話說又有個風黎緊@@睇電視同天文台都吹得幾正啊:P

唔知係個風贏定係李氏力場，好耐冇八號風球嚕*O*

唉呢幾日又對多左好多電腦，但通常都係搞班會野:O

都唔知點解考完試仍然係多野做到咁樣架X___X

星期一同二返學之後都開始拍左果套短劇喇，好精彩:P

仲為左個GATHERING邀請大部分老師添，好多都黎B-)

下個星期成段短片應該可以面世嚕，哇！期待死我喇:$

另外仲有個就係小學既聯班聚會，好大班人囉咩事LOL

岩岩果個星期日凌晨果場英格蘭同意大利大戰真係...

法定時間九十分鐘兩邊都冇進帳，得幾球有威脅既-V-

加時仍然係咁樣-O-最後要用最殘酷既方法決勝嚕:(

原本見到蒙特利禾寫失真係好開心，諗英國仲唔贏:S

點知兩個艾殊利都發臺瘟，唔係射楣就射龍門@@

我最後都真係冇眼睇，咪埋眼聽評述算啦haha.

我終於明白咩叫做睇波睇到個心都會跳埋出黎喇:P

我都已經唔記得英格蘭上次贏十二碼係幾時既事-__-

由細睇到大既愛隊再出局嚕拜拜><真係好SAD:(

好啦尋晚雙牙四強，原本諗住訓陣再起身睇既-33-

點知鬧鐘響冇開電腦睇之餘仲爬埋上床訓X___X

不過算啦反正C朗既葡萄牙最後輸十二碼又輸埋-V-

話說果兩日考TSA都係冇咩感覺咁樣所以唔提喇:P

星期一夜晚同埋舅父兩個加成班AUNTIE去左松屋*V*

我真係覺得19個人圍埋一齊食放題係件好開心既事:O

呢晚都係照舊啦，魚生有三文魚`象拔丰`墨魚`鮑片:)

之後都主要係炸豆腐`羊架`串燒`天婦羅蝦同牛脷啦-V-

呢啲其實都係每次必點既XD依然咁好味:P太好喇`!!

不過-___-以往松屋既招牌芝麻雞翼變到唔知點咁:@

話說呢日仲唔知食左幾多輪，另外都食左八個雪糕球:P

呢間野啲綠茶雪糕真係好味到呢-V-仲多左個曲奇味:D

呢日足足食左五個幾鐘頭，六點開始食，爽死啊B-)

走果陣時仲係飽到唔想旭果種添囉，好有滿足感啊^0^

但第二朝起身我發現個胃唔太舒服，應該係食濟左><

尋日朝早呢就去左康怡間MCL睇3D貞子LOL

唔知點解我覺得呢套貞子/_\ 好似拍得真係麻麻地咁囉LOL

有啲情節唔合理咁-__-明明女主角鮎川可以用獅吼功殺貞子~

但係套野就將樣好簡單既方法拖左好耐，好似有啲兒戲._.

呢個情況等同睇叮噹，明明隨意門已經得但都要用其他法寶:P

仲有個女主角唔用獅吼功既話，每次佢身邊都有武器:S

唔係長茅就係第二樣，次次插落隻貞子道都令佢地灰飛煙幕:O

講到驚嚇到其實黎黎黎去都係突然彈出黎先至比較恐怖><

奈何呢啲情節唔多，貞子周圍衝既場景反而仲走，

結果好似去海洋公園哈囉喂咁樣，睇或者試多啲就慣喇:S

3D場面-V-算啦我不予置評XD.再講就會講到一文不值LOL

好囉但係呢日學琴果陣時老師話我呢幾堂隻手都好鬼硬-___-

我自己都好想知道點解會發生啲咁既事:S影響晒表現LOL

睇黎我要彈番啲低級野搞番好啲手指先喇/__\ sosad:(

好啦陣間都係唔睇波啦，宜家完全冇心情，都係訓教好過！

好囉打番篇QOOZA先訓陣教再起身睇波^0^

話說計埋今晚既話我已經連續第三晚踩到咁夜:P

陣間係英格蘭同意大利踢爭入四強啊，英國要加油:)

呢日學完琴成晚就係北角四圍行街買衫同埋食野-__-

嘩嘩嘩真係太開心嚕，食完南記仲去埋許留山haha:D

講起食野真係好期待聽晚，松屋日本放題任食六個鐘LOL

哎喲唔只好耐冇食放題，仲從來未試過不停食六個鐘A_A

係喇題外話就係TVB套飛虎好睇@@好緊張啊啲情節-V-

如果心戰同埋飛虎排係平日黃金時段播你話幾好呢-333-

不過-____-馬國明攞刀仔扴人條頸放血真係好變態:S

話說禮拜五果日返學校做TSA既MOCK PAPER喎...

諗番起上次做已經係小三既事X_X小六豬流感冇左-V-

果日唔知做咩成個人都眼訓都咩咁:O冇晒精神/_\

不過好彩做完每份卷都有好多時間比我趴係度訓教@@

最震撼就係做完數學卷差唔多成級人訓晒係禮堂haha:D

但係做呢啲卷真係覺得好簡單-___-雖然我唔排除都會錯:S

唉聽日同埋後日仲要正式考TSA，真係好鬼死煩:@

放左學之後諗住同PHOEBE邀請啲老師黎我地個PARTY:P

點知十個入面有八個都唔係度:S結果我地變左段VIDEO:)

呢日同RICKY佢地三個食完野返埋屋企之後就不停對住電腦，

好落力咁樣根據PHOEBE既IDEA寫番份劇本出黎^0^

寫劇本的確好吃力，但係唔知點解寫耐左我覺得好好玩:)

聽日開始拍嚕*V* 嘿嘿我真係好期待最後段野會係點樣:D

果晚舅父佢地兩個又上左黎食飯，又有機會比我打麻雀XD.

但係呢日戰績都係麻麻地啦-__-有鋪仲唔記得補花而企糊:(

呢晚我地仲一住打牌一住睇波，都真係幾唔得閒咁@@

比較曯目既係德國大炒希臘四比二-V-兩隊都唔同LEVEL:O

由於呢晚五點先至訓-___-結果尋日就變左還睡眠債...

還得成既原因當然唔少得「冇人騷擾」同「冇野要做」啦:P

我都唔知幾耐未試過太陽射到落腳都未起身，三點鐘啊XD.

真係好爽啊咁樣訓法XD.雖然訓醒仲係有少少倦意咁X__X

好似一日之內將考試期間全部唔夠訓既日子補番數咁樣-V-

尋晚係婆婆屋企食完飯之後仲過埋去舅父屋企打機:O

原來XBOX既WINNING係好玩過PS好多囉嘿嘿XD.

唔只啲球員個樣似啲，就連佢地啲動作神態都好似真咁樣><

呢晚兩點幾條街都仲係好多人:O連返屋企架小巴都坐滿LOL

係屋企食住杯麫咁樣睇波都係另一件好舒服既事黎@@

嘿嘿望住西班牙以兩球贏左法國都真係幾開心啊^0^