六月廿八日，係列為上學日ge一個星期一，

可以六點五十分起身，已經係一件好難得ge事黎啦！

其實呢一日就係有Home Period，有個講座聽同有個演講比賽，

先講今日ge班務時段，班主任Miss Ip派左一大堆野資料比我地核對，

再宣佈左：1A係全校最有愛心班別；1A係中文字典應用比賽冠軍；

最重要ge就係：「一甲班係中一級最佳班會」。

同時間，班會餘額有千幾蚊，太悉理財啦，哈哈！

至於全校最有愛心班別個獎項就係港幣四百元正，哇哈哈！

過左一陣，就去左禮堂聽講座，主題就係「愛情解碼」，

內容不詳，冇咩特別，跳過唔講啦！

完左個講座之後，就有個演講比賽，我地班ge主席──曹同學打頭陣，亦都先拔頭籌；

後黎陳同學Rita再下一城，分別將中一級ge冠軍同亞軍寶座摘下，為班爭先。

至於其他啲參賽者就不予置評，有啲真係唔多明點解有獎攞……

離開禮堂前，就有件小意外，係咩？唔講！嘻嘻！

最後，就返番1A課室開會，講番BBQ同啲感謝卡果啲事項。

講完之後，把聲再次沙左小小，好彩Jasmine有喉糖姐，多謝哂！

正當Ronnie，Samson，Michael同我要去太古食野果陣，竟然越落越大雨。

係西灣河行去太古果一段路，基本上係全身濕哂，真係好野，有傘＝冇傘！

過左一陣，終於去到吉野家啦，原本我唸住食海苔「沽」飯，

但係唔知點解最後叫左個牛肉飯……再加上喉嚨痛，冇胃口。

食完野之後，就同Ronnie去左西灣河同校隊練波，

出乎意料地，今日黎左個新教練，睇落都唔算Cool啦，

佢仲話下次帶啲繩黎同我地操體能。雖然今日主要係打波，但係已經體力透支。

今日呢兩場世界杯真係冇咩吸引到我，

都係留番啲精神，睇下後日朝早（聽晚凌晨）果場「雙牙大戰」，由西班牙對葡萄牙。

哇！真係經典啦，熱切期待呢場比賽。

選自：http://hk.myblog.yahoo.com/yatcheung_1997/article?mid=4322