尋晚打完BLOG之後就見唔眼訓啦，

於是就睇番《公主嫁到》啦，唔知係咪笑得勁過頭，

可憐GE我再次訓唔著，但話時話啲對白好抵死，

幾乎句句押韻，字字鏗鏘，編劇真係好耶！

今日就係九月一日，抖左兩個幾月都係時候開工啦，

返到學校，見番啲好耐冇見老師、同學，好開心喔！

終於集隊啦，係一個炎熱GE太陽下暴曬，

等升旗典禮開始，都真係好辛苦……

突然之間，我感覺到身體外有種東西係道流動，

根據RAYMOND所講，果啲就係「汗」啦！

啲汗由髮尾開始流，經過背脊，流到落腳指尾……

一輪「耐力比試」完左之後，終於可以上班房，

奈何今年個班房係三樓，真係都幾攞命架……

先講「小弟」今年位班主任先啦，

佢就唔係好瘦，成日唔記得野，要我地提先記起，

同埋做野效率好一般。總括黎講：

同上年GE葉老師簡直係天壤之別。

至於好定唔好，就真係好主觀，不予置評啦！

今日除左比左啲通告我地之外，仲檢查我地儀容同選左班長。

呢兩個幾鐘上課日真係好悶，完全冇笑點……唉！

不過好彩，英文如願以賞係Miss Leung教，

數學慶幸就唔係鍾太，而係Mr. Cheung，

就連綜合人民科都係Miss Law喔。上天總算對我不薄。

返學之後就落左1A課室同葉老師傾左陣計，

之後就去左太古FOOD COURT食野，好味。 

返到屋企就打左陣Winning，

跟住隻手仲係有啲「痕」，所以就破戒彈琴，

哈哈！仲話兩個禮拜唔接觸個琴……