好啦呢篇會係十二月廿九日最後一篇，

呢日起左身咁耐唔係食野上網`MSN，

就係將所有時間放晒落黎呢個QOOZA到，

唔知點解自己好似一次考試HEA過一次咁，

以前S.1果陣真係勤力好多架囉-333-

宜家好似次次都奉旨開特急快車溫書咁囉><

呢刻屋企淨係得番檯燈同埋呢部手提電腦既光......

仲有就係掛晒係屋企果啲燈飾同聖誕樹啲光纖......

呢幾晚自己一個係屋企都係靠呢堆光線維生@@

其實咁樣真係好爽架囉我個人覺得哈哈XD.

十二月廿五日起身繼續寫埋啲聖誕卡去:P

之後就出街派埋果三、四張去，太開心喇出街！

其實果四個V.I.P.應該好榮幸囉哈哈，

話晒我都好勞動咁走晒個東區攞落佢地屋企樓下LOL

每張卡都真係好似寫極都寫唔完咁，太多內容喇^0^

呢年我送聖誕卡出去之前全部都影晒相留念下，

睇下自己為左啲卡花左幾多時間同埋手力都好丫呵呵！

但點樣都好`寫同埋派既過程都係滿心歡喜既:$

至於收番黎都有廿幾張，真係多謝晒所有人@@

特別係果兩個寫既果張聖誕卡，我睇完感動到喊T_T

當然亦都希望你地全部人所講：FRIENDS FOREVER:)

亦都多謝晒你地果啲糖呀`朱古力呀`呵呵:P

我決定下年如果又寫聖誕卡係唔可以再臨急抱佛腳/_\

果日夜晚盲係婆婆屋企有個好MINI既PARTY咁樣啦:P

太開心喇公公啲面色好番好多好多，精神都唔錯添哇^0^

叫左啲PHD同元氣`唔錯啊:P 我仲抽到盒MELTYKISS*V*

呢晚又係睇左舅父佢地打牌啦^0^ 我真係學左好多野LOL

至於廿六同廿七號都冇咩特別啦，溫書上網練琴又過一日:O

好啦開始有啲後悔廿四號夜晚開始發媽咪佢地兩個脾氣-V-

話說係呢四日入面每日同佢地講唔多過五句野@@

比唔同身份既人CONSULT完好似諗通左少少野，多謝您地！

我真係知道佢地只係為我好，但往往就係過唔到自己果關><

呢排佢地講親咩我都好似聽唔入耳咁樣，選擇性失聰LOL

好啦或者我真係應該樂觀到，凡事都向好果面諗......

以後其實仲有好多個聖誕節我地會係一齊過，

何必將今次呢個情況無限地放大呢(?)-V-

發脾氣真係件冇用既事黎>< 反正都過左去啦@@

諗番佢地之前為我做過乜野...平時有幾鍚我

再諗下自己今次為咩發佢地脾氣A_A就會冇野講X_X

I AM REALLY SORRY ABOUT THAT:) 對您地唔住:(

好啦過多陣就出中環喇@@呢晚成班人食放題^0^

好期待大喜屋究竟會係傳說中所講點好食法:P

所以宜家餓下自己都冇咩問題，一陣食飽自己為止:)

至於食埋呢餐真係要的起心肝努力溫書喇哈哈XD.

陳逸章你已經玩夠架喇^0^ 要迎接未來LOL

之前打左兩篇，呢次終於黎到平安夜@@

仲記得廿三號凌晨我係繼續寫聖誕卡-V-

去到廿四號朝早好神心咁樣七點半起身，

為既又係寫埋啲V.I.P.既聖誕卡去既，

點知呢因為每張卡都花我差唔多一個鐘，

所以直到我十二點出門口果刻仲差四張LOL

呢日第一站係好近屋企既補習社哈哈:$

交低左份聖誕禮物比個阿SIR之後就出灣仔嚕^0^

第二站就係灣仔新高麗苑韓國燒烤餐廳:D

由於時間問題我地唔可以好似上年咁搞PARTY:O

所以呢餐係我地1A同MS. IP既GATHERING@@

好開心呢次可以同RICKY`SARA`CRYSTAL同檯:P

呢間都好多野食，我地四個不停燒青口`牛同雞腎*V*

唔知點解果刻覺得大家同MISS IP好似變到好熟，

原來一年既相處足以將師生關係昇華到朋友關係咁LOL

係佢身上好似完全搵唔到同我地之間有任何隔膜咁-V-

最搞笑就係JOJO好似當佢冇到咁乜都講晒出黎XD.

臨走之前呢我地就送埋啲禮物啊`聖誕卡比佢咁啦:P

佢又回贈番兩盒LINDT朱古力比我地，超好食^0^

埋單佢就話佢碌卡找數啦，咁我地比番疊錢佢啦，

MISS IP竟然話唔洗，話要請我地食添囉@@

果道加加埋埋都一千四百幾，雖然佢搵既錢比得起，

但冇理由要佢比架嘛LOL所以最後都係唔準佢咁做:)

哈哈成日話自己窮><真係比佢激死左喇haha-v-

CRYSTAL仲好搞笑話媽咪教佢食野唔可以要人請X_X

臨走前仲影左張大合照，真係WARM到冇人有:$

希望以後成班1A同MS. IP既關係可以LAST FOREVER:$

之後我地有班人行左去天樂里間NEWAY道「唱K」......

MAN`ALEX`BREAD`KIT都JOIN埋我地喇^0^

好啦嚴格黎講都唔係唱K-V- 更正係K房HEA:S

當然間唔中會唱下，但大部分時間都係搵音樂伴隨LOL

但係成班人咁樣圍住影相傾計做無聊野真係幾開心:D

玩到大約七點左右，我地成班人行左去灣仔碼頭果邊-V-

坐左係新鴻基大廈對出果個平台道，真係在龍之下:O
好啦係果度又不停影相同埋玩，感覺真係好舒服！

我地十一個人仲坐左係個「石博」上面，

隻腳FING下FING下咁影相，超「那些年」:P

呢刻終於感受到寒風既威力係幾咁強，

我地成班人都攞晒條頸巾包實晒自己，哈哈XD.

但係心入面再次感受到果隻朋友之間既WARMTH:$

最後呢我就同佢地咁多個分道揚鑣喇:( 好唔捨得......

之後果啲內容就完全唔值得再提喇:O 嘻嘻-V-

呢個平安夜既晚上我只能獨個兒在房中平靜地渡過A_A