話說去澳門既前一晚打完篇BLOG睇左個故事，
其實係由JOJO推介既《那天，我出席了一個喪禮》。
雖然個故事真係好長，足足花左我成個半鐘時間去睇，
但絕對值得，因為好多句子都講中左自己心聲咁@@
特別係好多情節都令我諗番好多野，真係好發人深省XD.
我唔識形容番睇完個感覺，但有時真係會擔心發生同樣既事，
就係好想維繫友誼但永遠約唔齊人，大家有唔同既野忙，
久而久之就會變得疏遠左，希望呢件事情永遠都唔會發生:O
又或者係人永遠都會留戀每個人地經歷，升中諗小學，
讀大學或者開始返工就會諗番起中學生活既一點一滴，
好似永遠都充滿矛盾同埋永遠都唔會有「完美」既出現-V-
不過又可能因為咁樣我地先會更加珍惜每次玩既時刻，
咁樣唔係仲有意義咩(?) 點都好凡事都應該諗下好果方面:)
話說睇完之後都差唔多四點-___-之後同JOJO諗到樣野，
雖然好瘋狂同幾難實行，但真係諗下都幾開心架囉嘿嘿^0^
就係以個故事做藍本，寫一個真真正正屬於我地既故事:$
呢個...咁不可能既任務唔知有冇機會做到，定淨係得個講字:S
結果旅行前夕既晚上我五點先至捨得咪埋隻眼去訓教X___X
澳門，唔知點解好似另一個家咁，對上一次去係約四月既事:)
果次個重點我諗都係睇水舞間-V-"至於今朝就係專掃餐廳:P
搭緊船果陣時已經急不及待同舅父`靜姐姐諗緊食咩好啦:D
結果呢次旅程就以新馬路果間瑪嘉烈葡撻揭開序幕喇哈哈^0^
唔知點解對比番上次食既時候好似跌左啲囉個水準X____X
果個木瓜鮮奶仲要又苦又澀LOL哎喲點解會搞成咁架@@
之後都係民政總署果度休息左陣，因為啲冷氣真係好舒服囉:$
話說果日仲有個畫展，啲畫都幾另類，有啲的確係幾令既，
不過有啲畫到啲人好靈異囉-__-好似識飄同ZIP青鬼咁樣:O
自從啲飲食節目介紹完福隆新街既祥記麫家都係必到既地方:)
蝦子麫鯪魚球依然好好味X___X不過啲魚皮真係爽脆不再喇...
原來係因為佢地攞唔番以前果啲貨源，真係好慘好可惜囉:(
食食下發現自己帶住牙箍食都已經習慣左，冇咩感覺咁XD.
話說呢次我地五個都係無目的咁樣行就發掘左啲新既地方出黎:P
就好似果個何東圖書館咁樣@@真係估唔到佢係禾稈藏珍珠-V-"
表面睇好似幢舊建築物咁樣:S但行到入去就好似另一個世界:O
全部都係好新淨-V-"連兒童圖書館個裝潢都好得意添啊^0^
行到身水身汗再係呢啲地方休息真係滿足啊，有啲唔舒得走:D
跟住我地就一直行，由下環不斷行就去左十月初五日街@@
先後搵到間炭燒杏仁餅好香既最香餅家同榮記豆腐花:P
話說蛋黃肥肉杏仁餅同有少少薑汁同鍊奶既豆腐花都好好味:)
有時我覺得澳門好得意，一面係行幾步就會有個大既賭場，
另一面就係成個區域都係啲舊唐樓，啲電線飛晒出黎幾殘:O
我果陣時係度諗如果香港又有幾個賭場既話又會變成點XD.(?)
第二日晏咒仲去左主教山添啊，去澳門咁多次都未上過山*O*
我黎緊一定要去埋松出同埋東望洋山睇下有啲咩咁特別至得XD.
至於主教山應該話去一次就夠，影教堂影澳門半島一流既位:D
呢次既旅程仲去左路環市區果邊食間叫做雅憇既葡式餐廳:S
只能夠講既就係冇必要都唔好試喇-__-因為呢餐真係好一般:O
咩桑拿蝦、豬手、椰汁焗雞、菠蘿海鮮飯同鱸魚都麻麻地-V-"
或者聽到個名好想食啦，話唔定係我食到個嘴刁晒啦haha.
但呢間餐廳亦係住果間酒店大堂之外唯一一到有免費WIFI...
食完之後我地五個人仲企左係玫瑰堂前面影相，真係好令啊:)
我同爸爸仲係條馬路到擺番幾年前同一個POSE影相添:$
嘿嘿宜家睇番其實都幾似架，遲啲要曬出黎兩張相拼埋^0^
臨走之前仲去左瑪嘉烈個老公安德魯果度食宵夜添啊呵呵:P
個芝士蛋糕好正，完全唔膩，而且好香@@個口都未停過:$
至於呢間BAKERY既葡撻明顯比晏咒食果個濃啲添囉:P
係路環再慢慢搭番巴士去番大三巴果邊食義順既招牌甜品:D
雖然熱雙皮奶滑好多-V-"但係我覺得呢啲時候唔可以唔食凍...
唔知點解澳門既雙皮奶平又平過香港既，同時又好味啲A__A
食食下仲開始落雨，好似準備好傘，落場大雨即刻透心涼:P
澳門夜景真係好令啊，不愧係東方拉尼維加斯，金光閃閃咁:)
至於今次住既呢間酒店氹仔金沙城既假日酒店都幾舒服啊^0^
張床不錯，連枕頭都分埋FIRM同埋SOFT囉，仲有攬枕XD.
話說成間酒店都好有中國既味道，有個好大個既唔知咩像-V-"
有時仲會有啲人扮兵馬俑、朝廷大臣、和尚同將軍比人影相:D
個大堂其實都幾GRAND，好似成個後花園加噴水池咁囉*V*
不過個泳池真係好失敗囉X__X最深都係得米二，到心口-__-
嘿果晚我地三個同埋舅父佢地打算用抽籤去決定邊個沖涼先啦:P
點知第一輪就猜輸，冇得簡-V-" 但最後反而可以第一個沖:)
相反:O猜贏晒既靜姐姐就變左係沖最後果個，笑死我地喇`!!!!
果晚張床太逼，爸爸媽媽訓左之後搞到我都冇咩位可以訓@@
結果我索性坐係度，望住電視既奧運直播，最多坐係到訓:P
但最得意就係睇睇下跳水賣廣告，咁我就冇晒知覺咁訓著左-V-
再次開眼果陣時已經完左跳水，跑緊二百米:O真係笑左XD.
最後佢地都醒醒地問我做咩唔訓，佢地先識比番啲位我-__-
好囉最初見佢地訓著晒都唔係幾好意思整醒佢地咁樣啦X___X
第二朝鬧鐘響晒啦，但係佢地四個仲係攤晒係張床到囉@@
因為睇緊羽毛球男雙同男單既決賽重播，至於我呢...就仲訓緊...
嘿嘿宜家唯有睇番錄低左既VIDEO啦，點都好恭喜林丹贏:D
第二日打頭陣又係葡菜，南灣大馬路果間老店沙利文餐廳(Y)
馬芥休球炸到個色好令B-)食到既唔只薯蓉，仲有好多魚肉:P
葡國雞煲好香，果啲味道好似咖哩汁既汁差啲想飲晒去哈哈:)
至於個蝦多士個色又係炸得好令-V-雖然啲蝦好似實左少少咁...
仲食左個特式炒飯同龍脷柳啦，坦白講呢兩樣就比較普通喇:D
值得一提就係果煲牛尾，唔識形容，總之一定要叫黎試^3^
晏咒仲去左官也街果邊買大菜糕同埋試下啲鉅記小點啦B-)
話說鋪頭門口企左個人即時整紫菜肉鬆鳳凰卷，食左好多舊:$
嘿嘿我仲係沙度娜買左個木槺布甸黎食@@CREAMY:PPPP
搭船果陣又係攰到即刻訓著左-V-"係屋企張床都係咁好訓就好...
返到香港仍然唔比個口停-___-係西灣河試人生第一次既打冷:O
其實都幾好味啊啲野食，特別係啲鵝腸`鵝片同埋啲墨魚@@
之後仲係麥當勞繼續開餐咁，食到自己個胃都大晒嚕嘿嘿XD.
期待下次再去澳門既時候，繼續發掘新既美食啊hahahahaha. |
