唉原來自己已經連續兩個禮拜忙到就黎發癲……
仲有就係唔知點解呢段時間真係過得好快@@
我決定都係學以致用，用番呢個時間順序啦-V-
如果唔係打打下會發現自己迷失係呢堆字道。
諗番起去食放題已經係十一月十八日既事黎喇X_X
果晚係柴灣間日本料理夢工房食左次放題晚餐@@
任食唔嬲，仲可以比你由七點食到佢食鋪，超值！
雖然啲野食點樣都唔夠松屋果啲咁好食，但都叫多款-V-
魚生起碼有北寄貝比較另類少少，奈何三文魚有骨……
仲有果啲咩甜蝦、八爪魚、墨魚、希靈魚都好好食:P
炸物就真係食食下就會驚架喇，因為都幾油下:O
天婦羅蝦、炸豆腐、沙律同啲一品料理都唔錯既^0^
最正既就係啲燒羊架都好好食:D 香得黎唔蘇！
臨走之前仲叫左個火鍋去搵啲野黎陸，虎蝦超讚。
不過如果真係要作比較的話當然係松屋好食啲-V-
星期六晨早去同HENRY`JAS`VANESSA打羽毛球*V*
唔知點解咁早起身去玩真係有種好特別既感覺:D
突然之間諗番起上年暑假去長洲通頂，好懷念@@
呢個鐘都打得幾攰，仲好唔小心咁殺左落HENRY道:O
打完波沖晒涼之後呢VANESSA就比我地三個拋棄，
而我地就去左太古UA同KAKA同JANET佢地會合^0^
YOU ARE THE APPLE OF MY EYE:) 那些年唔錯:)
而最後果段回憶番既情節加埋配樂更係好催淚，對唔住我喊左:$
睇完之後我地係鰂魚涌公園HEA左都好耐，不停望住人玩:P
之後係吉野家食埋野、傾左陣計同討論劇情又散左嚕哈哈。
十一月二十日晏咒就去左紅館睇羽毛球公開賽，
事前真係好期待，除左高手雲集之外仲係我首次現實睇比賽。
話說可能呢日係決賽既關係啦，所以差唔多全場坐滿晒人:O
最初果場就係中國對丹麥既混雙，真係好激烈@@
有好多次都係猜左好多球，仲有唔少跳殺既精彩場面！
之後男單就係中國既林丹對陳金，唔知係咪對手既問題，
我地坐係觀眾席道望就好似覺得佢地好似平時練緊波咁樣-V-
不過點樣都好啦，恭喜超級丹再次攞到呢個世界賽冠軍。
至於女單又係中國既天下:P 突然之間覺得好自豪！
每次贏波全場都係度嘩然，歡呼，場面真係好震撼。
女雙就又係中國既內鬥，世界排名第一對第二@@
話說佢地兩隊實力其實係差好遠，排第二果隊曾落後九分。
最可惜既就係世界排名第二果隊其中一個運動員受傷退出……
壓軸出場既就係中國男雙同南韓男雙既組合喇，
雖然當中發生啲小插曲，但真係睇到透唔到氣，好緊湊:D
但係憑著精彩既發揮，中國係先輸一局之下反勝對手，
當然過程都好崎嶇，曾經要打DEUCE去決定命運。
無疑兩隊都打得好好，回波速度快到睇唔到，反應快到癲。
最有趣既就係有個中國運動員打打下塊拍突然斷線，
之後佢即刻衝去場邊換塊新既再衝番入場保位防守-V-
佢地每球都會好盡力咁樣接，接波接到全身趴晒落地，
但係唔洗三秒佢已經起番身接緊第二個，真係極度佩服。
最爽就係佢地殺波好有威力，但對手硬淨到連續接幾球都冇事，
似乎係佢地眼中，殺波根本不是一回事囉，哈哈XD.
呢排開始搵MISS IP練果個演講比賽份稿啦，
個問題仍然係讀得好唔自己，唔識強調，
最大既問題就係好似有少少濫用自己個聲線，
而距離正式比賽既日子尚餘四日，拭目以待啦-__-
個音樂比賽就更糟，繼上學年後仍未開始練番……
加上歌詞又改左，段影片又未剪完，睇下點死啦唯有:(
因為距離即場演出既日子同樣係十二月一日:O
說好的岩岩果個星期一同左MISS LAU搞「生日會」，
坦白講都安排得唔錯啦，雖然佢笑得好似有少少勉強，
仲有樣野就係全班果日個氣氛仍然係比較靜._.
不過點樣都好，希望MISS LAU會永遠記住呢日啦:D
十一月廿五日PE堂就完成左個地獄式既FITNESS TEST，
唔知係咪活動得太激烈，宜家啲肌肉都仲係好痛，
最興奮既就係今次勉勉強強咁樣跑左19個圈，唔錯啦！
果日仲可以走最尾果堂中文去西區公園打羽毛球學界，
基本上我地望住玫瑰崗猜波已經打定輸數咁樣 X_X
結果不出我地所料，整體黎講都係比人殺到片甲不留，
總局數係輸比佢地三比一，其實都真係幾可惜架/_\
而果一分就係靠盧諾希同埋我好努力咁樣攞左番黎既，
唔知係咪因為最近睇左次公開賽既關係啦，
我地兩個既走位，合拍同出手速度都改善左好多，
就連我地一向最差既開波都冇咩點樣失誤過。
最重要既就係我地連高波都冇咩點樣打比佢地，
通常都係追住佢地個身黎打，真係好鬼死HIGH，
我地兩個打果啲波既落點都唔錯，吊網放網好靚^0^
仲有就係我殺左佢地差唔多五球，真係爽到爆炸！
當我地控制住大局之後，每次得分都會JOR，
呢啲就係我地兩個加埋既霸氣同埋殺氣喇哈哈。
結果我地短時間內以21比13撃退佢地呢個組合:)
搭緊A12回程果陣時當然都係休息左段時間啦，
突然之間覺得自己真係好豪，搭機場巴士返屋企LOL
呢晚係太古食完飯之後又去左HAAGENDAZS食雪糕，
絕對係迷上左果道既夏威夷果仁*V*真係好好味:P
|
