岩岩呢刻我發現應該更新下呢個冷清清既QOOZA:O
話說陣間兩點四十五分果陣時巴塞對AC米蘭歐聯@@
雖然我唔係特別支持呢兩隊，但話晒都幾有睇頭-V-
所以我決定呢晚將個訓教時間順延至五點鐘LOL
趁呢段空檔時間等我打番呢兩個禮拜既野啦X__X
呵呵都係果句啦聽住歌打QOOZA係件美好既事^0^
講明先我都唔知最後篇野會幾長架:S你諗定喇XD.
三月十七日晏咒返左學校聽簡科個家長會，唔明點解要著校服:O
其實基本上演講既老師都係跟番本小冊子講架啦X___X
所以抱歉聽聽下真係悶到唔小心咁樣咪埋左隻眼:P
原先我打算係PHY`CHEM`BIO`BAFS`THS簡三科出黎既，
但事後聽人講番如果新高中理科成績好，大學收你機會高啲，
同埋到時再簡THS或者酒店管理黎讀都會收係喎...聽講XD.
結果我決定先將呢將最大興趣既THS擱置先嚕嘻嘻:P
不過點樣都好，當然下學期要繼續努力，睇埋個成績點先啦^0^
三月十九日呢對我地CME呢組同學都算係一個大日子啦*V*
話晒都係我地預備左成兩個星期既工作紙終於面世出街喇:P
望住份編排好靚`內容豐富`活動有趣同埋插圖精美既工作紙......
我真係好佩服我地成組五個人，努力係冇白費架嘻嘻^0^
事後聽番呢日同學既反應唔錯:)得到別人既肯定絕對係件開心事:D
三月廿日好機緣巧合咁樣走左四堂唔洗上，
是關呢日同RICKY陪班CHOIR比賽，順便幫佢揭譜XD.
雖然今年佢地攞唔到咩獎，但係其實唱得真係唔錯囉:D
起碼我有段期間成日聽到佢地唱，明顯聽到出有進步^0^
最開心就係評判話佢地唱「指定歌曲」果陣時唱得好好！
諗番起自己六年級果陣時都係以伴奏身份幫CHOIR比賽，
記得果年新黎個音樂老師大有來頭，將成隊人執到好犀利，
就連二部果啲旋律都唱得好CONTRADICTORY添囉:)
個老師係我地比賽果日仲著到同平時完全唔同@@
真係好懷念果陣時我坐係琴櫈上面望住佢比既SIGNAL:P
彈彈下之後發現自己聽住CHOIR唱都好舒服，超投入:$
最深刻就係呢個新黎既音樂老師帶領我地奪得季軍:D
佢聽到成績果刻係興奮到高舉自己隻左手，再YES左聲！
三月廿一日呢就係STAND-BY-ME活動最後一次定期聚會:D
我諗我同PARTNER ABBIE都會覺得異常欣慰囉哈哈:)
估唔到今次佢地三個S.1既同學仔好似變到冇咩隔膜咁樣:P
真係肯同我地分享，講多好多自己既野比我地睇^0^
更加開心同滿足既係一次一次聚會咁望住佢地既轉變:)
雖然我唔敢講自己係PROGRAMME中實際幫左佢啲咩:S
但我覺得重點係彼此認識，等佢地明白身邊有唔同人關心佢地:D
臨完結之前我仲送左三張預先寫定既卡仔比佢地三個人，
內容都係講番一啲勉勵既說話`同埋一啲佢地可以改善既方法:P
至於ABBIE都預備左少少既心意比佢地啦，就係筒糖喇:O
最出奇就係最初好抗拒呢個活動既一位同學係面書同我地講：
好鍾意我地為佢地寫同預備既卡仔同埋糖:P太開心喇實在*V*
三月廿二日，見證住我地3B班成長既重要日子^0^
呢日放左學之後就即刻趕去運動場準備開始師生羽毛球，
話晒呢項比賽都已經期待左成年，真係好刺激囉:P
同PARTNER盧諾晞練習左陣之後呢就正式開始比賽！
果陣時校長被邀請打頭場啦，佢話想同我地兩個打，
佢個原因就係我地兩個係咁多隊最勁囉LOL多謝:$
比賽過程都冇咩特別啦，係最後比佢同MR.LAU追到幾分，
不過慶幸我同盧諾晞都爐火純青左唔少，贏廿一比十七:)
過左咁幾耐，KARINA等人同鐫爺都坐左係場邊睇LOL
咁岩MR.HUNG就話要夾佢個女打我同盧諾晞XD.
可能默契始終唔夠父女好掛XD.加上我地自己既失誤，
最後都係輸左廿一比十九，真係有少少可惜囉我覺得:(
打完咁多場就宣佈結果喇嘻嘻，總局數係點樣唔重要，
大家只要知道老師隊經驗較為豐富所以勝出比賽就得啦X_X
做左兩個鐘頭劇烈運動之後，出左身汗真係好舒服:P
之後我見MANWONG`PHOEBE佢地仲係學校搞緊班會野，
所以都要負番少少責任，雖然個人已經好攰但都返去幫手:P
更加估唔到就係KAIPUI`JAS`CAR`IRENE`DAVID都係@@
著住套TEAM衫係課室同音樂室來回咁樣穿插住......
望住RICKY`TIMOTHY佢地點樣MODIFY首班歌-V-
望住NICOLE`CRYSTAL`MAN佢地點樣努力整份禮物:O
後黎見到隔離班3A份禮物都好令，個心即刻沉晒咁樣X_X
始終大家都係好比心機咁樣整份禮物，務求做到最好攞到獎，
到時付出同成果唔成正比例既話大家固然會有一定既失望。
但係諗深一層大家向住同一個目標進發已經係件好難得既事:D
我突然之間覺得3B真係好犀利，大家都好比個心出黎做野:$
我已經好耐未試過感受到如此強烈既UNITY喇^0^
儘管當中曾經比幾位老師催我地離開學校，唔好搞到咁夜，
但係我地好似都係左耳入右耳出咁樣囉:$真係好搞笑:P
最後我仲同PHOEBE夾手夾腳整埋個盒外既相:)
原來企係課室出面條走廊仰望住個天空個感覺好得意，
呢次亦都係我三年以黎第一次同咁大班人留係學校到八點幾:O
三月廿三日喇就係JOJO姐姐十五歲既生日-V-邁向婆婆之路:)
好啦因為個別要求，本人在此謹講多次生日快樂啦哈哈XD.
夜晚呢舅父佢地兩個又上左黎我地屋企，仲帶左生蠔同翡翠螺XD.
話說呢日媽咪煮緊飯果陣時，我就同佢暫打住先啦-V-
最開心既就係個東圈都食唔少糊，自摸咩都有XD.
奈何佢之後坐番埋位之後，唔洗三眼就敗番晒我打番黎既江山-_-
最慘就係佢叫我代打番果陣時，我即刻打出一鋪雙響炮，
簡單地直接啲咁講就係我打果隻牌有兩個人同時食糊LOL
唉咁就玩完喇-_____-乜野運都因為呢鋪牌冇晒嚕SOSAD/_\
夜啲落街從JOJO手上攞番啲野之後媽咪再比多次機會我:O
我終於吐氣揚眉喇嘻嘻:)先食一鋪十隻內...之後再食左幾鋪添:D
解釋番十隻內既意思姐係我係十隻打出既牌之內食糊:)
哇呢日既節目真係精彩到呢，好耐都未試過打左咁多鋪牌喇！
之後呢我就專注搞番首班歌既歌詞，執番啲位都執左幾粒鐘-_-
結果舅父佢地走之際我先至岩岩搞好啲STUFF:O又四點-V-
三月廿五日呢差唔多有成大半日都係SARA屋企渡過:)
為既只不過係練下黎緊要係音樂堂唱既果首班歌:D
個MELODY同埋LYRICS係催逼之下終於落實左喇嘻嘻:S
呢日大家都好肯開聲咁樣大聲唱，原來練歌都好有樂趣:O
最搞笑就係中間我地又要分開SOPRANO同ALTO咁練，
一批人係房，另一批人呢就係個廳，與世隔絕左咁樣囉XD.
最後仲成班人困住左係房道跟住電腦咁樣唱，好WARM囉:$
臨分散之前仲影左張大合照添啊，實在太團結喇嘻嘻:P
好啦我決定呢兩星期既野都係分兩篇出街啦哈哈-V-
|
