哈哈岩岩起身就睇果套小白獅:P好有童真幾好睇:D

好啦上篇講CAMP`今篇係時候講下3B PARTY*V*

十二月廿三日係我地3B聖誕PARTY既大日子！

其實呢日原本約左十點係學校SET場既，

但係可能前晚掛住寫聖誕卡夜訓，

所以呢日我既起身時間就係十點鐘-___-

不過好彩其他人都執漏左唔同既野要折返LOL

返到班房搬好晒啲檯檯櫈櫈，搞好電腦啲野，

之後再周圍走擺埋啲CHECKPOINTS咁啦@@

大約十二點有班同學就將啲野食托晒返黎喇……

真係辛苦晒兩位總務同各位幫手既同學XD.

開左箱準備好呢就正式為呢日既PARTY揭開序幕:P

補充句大家樂啲野食都唔錯，價錢亦都適中B-)

所以下年可以依樣葫蘆咁樣叫番呢間既聖誕餐。

食野果陣時開始同RICKY發現左個唔太好既現象，

全班同學都有好多好多個小圈子咁樣啦，

而MS. LAU同個女NAOMI就好似被孤立咁-V-

所以間唔中要埋去傾下計，等自己同佢地好過啲^0^

亦都要多謝IRENE`JOANNA`JASMINE`CARMEN，

唔該晒你地搵NAOMI一齊玩，如果唔係真係會好怪:D

同PHOEBE商量左陣就決定左遊戲正式開始既時間喇:)

呢刻覺得默契不錯既其實就，合作度好強哇哈哈XD.

分組都冇咩特別大既問題既，係某幾個比較唔係走動-V-

同時亦都要感謝CARMEN`JOANNA幫手分組:P

呢日基本上都係PHOEBE擔當番主持既角色啦，

SARA`RICKY`CARMEN`JOANNA`DAISY就幫手既:D

第一個遊戲就可以話係用報紙整堆武器同埋一頂帽啦，

而每組要圍圈保護果個戴左頂報紙帽既同學既，

再用僅餘既武器去攻擊敵方頂帽，其實有少少打架成份-V-

不過可以好坦白咁講雖然場面混亂，時間控制得唔太好，

但睇得出呢個遊戲好適合熱身，因為四組同學都HIGH晒！

最搞笑既就係啲人不停話大力係度用氣功攻擊，

之後MARTIN又好喪咁樣打人塊面，其實可以斯文啲:D

第三同四組分別由MS.LAU同NAOMI帶住果頂帽，

唔知係咪諗住搏其他同學見佢地身分特殊而唔敢動粗LOL

第二個遊戲就係類似AMAZING RACE既東西啦，

可以話係上年2A PARTY玩果個既進化版同改良版，

姐係入營前果晚同PHOEBE傾左咁耐就係講呢個遊戲，

因為要預備既野實在太多，每個檢查點既位置同提示:O

認真諗果啲位置真係好痛苦，又要搵啲冇咁顯眼既，

又要搵啲唔會比人見到當係垃圾咁DUMP既位置X_X

呢個遊戲由於全世界都有份參與，得番我同PHOEBE，

佢就係課室預備下個遊戲既東西啦，而我去左影相，

企係校園唔同既角落望住成班同學好投入咁走黎走去，

見到呢啲情景我真係好開心，先前付出既冇白費到@@

玩完呢個遊戲都達到理想既結果，雖然發生幾段插曲……

首先係我地文件上出錯，有啲工作人員攞既果份係舊版本，

而我同PHOEHE手上果份就係新既版本，搞到檢查點出錯！

無奈地某啲組別可能搵唔足咁多檢查點，衷心講句對唔住。

但亦都因為咁知道下次玩呢類遊戲前一定要重新檢查多次:P

另外就係聽到某啲同學故意收埋其他組既信封啦V_V

其實好小學雞><我覺得要個遊戲成功同埋順利咁進行，

一定要所有有份玩既既人遵守呢個遊戲規則既@@

不過算啦學PHOEBE話玩遊戲都係想大家開心姐XD.

跟住有個BREAK可以比大家繼續食下野咁樣啦:D

多謝MS. LAU準備左一大袋小食比我地:$

哈哈呢次FION又開班玩BLACK MAGIC嚕嘻嘻！

吸引左真係有好多好多人，連MS. LAU同NAOMI都有:P

至於RAYMOND就取代左前日好懊惱的我hahahaha-v-

呢日終於識晒果四至五個真係好有成功感同滿足感*V*

之後第三個遊戲…直接無花巧既名係QUIZZING TIME:)

必答部分設左4 SETS題目，每組有三題，都唔吃力既:P

之後搶答部分設左35題，其實只要佢地出黎寫岩就有分，

當然寫得最快同岩果組會有BONUS啦hahahaha:D

話說要省番啲時間，答完一題我隻手就要當粉刷用==

最深刻既都應該係曹牛同埋CRYSTAL爭咪唱歌，

SALLY`IRENE`SERENA爭用韓文寫K-POP歌手名，

而NAOMI亦都好活躍，成日都搶先去黑板寫個答案-V-

但係最搞笑就係有題佢知道個答案係爆旋陀螺，

最快衝左出黑板，但突然佢另轉頭問RAYMOND……

個旋字點樣寫……呢刻我地全世界都笑到痴晒線@@

RAYMOND個反應仲要好正咁樣趴左係地下道^0^

好啦如果冇左RAYMOND一定會少左好多好多歡樂:O

最後既大抽獎呢，除左原有果八份禮物之外，

仲攞咩先前曲奇義賣剩左果兩盒黎抽啦@@

話說我地開左學校個RANDOM PROGRAM，

頭果兩份先係抽曲奇，而個程式抽左17同25-V-

好啦原來做主席同副主席淨係可以攞呢啲野/_\

果刻心諗冇野下嘛:O 唔好再準啲丫:@

最後既禮物拍賣都好成功:) 差唔多用晒所有錢！

PARTY完結之前呢再送左份禮物比MISS LAU，

其實坦白講我都唔係好清楚究竟係咩黎架……

跟住我地有班人係道用飲管啜啲椰汁西米布甸-V-

哈哈雖然好核特同花時間，但係-v- 幾好玩既都:P

臨走之前仲同好多好多人影左相啦，超開心^0^

當然唔少得一張唔齊三十八個人既合照啦呵呵XD.

回復番課室既原貌之後我地就散場嚕呵呵-V-

呢個時候都差唔多六點幾，個天黑得七七八八:D

我跟住就出左銅鑼灣會合媽咪佢地買手提電腦^0^

好啦新既果部聯想NOTEBOOK係I5，RAM有8GB`

至於個記憶體都有750GB，開機唔洗一分鐘，爽哇！

所以呢幾日不停係度TRANSFER啲檔案*V*

雖然最後係皇室堡等部機裝程式等左兩個鐘=v=

而隻腳都真係攰到冇人用，話晒都企左八個幾鐘有多-3-

仲有就係成個人啲電好似用盡晒咁，眼訓到冇人用…

但點樣都好都係值得既@@ 多謝您地哇爸爸媽咪:D

好高興呢個聖誕PARTY可以係歡笑中結束:D

作為搞手，見到參與者開心我地就已經好滿足@@

我相信呢樣野係必然既:P 不枉之前付出咁多時間落去=)

呢次其實比上年都放手左好多野唔自己做晒，

所以真係慶幸身邊有班咁值得信任既PARTNERS^0^

PHOEBE`JOANNA`RICKY`CARMEN`CRYSTAL

SARA`NICOLE`MAN`DAISY多謝你地咁多位:D

希望黎緊既所有班會活動都可以合作順利同愉快:P

哈哈呢日除左係度搞部手提電腦啲資料之外呢，

都花左唔少時間練琴同埋傾MSN咁啦:)

當然呢兩日都睇左黎緊考試既範圍，

奈何都係睇得LS`GEOG`PHY`CHEM`BIO五科...

但起碼可以REFRESH番啲內容同有個初步印象^0^

所以尋晚最後都玩到兩點幾><唔知今晚又打到幾點？

上個星期三晏咒就搵左JAS`KAKA同HENRY食野，

之後先至返學校集合預備出發去北潭涌嚕哈哈！

出發之前我地成班PG玩左堆熱身遊戲，唔錯唔錯:P

至於分組果道都冇咩特別啦，好多都識既其實@@

呢兩日係北潭涌過得好開心同埋真係識左好多朋友:D

至於分房最初見到同班高FORM既人一間驚驚地，

最初好驚融入唔到，但點知我既諗法係大錯特錯囉><

最經典就係MS. LEUNG竟然安排左我做房長X_X

攞住果條KEY真係好大壓力，唔見左就好大鑊:S

去到營地我發現原來曾幾可時我都去過果道._.

第一日基本上都係圍繞番一個故事咁樣過既，

就係要根據一宗謀殺案去搵證據同埋兇手^0^

晏咒果段時間就係要係個營入面跑黎跑去，

搵幾個唔同證人，完成佢地比既任務再攞口供......

坦白講其實呢兩個鐘既活動真係好吃力囉A_A

要同啲證人鬥快跑同埋幾個鐘冇休息過咁樣><

不過每次完成個TASK辛苦得黎好有滿足感架，

好多任務都好考我地成組人之間既合作同埋默契-V-

最深刻既就係有個任務我要企係DEREK腳上面，

點知因為隻腳個運動量太劇烈搞到成隻腳抽筋:O

呢次係有史以黎我最痛同埋叫得最慘烈既一次喇-__-

隻腳係抽到旭唔到，而我就成個人訓左係地下到:S

不過好彩CHERRY忙於抽我水之餘都幫我舒緩番-3-

出左成身汗雖然幾爽，但冇多餘既衫替換就唔爽喇LOL

食完飯之後再次係活動室聚集:) 玩左好多集體遊戲`!!

雖然最後都係輸左B-)但咁大班人玩到HIGH晒好難得:P

之後再延續番個緝兇故事，呢次就係要去「搜證」@@

我地成組八個人係條黑晒既路上面行，淨係得電筒既光，

感覺不錯啦，夜閑人靜仲加添左一份既寒意同陰森:$

點知KARMEN最後抵受唔住，嚇到喊左T_T

呢晚又搞左大輪，最後我地成組人係度組織案情><

FION T. 超有偵探頭腦咁解破晒所有既迷團，

將每個情節都解釋得好合理，真係好佩服-____-

至於我仲係好迷網咁樣消化緊佢講果啲野OMG:O

返到營房好極速咁樣沖左涼先，因為真係先到先得:$

最後更加唔合咩事變到男女浴室共用X_X

雖然好安全但係實在太瘋狂喇我個人認為-___-

之後同HEIDI`INGA`JENNA`VIVIEN`ALEX出左去行，

我地六個人坐左係條河邊既長櫈到，其實都幾恐怖......

INGA仲係度嚇話咩大家坐逼啲，唔好剩咁多空位:S

但係個重點應該放番係見到朱凱權同王欣宜拖手果到:$

返到房先知BREAD`CRYSTAL同成班高FORM女仔係度，

我地有班人就去左出面個遊樂場打韆鞦啦@@

唔知點解呢晚打左兩次，兩次都係跌番落地下，好樣衰:(

之後我地十幾個人逼埋係間房道...張啲床單鋪晒係地，

咁多人圍住圈坐係床單玩就好似上次去長洲咁樣-V-

最初係MC KILLER`其實真係好易玩到訓教X_X

最正就係有ROUND我做KILLER可以玩到尾......

不停咁樣殺人但又冇比人識穿，實在太興奮喇！

之後FELIX提議另個GAME啦，玩左好耐@@

要記晒所有人啲動作再做自己個動作，傳黎傳去:P

慶幸有ROUND冇輸到如果唔係要問男拔攞電話:O

最後搞搞下走剩十個學長，唔知係咪少左人氧氣多番，

就搞到個室內氣溫好似低左好多咁樣愈黎愈凍:S

我地呢就開始不停傾計，講做STAND BY ME既野啦，

又講左做社長既辛酸史，又講左中四簡科既問題@@

其實真係好開心囉咁樣傾計法，仲傾到好精神添喔嘻嘻！

最後差唔多五點鐘嚕基本上啲人已經差唔多散晒，

由於我要好GENTLEMAN咁比自己張床兩個FION訓，

所以結果就同CRYSTAL L. 同KATE做地長LOL

我地三個訓晒係地板道，有股寒氣咁，望住個天花板，

傾到六點鐘都係支撐不住要休息片刻喇呵呵呵呵:D

諗番起上次係長洲可以玩耍盲雞玩通頂真係好犀利，

成班人坐係海邊諗住睇日曆證明我地精力旺盛同熱血:P

好啦七點起身果刻其實好痛苦，訓多陣得嘛XD.(?)

同埋成個人明顯係唔夠訓所以真係凍到震-____-

執拾好間房之後呢就一個人企左係河邊果道啦.......

雖然啲風吹埋黎係凍到入骨，但係我發現左樣野：

原來我真係好享受寧靜既環境，特別係清晨同深夜*V*

食完早餐之後成個人暖左好多，啊果道啲阿華田好好飲:P

之後成班無分年級既PG坐係遊樂場打韆鞦同埋影相:D

自由活動時間就過左陣手癮打左陣羽毛球咁樣啦，

再係營屋道聽FION佢地玩BLACK MAGIC既野:O

好啦我應我個腦轉得好慢，最初真係完全唔明佢地做緊咩lol

但我發現睇左好多次就唔再係個懊惱既小孩嚕哈哈:P

臨食飯之前仲有個EVALUATION SESSION:)

全部人加埋六十個係度講感受，好WARM啊唔知點解:$

我地仲係每個人背部貼左果張大紙寫左好多野添啊@@

好啦我認真覺得加入到學長會呢個大家庭真係好開心:D

食完飯影埋團體相就執拾行裝返市區嚕哈哈:P

入左CAMP呢兩日就可以話係同外界隔絕左咁樣囉，

仲有就係好似唔只同佢地相處左一晚，而係好長既時間^0^

最舒服就係係旅遊巴道訓足成個回程，好爽啊真係:)

IT IS SO NICE FOR ME TO MEET YOU ALL B-)

返到屋企先知公公牙肉出血，已經流左兩個鐘，

問題係佢唔想影響呢晚做冬同埋唔想我地擔心......

所以直到好遲先知決定話比我地知佢唔舒服-V-

由於我同媽咪預備緊果晚食既野，

所以就變左舅父同我公公入院檢查下發生咩事._.

直到九點幾佢地返黎屋企，睇得出公公塊面白晒:P

之後連坐低都見暈，莫講話食野同行幾步路添啦@@

我地見佢咁唔舒服問佢洗唔洗番醫院輸血，

佢答我地唔洗，事後知後早啲果陣佢都係要求出院:O

舅父問洗唔洗落街買啲葡萄糖水同寶礦力，

佢又係答唔洗，講左句已經好晏，你地食野啦......

係佢身邊既婆婆平時固執到冇人夠佢講，

呢刻佢雖然口中係話好麻煩，但心入面就好擔心，

不停餵中左風既公公食野...驚佢唔夠能量血運行得唔好。

呢刻我差啲喊左出黎，老人家為左好好地食餐冬至飯，

而將自己既健康情況拋開，一心唔想阻住我地食野:'(

但佢冇諗到我地做孫既，同佢既子女會係幾咁擔心......

之後幾日發生既野留番下篇再講啦，

宜家又已經兩點幾喇，各位晚安嚕=)