話說尋日朝早又同HENRY`JAS`VANESSA打波:D

嘿嘿呢日都走多左好多@@咁早出身汗都幾舒服XD.

話說有球我殺波啦，慣性追住對手黎殺既-V-"

咁樣HENRY就坐底左個身，再將塊拍放係頭頂上面，

點知殺完個波絕秒就發現...個波最後跌番係我果邊個場，

原來個球係強烈咁撞左落HENRY個拍再彈番過網:O

哈哈呢球真係好準好有威力X___X我地四個笑到死左:P

打完波沖埋涼之後同左HENRY去大家樂食野，好飽好飽:)

飽到呢日淨係食左早餐同埋夜晚兩餐炸，好變態啊真係:D

之後因為JASMINE細佬打小網，我地又返左去運動場XD.

唔知點解以前睇相覺得佢地兩個隻眼真係好相似咁啦，

但係親臨現場再睇清楚啲發現...都唔係想像中咁餅印姐:P

至於我地四個就主要都係場邊不停傾計啦，都真係好開心:D

晏啲終於攞左副膠框眼鏡喇，自己睇自己都唔係好慣咁-V-"

係喇至於果排「膠牙」宜家都習慣晒喇，唔會話特別唔舒服:)

跟住去左同澄澄汛汛兩個玩，呢兩個禮拜去密左咁樣^0^

成日抱到細佬好高好高，跟住再慢慢降落咁樣玩既時候，

佢就會笑得好開心，一歲幾既人仔成日都講地地、包包XD.

至於家姐澄澄見到我排牙有啲古怪，問我你啲牙牙戴左咩啊(?)

我話「帶左個牙套囉，你以為有咩啊？」佢答我「有牙牙囉」。

哎喲呢個對答真係太搞笑喇hahahaha.點解你咁可愛架XD.

跟住成日都會捉埋我同佢一齊夾住啲波係隻腳到周圍走A_A

尋晚返到屋企睇埋奧運單車項目，香港有牌果刻真係幾激動:O

好犀利囉可以脫穎而出XD.但搞到我兩點幾訓，訓足十二個鐘`!!

講起奧運XD.話說呢幾日睇左好多場羽毛球既賽事啊真係:)

嘿原來我每屆都係集中於體操、排球同埋羽毛球啊@@

早排有段新聞係講有班女雙球員為左避同國家既隊伍鬥，

所以就特登輸波走線，當中包括頭號種子于洋拍王曉理。

點知最後比奧運取消資格，我睇到其實覺得真係好可惜囉><

冇錯呢種行為唔值得爭，但走線既原因其實都可以理解。

唯獨是于洋佢地走得太出面，連續好多球不停打落網-V-"

如果我身為係倫敦既現場觀眾都真係會吃倒采架囉haha.

不過決賽冇得睇佢個組合真係幾失望架囉，佢仲要掛拍><

前晚黑妹葉珮延打三號種子既李雪苪，體力贏但技術輸:(

第二局好努力咁樣領先住二十比十六，點知最後都係輸左:O

雖然輸波真係件好可惜既事，但佢已經破左香港歷史啦XD.

首位本土出產既女子羽毛球運動員能夠晉身八強真係好犀利:)

至於尋日仲同澄澄汛汛一齊睇埋男單先至返屋企啦哈哈XD.

湛龍輸比李宗偉、李炫一輸比林丹絕對係預期同理想既賽果:P

聽日佢地兩個絕對係夢幻男單對決啊！林丹為左中國要加油！

至於今日睇男雙淨係睇到南韓對丹麥果場賽事，都好精彩><

不過估唔到南韓會輸囉，始終呢日個發揮冇上次係紅館睇咁好:O

但係雙方個分都追得好貼，見到佢地就會覺得殺波好似抅癢咁:D

終於等到王儀涵對李雪苪個女單決賽喇，現場睇肯定想死@@

因為隔住個電視已經感受到果種氣氛，每球都好投入啊睇到XD.

但似乎王儀涵打啲波唔夠刁鑽，成日都比李雪苪有機可乘囉-V-"

雖然任何一個贏左我都幾開心，但王儀涵話晒都頭號種子丫:S

見到佢追平一局果陣時我地成家都叫左出黎，都登佢開心啊^0^

不過最後都係青山於藍:$ 題外話我覺得李雪苪好得意hahaha.

其實到宜家都睇左咁多場波，見到中國贏真係件好開心既事黎:)

好耐未試過咁為自己係中國人為榮喇LOL佢地打得真係超強><

打啲波個落點好令`貼住線咁樣既；殺波就好尖，控制得好好:S

每次睇到佢地打波就會嘆為觀止-V-"真係坐定定咁樣望住電視:$

如果我有佢地既一成或者兩成，我都已經心滿已足死而無憾X_X

呵呵聽朝又去澳門食番兩日野喇，真係好期待啊嘿嘿:)

不過呢-___-男單同埋男雙既決賽真係要搵人幫我錄低去XD.

嘩嘩原來呢篇差唔多一半都講羽毛球，好似瘋狂左少少@@

至於LS既MS.LAW呢`初中呢三年都係佢教IH同埋LS:P

其實三年之間唔多唔少都習慣晒佢呢種好「平靜」既教法:)

身邊啲人個個都話悶-___-其實都真係冇咩野囉對我黎講:O

反正佢講完我基本上都明既，唔明先再問佢聽中文解釋囉:P

不過有時面對住成個課室死氣沈沈咁都真係冇晒對策@@

記得有次我去教員室搵佢，佢聽到把聲即刻問係咪JUSTIN:O

我問佢點解你會認得把聲既(?) 「聽左三年都唔認得咩XD.」

三年絕對唔係一段短既時間:D每日見到MS.LAW果陣時，

佢永遠都係咁好笑容同咁NICE:)但就係咁樣成日比啲學生蝦，

有次CME開會佢罰左啲學生留堂，點知好多個都冇黎到，

原來係要去DT ROOM練果啲咩PRACTICAL EXAM...

最大既問題係佢地連通知聲都冇囉好冇...究竟有冇尊重過:$

或者MS.LAW真係太...仁慈喇LOL有時都覺得佢好慘><

唔知點解我覺得黎緊都同MS.LAW結下「不解之緣」LOL

數學堂永遠都只係得MS.LEE一個人係度講野搞笑-__-

而我地就好似佢咁講，唔答問題冇反應淨係識得係位笑...

不過最鍾意既就係聽佢講M1/M2同埋佢既語氣神態:P

IF YOU DUN LOVE MATHS, DONT CHOOSE M1/M2.

OTHERWISE, YOU WILL WANT TO DIE X_____X

仲有一次佢係我地課室係咁比蚊咬，成堂係咁整隻腳，

最後仲忍唔住返教員室攞白花油黎搽，結果我地暗中偷笑:O

有時候其實我都幾怕佢，因為淨係睇樣既話佢都幾兇囉/O\

嘿所以成年都好似問過佢一次野咁大把，好難得架喇haha.

至於佢其餘係咁托眼鏡啊、上堂果堆咁令人懷念既金句啊，

我全部都記得好清楚，話晒都飾演過XD.ARE YOU CLEAR(?)

其實我鍾意上佢既數學堂，對比起上果兩年完全係兩碼子既事。

每堂都係講完啲理論之後就不停COPY THE QUESTIONS:P

最搞笑就係上左佢成年堂，但好多時都仲係佢教完條數之後，

小弟仲好努力咁整齊地抄緊題目-V-"計數都可以不修邊幅XD.

每次既QUIZ都係SIX PAGES WITH INSUFFICIENT TIME..

雖然都好似未炒過既，但每次都係做緊邊緣人高啲既一份子^3^

呢個老師講野既速度永遠都好似機關槍咁樣，唔洗透氣同飲水...

其實真係好佩服佢架，因為好鍾意佢呢種教法，真係爽死`!!

只可惜下年唔係佢教，想當年為左佢係度煩緊簡唔簡M2好*V*

經過結業禮果日之後發現佢其實都係個可以玩得好癲既老師黎:D

英文MS.IP`最初開學頭果日聽到係佢講真係好驚訝同好開心:P

我真係點諗都諗唔到繼中一之後佢會再次教番我地呢班學生^0^

但有時候我會覺得佢既教法同中一既似乎都有唔少出入囉嘿嘿:)

起碼以前每堂英文堂都係嘻嘻哈哈咁過，成班同學笑到癲晒:O

但係今年比如教緊TSA既野無疑全班都好想大教訓咁囉:S

突然之間好懷念中一果陣時上英文堂個氣氛係幾咁熱烈...

或者因為果陣時仲有JACKY`DEXTER佢地會出聲啦:(

所以計我話呢同佢地同班都未嘗唔係一件好事黎架@@

當然，佢果種三秒要你答問題既模式真係令到我地叫好A__A

反應慢少少都真係接唔住架囉:S有時成班人企晒係度好壯觀B-)

點樣都好，上英文堂應該都係最開心既一件事黎架喇haha.

有次大力STANLEY會聽錯MS.IP叫佢個名企左係身。

有次MS.IP問緊我地關於RHYME既問題啦-V-"

BRIAN聽到以為叫佢啦，就傻奸奸咁企左起身答問題XD.

好多時呢啲位成班就會大笑到收唔到聲咁，包括MISS IP:P

佢既果啲神態同語氣又係好深刻，估唔到RICKY都扮得幾似*O*

其實我真係好信任呢個老師，好關心學生，亦都好鍚我地:$

有次我搞唔店啲PRACTICE PAPER咁樣問佢點算好......

佢真係係果個小息入面將每種題型應該點樣處理慢慢同我講:O

有次簡科既野諗唔通，打電話比佢約時間傾，又係一口應承左:O

上年STORY WRITING果個比賽又係私底下搵佢再比啲意見，

結果你就願意花左好幾個LUNCHTIME同我地一齊練習:$

最多謝你既就係呢年PUBLIC SPEAKING幫左我好多...

同樣既問題你不厭其煩咁樣由中一同我改到中三喇，哈哈haha.

最終可以有個咁好既成績唔只我一個人既努力，仲有MS.IP你:)

希望黎緊仲會有機會成班人一齊GATHERING，一齊笑一齊玩。

諗番起上年EX-1A果個聖誕PARTY真係好開心同埋好難忘><

最後輪到不得不提既班主任MS.LAU喇哈哈XD.有乜講好呢(?).

成年都聽到好多同學重覆咁樣講一句說話：中文堂好悶啊！

我同樣唔否認，因為我都覺三年之中呢年既中文堂過得平淡啲。

但係有樣野不得不承認既就係MS.LAU教中文係好有料`!!

無時無刻都可以拋句古詩出黎咁樣，同埋解其他野都好清楚:O

清楚得黎當然帶啲長氣既味道啦LOL有時啲野重覆講左好多次:P

其實MS.LAU好多時仲可以將好多野同中文扯上微妙關係A__A

所以除左做聆聽或者寫實用文之外，我都可以提起精神上堂:)

有時又會有人覺得佢好似用類似暗串既方式講野不太討好啦...

但我某程度上都覺得老師同學生用呢種溝通方法都唔錯丫:$

諗番起佢既係我地既班主任，又係我地既中文老師黎既，

但偏偏每次佢既堂我地都係零反應咁樣，其實都好唔比面XD.

不過有樣野我深信既就係3B既團結同班會絕對冇令佢失望。

佢睇得出我地大家都付出左好多時間落唔同既比賽、派對-V-

當然唔少得就係我地為佢準備既「神秀卡」既記念品啊^0^

好多時佢既一句「多謝你地啊，辛苦晒喇」都會令到我好窩心:$

因為好多時做完一樣野而得到身邊既人認同係好難得既一件事:P

自問我覺得MS.LAU係一個好NICE同埋比到好多野你既老師。

成日都會分享同個女既趣事，或者帶佢番黎參加我地既PARTY:O

記得果陣時又係煩緊簡科野，又係MS.LAU你起左啟蒙作用LOL

你會強調我要好好衡量，私底下幫我問其他老師既意見點樣，

亦教識我樣好重要既野，重新令一班新同學更團結更具挑戰性，

始終都要比自己機會適應新既環境，朋友唔會陪足自己成世。

似乎我都好似長氣左好多哈哈XD.繼續喇唔理，啲顏色好令:$

多謝你地！呢年唔只令我留下深刻回憶，仲從中幫左我好多:D

衷心希望黎緊即使唔會教我，但依然保持住亦師亦有既關係B-)