好啦大大話話都冇理過個QOOZA半個月......
呢個等歐國盃尾場開波既時段比我清BLOG係最好不過:D
嘻嘻我真係好耐都未試過會花咁多精神時間係溫書上面，
唔只解MSN長傾長開既習慣，有時仲犧牲冇睇心戰-__-
講起心戰我覺得會係幾得意既一個題材囉坦白講-V-
雖然劇情有些少變態但其實普遍黎講都唔會接受唔到啦，
啲人見佢主題古怪，又話唔明佢講咩又話影響觀眾情緒- -
我心諗劇情普通你又話佢垃圾爛尾，另類題材你又唔接受:O
唔通呢套心戰又會同天與地同一命運LOL題外話講多句：
好想上網睇番天與地，因為當時冇睇過呢套最後大受好評既劇。
不過咁樣既生活久而久之都好似習慣左咁樣，變得異常充實@@
當然自己亦有溫書溫到個人燥底，又或者溫唔到上腦既時候...
唯有係個廳黎行黎行去，搵下啲朱古力黎食，又或者打下機咁XD.
但係我最嚮往都係訓係梳化上面小休大半個鐘，真係好爽^0^
雖然......要我起身食飯繼續溫書果刻真係極度難受同唔願意-V-
至於岩岩長達兩個星期既考試周我其實都不予置評架喇:S
第一個星期考既科目都尚算有充足時間去背同埋溫書啦，
但係我發現第二個星期考果堆野同以往一樣，用完即棄咁:O
好囉我諗緊如果再係咁樣落去，我中六果陣時會變成點樣-___-
仲有個好嚴重既問題就係無謂既犯錯，唔小心情況全無改善。
每份卷係我手上我永遠都會有至少兩分係因為眼殘搞到咁......
有時我真係好想挖隻眼出黎，反正睇題目同唔睇題目一樣架啦:P
不過有樣野好WARM既就係每日起身落床就會見到張紙，
每日媽咪臨出門口之前都會寫左段字係大大張白紙上面:$
每次都係提我唔好抄錯唔好寫錯字要睇清楚題目先至答，
但係我往往都係令到佢失望，冇一次係可以達到佢既期望X_X
慶幸呢次做卷個筆風都幾順，感覺上都良好左好多@@
亦都紓緩左好多壓力，少左好多胃痛啊果啲問題啦XD.
我諗今次進步唔只自己心態變左，最重要既都係因為兩個人。
話說上次派晒成績果張單之後行過見到MISS LEUNG啦，
佢問我點解啲成績會退步左咁多:O仲話有需要可以同佢傾:$
結果有日放學佢花左一個鐘陪我坐係一個角落果度傾計*O*
當中唔只我分享左自己發現到有啲咩特別既問題比佢聽之餘，
MISS LEUNG仲講左佢以前讀書既一啲經歷，好難想像-X-
好多謝您教識我點樣好好放鬆自己，點樣改變自己個心態，
點樣可以慢慢建立番對自己既自信，好多謝您對我既信任，
更加多謝您願意花成個小時陪一個學生坐低慢慢傾:)
另一位莫過於MISS IP，由中一開始就好敬仰既老師@@
有時知道我有問題都會睇下點樣可以幫我-V-
之後我仲花左一段時間問左好多佢關於答題既技巧:P
最初我問佢I DON'T KNOW HOW TO EXPLAIN...
CAN I SPEAK IN CANTONESE XD.? 跟住佢望左我幾秒，
就大大聲聲咁樣話，講啦！哈哈真係笑死我喇果陣時:D
結果佢就用中文將逐類題型既答法都教我，真係太好喇:$
我覺得初中呢段時間有呢兩位老師係身邊係好難得既一件事:O
好多謝您地兩位比咁多耐性去幫我，真係無言既感激同感動T_T
話說呢個月我去左幾次明愛樂義學校，裏面都係啲特殊學生。
由於PEER GUIDERS每年都有OUTSIDE SERVICE，
我先至有機會去接觸下呢班學生，的確係好特別既一個經驗:)
最初果次我去到學校，其實個心情都係好緊張架囉/o\
我又唔知佢地個智力程度如何，又聽過可能會流到你成身口水，
又或者好驚你要協助既果位同學比較難以控制自己啦@@
不過結果我既對象係浩年，一個大約五歲既男仔黎既:P
其實佢都幾得意，係語言方面同肢體協調上有啲阻礙咁樣姐:)
每次去到通常都係同佢地玩唔同既活動，摺飛機啊、花啊咁B-)
雖然每星期只係見佢一次，但係每次我地互相見到都會好開心，
有時候佢見到我會好開心，我覺得自己為此而滿足都係必然既:P
每次同佢地活動既時間雖然只係短短大半個鐘，但見多幾次面，
同佢講多少少野，諗下佢地既需要，彼此個關係真係唔同架:D
我覺得雖然佢地會有阻礙，但我地關心佢地佢地會知架^0^
每次同浩年玩其實我都好開心，雖然有時佢跟唔到啲指示，
比如叫佢摺飛機，佢會揸舊紙或者將我地合力整好果架揸皺，
但唔知點解我對住佢比對住好多身邊既人都有更多耐性囉-__-
甚至對身邊班同學都可能冇咁好耐力，我自己係度諗點解會咁XD.
我每次踏入明愛樂義學校就會將所有野放低晒，壓力都唔例外，
其實同佢地玩真係會將原本侵佔晒你腦海既野消除架:)
因為自己好似會慢慢融入佢地既「世界」入面同佢地玩咁樣囉:$
最後果次既聚會我個感覺好特別，我突然之間覺得佢好慘X_X
明明一個其實好醒既小朋友點解會有呢啲先天既病，唉`!!
但係望住佢既反應，點頭另頭，或者一個微笑，我已經好開心:D
最後要走果陣時佢另頭唔願意咁，我問佢你肚唔肚餓啊？
佢點點頭，我話咁樣你宜家食飽左先啦，遲啲再玩過好冇XD.?
佢又點點頭，結果我拖左佢隻手陪佢搵個位坐低等開餐就走@@
好得意囉咩人都好，相處左段時間要分開始終會有啲唔捨得-V-
點都好啦，希望以後仲有機會同佢一齊玩同祝佢日日都咁開心:)
嘿嘿最後講埋呢樣野啦，五月廿五日久違既一堂PE:)
真係好慶幸呢日風和日麗，仲要係DOUBLE LESSONS添:P
好囉首先同RICKY`DAVID考左個排球EXAM先XD.
唔知點解我真係對排球幾有興趣@@雖然間唔中會手痛-V-
不過值得高興既就係差幾分就滿分架喇-33333-搞錯:O
之後果一堂就成堂係度踢波...都唔知上次踢係幾時-__-
但原來係學校踢都幾得意囉XD.仲SCORE A GOAL添:P
好啦個重點就係好耐未試過上完PE會流咁多汗hahaha-V-
場波下半場開始左冇幾耐，瑞典就追和左英格蘭唉......
唔該ENGLAND你就生性啲爭出線啦，加油加油:)
好啦今晚打住咁多XD. 聽日繼續，我有的是時間^0^
|
