五月十七日，中文堂ge時候，Ricky又慣性咁樣發出一D “Zip Zip”聲，

黃老師終於忍唔住，就話：「再Zip就扣十分平時分。」

結果，課室終於寧靜左好多，簡直耳根清靜，真係好笑啦！

去到下午果個Home period時段果陣時，E同學由於犯下彌天大罪，

下場當然係比Miss Ip勁鬧啦！話說，E同學招黎殺身之禍ge原因係因為：

佢ge「中文文筆」同「作詩技巧」實在太好啦，其餘不詳。

唯有值得一提ge係，老師問E同學野時，E同學硬係好細聲咁，哄去Miss Ip耳邊講野，

最後，Miss Ip係笑住黎鬧E同學，真係笑鬼死我地呀！

我從來都冇見過老師係笑住黎鬧人ga…嘻嘻，真係畢生難忘喔。

五月十八日，上英文堂ge時候，有一個阿Sir黎監堂，

Miss Ip顯得有D唔自在，當然我地ge感覺都怪怪地。

因為呢一堂Miss Ip真係take it serious（唔代表平時都唔係），

搞到我地平時上英文堂開心ge氣氛都唔知去左邊呀！

上P.E.堂果陣時，再一次要我地跳Folk Dance，

但係今次跳果隻舞名就真係冇印象！但係，係我記憶當中，呢種舞步係雖然好多運動量，

講真果句，跳左幾分鐘我地已經成頭大汗。落堂之前，阿sir終於教我地打手球啦！

由於我長期係猛烈ge陽光下暴曬，我幾乎由Solid變成Liquid，再化埋做Gas添呀。

五月十九日，唔多幸運ge一日，

返學果陣時都幾好天，隱約都見到少少曙光。

英文堂就進行左一個Phonetic Symbols Quiz，冇咩特別感覺，

而自己對呢一次小測ge成績都唔多緊張，始終我都有少少信心。

去到設計與科技堂，值得「表揚」ge就係，我終於做左個model啦，

同一堂地再跟手搞掂埋個cup saucer，真係開心到不得了！

飯後ge音樂堂，就開始睇High School Musical One啦，冇咩特別。

放左學之後，由於我晏少少要出北角，於是就留左係學校溫左陣書。

點知，天有不測之風雲，原本大放晴光ge天空變得灰矇矇咁，唉！

離開學校果陣時，仲要落大雨添，唔通連個天都唔鍾意我？哈哈！

等車果陣時，我條褲仲要比架行過ge死人的士整濕左，真係撞鬼！

終於到達北角啦，但係呢個時候，我已經發現自己變成左一個「水人」啦，成身濕哂！

五月二十日，冇咩特別野發生ge一日，

放學前ge一堂中文堂，就進行左一個說話考試。

老師比五分鐘時間我地即場預備一個指定題目，再用一分鐘去講。

我真係唔明白，點解每次我企係同學前面講野，永遠都係越講越快同緊張。

不過值得高興ge係我講果個題目都唔難講，就係「談談課外活動的好處」啦！

至於前一日做ge小測成績唔算差，都過到自己，差唔多有九十分到。

放學時間過左之後，留左係學校一陣，再行去港島東球場，

終於有得打羽毛球啦。誇張啲講句，我同羽毛球闊別左兩個禮拜，嘻嘻！

五月廿一日，係佛誕，我如常放假ge慣例，

就係先做功課，後打機，哈哈！咁就過左一日lu……

選自http://hk.myblog.yahoo.com/yatcheung_1997/article?mid=4175