闊別左QOOZA差唔多個幾禮拜，打番篇先:D
基本上年初一至三都係係東區既範圍周圍拜年啦，
根本年年都係去果啲地方，都冇咩特別嚕:P
永遠都要講好多恭賀既說話，當然全部出自真心，
換黎既當然係幾可觀既利是總金額啦呵呵:)
至於年初五就去左同澄澄同埋汛汛佢地兩個玩:P
佢地兩個真係好得意，望住佢地兩隻小鬼好開心^0^
諗番起妹妹之前唱既ABC好唔清楚唸口黃就笑死X_X
至於細佬佬就不停增磅，好似佢爸爸話咁米豬蓮XD.
跟住年初六成日呢就係離島同埋香港東區穿梭緊......
晏咒去左東涌間NOVOTEL酒店食BUFFET，好正*V*
熱盤依舊冇咩特別，但係啲羊架同牛扒都唔錯啊；
仲有啲廚師(?)即席幫你整意粉，個忌廉汁好正:)
至於沙律BAR啲野啊同埋啲煙三文魚都食左好多哇！
話說姑媽特登排左好耐攞左放左雪糕既PANCAKE比我，
呢個PANCAKE好得意，熱辣辣再加凍冰冰既雪糕，
死喇宜家講番起真係有流口水既感覺，多謝姑媽:$
仲有添啊，差唔多兩歲果個表外甥紫欣真係好得意啊`!!
呢個餵食豬見到我地攞完野返黎佢就去果個道，
仲會自己攞我地碟上既野黎食，仲開始出現爭食情況:O
但係當佢坐係我隻腳上面，我餵佢食野真係好開心:)
我發現自己好鍾意同啲BB玩囉嘻嘻，童真既表現*V*
至於啲甜品應該都係個重點黎，幾多款下同超好味:P
木糠布甸`朱古力慕思`冬甩、芝士蛋糕......X__X
不過最深刻既係個白色既CHOCOLATE FOUTAIN`!!
食過咁多次自助餐，白色朱古力噴泉係我第一次見:D
我最初見到果刻係成個人癲左`對白朱情有獨鍾啊:)
之後係東薈城行左成個晏咒，得媽咪買左個袋-___-
好囉其實我都睇中左個袋，好令囉真係:$但係唔捨得買LOL
最後見到件T-SHIRT都好難但係冇SIZE，超唔開心:(
抱住遺憾咁樣就登上回程既列車，極速靠住媽咪膊頭訓著左:P
夜晚就去左杏花村，同爸爸中學個朋友拜年，羊腩煲好味^0^
爸爸個朋友啲仔女由細識到大，好彩宜家都唔算好生疏既B-)
呢晚我仲正選打左四圈麻雀，好配合電視播既嚦咕嚦咕新年財，
宜家真係打多左台灣牌，呢晚東圈開過糊之後呢，
南西圈都食桔，得個睇字！好彩冇出沖，又冇咩人自摸:P
至於北圈果陣時連食左兩三鋪糊，最後賺左三十蚊外快:)
哎喲呢幾個鐘過得實在太快喇，期待下一次既機會啊！
年初七`八點鐘同HENRY`JASMINE`VANESSA打波，
因為差唔多成個月冇打過嚕，所以都好生疏:P
慶幸呢仲開到波同埋識得打下位同殺波既-V-
但係呢個人既體力好快耗盡，隻左腳同條頸都拉親咁，
之後呢全身所有既肌肉都係前所未試過的酸痛><
更何況係連續兩個鐘，感覺上都好吃力囉我覺得-3-
呵呵可能呢日係人日，我地四個都打得好和諧XD.
仲見到兩個好似MR.PANG`MR.YEUNG既身影*V*
沖完涼食埋野之後就係柴灣公園HEA左好耐:P
夜晚又去左爸爸另一個朋友既屋企，養左隻貴婦狗架:)
呵呵波波真係好得意，好餵食@@仲成日LAI我地隻手:O
年初九夜晚終於比我買到對CONVERSE喇好開心:D
搵左好耐終於見到合心意既紅色嚕嘻嘻:P:P正啊B-)
之後去左睇繼承大丈夫...我對呢套劇情片不予置評-V-
連我媽咪同爸爸睇完之後都係@@同影評所講既有出入，
可能我地唔適合睇啲咁高深既戲啦呵呵，因為我本人覺得：
全套戲都幾悶，只係講個男人面對好多種問題:O
又或者我地成家人去戲院睇親戲都係睇啲緊張啲掛-V-
跟住果日晏咒學完琴去左銅鑼灣攞番訂左既COVA蛋糕:P
呢件兩磅既蛋糕簡直係-V-好味到不能言喻:)
個SPONGE CAKE軟綿綿`中間有層乾左既焦糖`
最底果道有少少芒果既香味`最面就係啲好滑既忌廉，
仲有啲白朱古力片，簡直係人間既美食啊呵呵呵呵XD.
唔知點解我覺得呢個假期過得特別HEA，
可能係因為岩岩考完試所以個人又再心散過@@
好囉好似長期都係處於心散狀態-_______-
話說呢多啦A夢既最後一集終於係上星期播完，
呵呵呢套卡通片可以話係陪住我大架嘻嘻，
如果冇記錯呢個時段應該已經連續播好多年@@
多啦A夢真係比左好多夢想同埋歡笑我啊真係:P
隨意門`記憶麫包`時光機呢啲咁受歡迎既法寶-V-
雖然每集多啦A夢既故事編排基本上都係差唔多架喇，
大雄係學校比小夫同埋胖虎蝦，返屋企永其攞法寶，
最後就會充滿笑聲，因為每次都會好似多啦A夢所講：
借親法寶比你都係冇好結果架-V-又搞出個大頭佛XD.
而我迷叮噹既地步已經係去到個好瘋狂既程度，
所有電影版大長篇既漫畫同VCD`好厚既短篇故事集都有:P
真係唔知由幾時開始多啦A夢就成為我生活中既一部分*V*
記得好耐之前係YOUTUBE睇過所謂多啦A夢既大結局，
講到叮噹有日冇左電，大雄當時淨係可以有兩個選擇，
除左維持原況之外，大雄可以幫多啦A夢換左舊電去，
但係換左舊電就會令到佢地之間既回憶全部冇晒:(
而大雄唔洗咁多年黎同佢相處既野冇晒，所以就發奮圖強，
最後經過無數既努力成為出色既科學家，修復多啦A夢。
記得果陣時睇呢集係睇得有少少眼濕濕咁樣，太感動喇T_T
最近呢幾集都好深刻，我發現呢三個故事從來都冇睇過LOL
有集講到大雄成日話佢唔係宜家既爸爸媽咪親生，
所以就返左以前去證實啦，最後大雄爸爸媽咪同佢講左番說話，
仲影左張全家幅，真係太溫馨，呢集係我唯一一集睇到喊:O
之後果兩集都係圍繞番大雄同埋靜香黎做主題嚕呵呵:$
睇到最後原來大雄長大成人雖然都係冇咩特別作為，
但係見到佢同靜香結左婚都好開心囉唔知點解:P
估唔到果條由大雄自己繡既手巾仔會咁令靜香重視:$
當然大雄連自己個名都寫錯做犬，繡靜香個名又點會岩X_X
猶如在夢幻國 神奇力量贈我 袋仔的百寶
同遊萬象太空 銀河上面捕捉 光陰的美好
難題若是遇到 隨時隨地就變身 彷彿滿腹靈感
快飛往怡神無愁樂國 挽手跟星光閃閃跳舞
隨意踏進這扇門 讓理想得到夢變真
越過鐵路和郊野 轉眼再現夢快車
Shalalalala 陪伴我一起歌唱
高聲安歌 同樂去踏踏步
Doraemon 讓此刻不會老 夢境終可以達到
Shalalalala 陪伴我一起歌唱
高聲安歌 同樂去踏踏步
Doraemon 讓此刻不會老 美景將可以望見得到
衷心希望多啦A夢可以延續落去，我一直都期待緊:D
|
