今晚表哥結婚所以我又有得去飲喜酒喇嘿嘿XD.

不過似乎都同睇歐國杯決賽無關啦係咪咁話(?)

話說尋日起身去左北角同姑媽飲完茶就冇返過屋企，

我仲同姑媽佢地打左八圈台灣牌添啊真係爽死:P

雖然打得都好細-_____-但我都好似輸唔少LOL

之後都係同個表外甥紫欣玩左好耐，佢真係好得意:$

雖然未夠三聲但係識好多野，好醒目，把聲嬌的的:P

有時候比反應你仲答得好鬼爽，哎喲真係太搞笑^0^

夜啲行去搭車返屋企果陣時:O突然落到好鬼大雨...

搞到我同爸爸媽媽勁狼狽咁樣跳左上架的士道X_X

舅父同靜姐姐最後都上左黎屋企同我地一齊睇波:)

嘿嘿，又哈蜜瓜、又蝦條咁睇波真係幾有氣氛架B-)

話說呢日西班牙最後贏意大利足足四比零啊XD.

估唔到呢啲大賽既決賽會出現呢啲咁極端既比數:D

點樣都好啦，贏得都叫實至名歸啦，全部都入得好令！

特別係托里斯同馬達最後換上場短短十分鐘左右，

就已經幫西班牙加添兩個入球奠定勝局，太好喇:D

呢啲入球騷其實真係好精彩，雖然意大利的確幾慘...

由於我間房進行啲「滅蟲工程」，呢兩晚都訓係廳XD.

不過有時打地鋪訓係張沙發床上面都好好玩架-V-

今朝臨訓前仲聽左陣歌同埋WHATSAPP左陣:P

原來個天已經光得七七八八，仲見到日出添啊！

果個真係金黃色既太陽照射啲陽光入黎真係好令*V*

岩岩果個星期六無時無刻都係度傾緊M1/M2既野:O

夜晚仲不停WHATSAPP人問佢地會點樣簡科啦@@

果晚成晚開始比人游說咁樣-V-搞到個腦HANG機:S

我曾經都催眠過自己，讀M2都未必會係好難姐，

上次雷SIR咁講只係想我搞清楚，唔好令M2變負累。

好多時都係圍繞番啲TRIGO，計多啲就識同唔洗驚啦:P

況且簡完可以保證同JAS`ALEX`DAVID佢地同班喎。

仲可以係MISS LEE教多自己三年數學，何樂而不為(?)

佢地仲話班會需要你，我果刻其實真係猶豫不決-__-

至於簡M1既話純粹係左兩個好簡單既原因架姐......

但係講真呢兩樣野將來會TAKE UP我好多既時間@@

正如果晚返到屋企上網搵到唔少人既意見啦-V-

佢地同雷SIR都話過讀M1/M2既時間相等於...

你平時讀一科ELECTIVE所需要既50%-60%時間XD.

雷SIR亦都話如果簡左M1既話，雖然S.4唔會好難，

就算要PICK UP番CORE趕急既課程都冇咩難度，

但係當去到F.5間唔中CORE會有啲難既課題而係花時間，

所以果啲時候應該就會係最忙同埋相對黎講較為吃力:S

我果晚仲見到個好得意既比喻...但真係好切合好具說服力！

爆左機先有BONUS，但如果機都爆唔到又點打BONUS(?)

我唔係要妄自菲薄，對自己係數學上既能力咁冇信心，

始終數學呢個名次都唔算後，就算簡都唔會話咩包底。

不過有能力唔代表一定要簡:O既然把握唔算好大既話，

點解唔索性讀好啲CORE同ELECTIVE而搵自己笨-V-

其實有時保守啲咁樣讀書都不失為個好方法丫:O

身邊仍然好多FRIENDS都會選擇淨係讀CORE既，

雖然ABC班有機會大兜亂...但起碼都同機會同班丫-V-

當然要承受風險@@分班結果唔好`相處有困難LOL

但係我諗都唔考慮得咁多野:( 經過呢次我發現愈諗愈煩！

我唯有好似CHK咁講如果遲啲簡完科真係後悔既話，

諗番自己點解當初咁樣簡，就會將果啲念頭打走:O

而我最主要個原因係令自己唔咁辛苦，讀好其他科仲好！

都唔知幾耐冇聽過天文台要發呢個八號風球...

啲風尋晚強到呢係好似要吹散晒我啲窗咁樣-V-

不過好耐都冇聽過呢啲咁恐怖既呼呼聲:O

尋晚好多個鐘都係全神貫注咁樣整緊段片-__-

原來接合音效CAPTION三樣加埋會好煩LOL

最討厭就係呢段《回憶錄》既其中一段長半個鐘，

但佢就足足用左我成兩個鐘去CONVERT/__\

不過點樣都好，睇番段野真係好開心好有滿足感:D

前日朝早返學校主要都係聽講座啦，好眼訓X_X

先講選科機制，其實呢年佢第三次講呢番說話...

終於去到派成績單呢個最HIGHLIGHT既環節:P

收到之後其實可以叫做百感交雜，失望同驚訝:O

中文的確叫做超出預期，好難得咁樣過七成上榜-V-

LS都好左好多啦...下學期個名次真係幫我拉高好多:)

三科淨係計GRADE既都好令人鼓舞囉嘿嘿XD.

不過-__-EPA`BIO`CHEM`PHY係負責拉低我既:(

比起上學期第一次測驗，呢四科係每次都跌啲咁:S

普通話呢啲唔再講，名次係百名內已經冇咩所謂:P

至於英文...上次測驗係主因/_\冇CERT加輸晒:@

跟住果個毒品禍害既TALK係不予置評，悶到吐血...

返左學之後係音樂室再練下之前唱過果首班歌-V-

其實首歌個旋律真係好好聽啊*O*只可惜啲詞差啲:(

晏啲同媽咪傾開簡科既野-__-點解好似唔明我咁:O

我重視既係「理科頭腦」，而唔係考試既分數同名次...

結果-___-都係我既問題...發脾氣X___X有用咩(?)

我果日諗過...會唔會CHEM`BIO是但簡一科，

反正我理科頭腦好似真係差啲，跟住再加會計ECON:P

呢晚臨訓前仲同雷SIR係FB傾左好耐，談數學-V-

我講晒我既問題，佢亦都講晒幫我補數呢年幾覺得我點樣。

最後佢表明-___-如果真係想簡既，M1會適合我多啲LOL

唔知點解我最初對PROVE同TRIGO有多啲興趣，

同埋邊個老師教既呢兩個因素好似突然之間全部放低晒:O

果刻開始，我決定先由M2呢個念頭轉向M1喇......

尋日返到學校參與左果個PG GRAD. CEREMONY:P

嘿嘿都好多野食啊，啫哩糖、雞翼、三文台、薯片-V-

呢日仲同成班F.4既PG傾簡教既野...好似愈傾愈亂咁:(

跟住又要去番HALL做DISTINGUISHED個綵排......

唱首歌唱到比MISS CHUI話X___X唱得好唔齊LOL

睇黎遲啲仲要花多少少時間落去練...絕不能影衰3B-V-

同JOJO做MC都冇咩特別啦LOL上台吹水咁樣><

之後聽到2A首班歌...原曲加新詞好和諧囉我只能夠講，

宜家咁樣聽落去，佢地班攞冠軍都叫做實至名歸丫:D

離開學校之後去左同RICKY佢地四個係杏花樓食野LOL

繼續都係傾簡科既野...呢啲話題好似沒完沒了咁囉:O

返到屋企...收到兩個電話...聽完之後好似特別窩心咁:$

先係MS LAU既電話-V-估唔到佢前日聽完我簡科煩惱，

跟住就幫我問左負責升學同就業既老師攞意見幫我LOL

第二個電話係由細教英文教到我大既MISS:P

原來媽咪早啲打過比佢傾，講番我前日發生左啲咩事...

媽咪擔心自己係咪幫唔到我，所以要搵其他人幫手><

呢刻其實我對自己好失望，點解成日都要搞到媽咪咁...

真係多謝您地三個啊，其實我都簡得開始有啲眉目！

之後繼續傾MSN啦，似乎好似愈黎愈多身邊既人有決定，

就係M1`M2都唔簡，將時間放落CORE同選修科仲好:O

跟住我再問下雷SIR其實如果唔簡M1或者M2又點樣:P

其實唔知點解我覺得聽佢既意見係好RELIABLE既事，

佢真係綜合晒佢教過既學生同自己既經驗去比意見我，

唔似得其他人咁主觀話咩呢科好簡單，唔洗花好多時間，

又或者話讀M1`M2用好多時間好辛苦，千祈唔好簡LOL

雷SIR結果就話當然你大學簡科唔需要M1或者M2既，

咁樣呢啲EXTENSION就對自己既影響唔會好大啦，

當然簡左會對理科成績...有好輕微既幫助-_______-

簡單而言，對我呢種人黎講，M1`M2讀完都冇咩用:S

既然身邊咁多人都唔簡，點解自己都唔好好考慮下跟風呢？

原來簡數學比起簡ELECTIVES煩好多，起碼果三科諗好:P

宜家距離交表仲有兩、三日，我應該仲可以諗清楚先既:O

嗯呢個風黎得快，走得更加快，八波維持冇六個鐘LOL

不過其實對我既影響都不太大啦-V-係咪咁話先XD.

話說宜家仲出行太陽，藍天白雲真係好令啊@@

唉呢幾日無時無刻都比唔同既野煩住晒-____-

我真係覺得命又會短啲`頭髮又會白啲囉點算:S