終於開始左同RICKY夾下果首四手嚕，

話晒黎緊三月尾就係我地比賽既日子:)

值得一提既就係PE堂係度耍太極，

最初望住MR.HUNG做真係睇到成頭煙X_X

輪到我地跟住做果陣時就好似成班傻仔咁-__-

至於個中文話劇都已經分好晒組喇好興奮，

因為如我所願，成組人都係肯做野同負責任:P

至於劇情大綱啊同埋有咩角色都初步擬定好:D

我呢刻好期待黎緊同呢班未合作過既同學玩，

點都好希望順順利利，拍番段正既故事出黎^0^

呢晚舅父又出左黎食飯呵呵，又過左個開心既晚上:)

之後果個星期六朝早又去左打波喇真係好爽，

好耐冇試過一星期打三次既時光嚕好耶:D

夜晚食完飯去左紅館睇福祿壽個演唱會啊嘻嘻XD.

諗番起原來自己已經差唔多兩三年冇睇過演唱會:O

全場坐滿個氣氛真係好正`啲人癲晒咁歡呼*V*

王祖藍扮劉子千笑死左，聽佢同阮兆祥唱歌唔錯:)

但係最囑目既我諗都係李思捷扮其他歌手唱歌啦@@

有段佢係道假設四大天王燒野食爭食腸仔既情況B-)

佢扮張學友`劉德華`郭富城同黎明把聲似到呢......

咪埋對眼真係會以為佢地四個黎晒做嘉賓囉-V-

李思捷連佢地既小動作啊`講野口型同黎明既金句都學足，

真係睇到我地幾個五體投地囉，冇誇張成分X____X

佢仲扮左周星馳`咩蔡楓華林子祥LOL把聲一樣架`!!!

成個演唱會都幾多笑點，比我地最初預期中既好:P

最後佢地所謂講完拜拜之後好多觀眾都衝住咁樣離開，

就係因為咁樣就錯過左佢地三個ENCORE果首歌，

而成個演唱會就係佢地首「兄弟」同「那些年」之中結束嚕:P

之後岩岩果四個上課天MISS LAU因為氣管問題請左兩日假，

突然之間好似有種死氣沉沉既感覺囉我本人覺得LOL

至於果啲咩電腦卷`PHYSICS卷都叫左過得去啦，

英文卷就都係不予置評算喇-_____-下次要再努力`!!!!

計完個GRAND TOTAL之後發現比上次跌左好多，

原來付出同埋收穫係成正比例架囉-V-真係要發奮喇:O

另外個PHYSICS CONTAINER都好痛苦咁完成左，

最初包左鋁紙既杯美觀唔錯，痴埋棉花都仲幾靚，

但係一包左膠袋之後我望住佢就會聯想到垃圾X_X

最後放埋落個發泡膠箱係更加核特囉真係:(好無癮！

慶幸最後個箱包番層鋁紙呢，垃圾感覺減少左嚕:P

星期二要上DEBATE WORKSHOP，變左個新老師，

黎到叫我地抄咩RULES OF ENGLISH，

教我地點樣答YES NO/ALRIGHT/OK QUESTIONS.....

其實真係睇到我好無奈，仲要搞好耐都去唔到重點，

佢問親乜野都要我地答佢，又唔比點頭-_____-

最後仲花左半個鐘去DEBATE上堂應唔應該有BREAK(?)

上完呢堂發現自己精神開始有啲問題，就黎崩潰:@

跟住果啲咩電腦`PHY`PTH`中史堂仍然係悶到癲LOL

但係每次仍然係要張開隻眼，雖然個靈魂早而唔知去左邊:P

星期三呢就影左團體相啦，班相少左個唔完整好失望:(

但之後影PREFECT`PG同埋羽毛球校隊都好開心啊*V*

至於尋日呢終於叫係傾好晒全方位學習日既安排嚕嘻嘻`!!

放左學又係去左練波，呢日消耗左既體力係前所未試過:O

熱身五個圈，前後步法四十個黠，三場正式既廿一分單打，

同教練打多球打左七十二個波，之後再跑左廿個圈咁大把，

最無奈就係跑到兩隻筋抽晒筋都仲係繼續跑緊-_____-

最後再做左五十下掌下壓，做到差啲腦充血，腳斷了！

知道MISS LAU跟唔到我地去LWLD之後呆左同好失望，

唔係因為我地已經預備晒啲野而佢突然間話黎唔到，

而係冇左個班主任，成個3B好似唔完整，冇左靈魂咁樣，

當然我明白佢黎唔到係事實，因為佢好唔舒服唔吹得風，

而我地亦改變唔到乜野，所以有少少唔甘心咁樣-3-

點樣都好啦，希望日後仲有呢啲成班一齊玩既機會啦呵呵！

好啦全方位學習日啲野留番聽日先至再慢慢打啦，

因為今日既走動已經消耗左我唔少體力同精神@@

加上宜家又差唔多一點鐘嚕，各位早抖喇哈哈-V-