十月二日，可以話係忙到叫救命既一日。

晏咒係屋企食完lunch之後，就上左去SARA屋企。

之後PHOEBE、RAYMOND同CRYSTAL先後黎到，

咁樣我地三個屬於TOPAZ既人當然仍然嘗試去說服SARA啦，

結果其實都係如我地所料，最後都係專心一注咁練唱歌啦！

最後加加埋埋，都係唱得五、六次炸，不過開始愈黎愈大聲。

另外，我地終於簡好左英文Storytelling Project點分組啦，

唉！都唔知點樣同RICKY講好，真係好鬼死煩喔……

搞到四點幾到，我地就出左去啦。

最後其實仲可以跳跳紮既SARA就同CRYSTAL去左食野，

奈何我地就去左小西灣運動場道練跑……so sad`

去到運動場，都已經五點鐘啦，我同RAYMOND係側邊做緊熱身，

PHOEBE已經唔知同佢爸爸同埋阿妹跑左去邊-.-

之後我就同RAYMOND加埋MICHAEL慢跑左四百米，

跟住果三次一百米都輸左比MICHAEL，屈居第二。

至於果三次六十米，有兩次都贏晒，輸左一場，呵呵！

點知我一贏左兩場六十米，就比人話我痴線囉，好可憐。

唉！點解中學生冇跑六十米既賽事喔？實在太慘啦。

唉！一百米點都係唔係佢地跑架啦，最多都係屈F.1機，加油。

話說跑完之後，隻腳再一次酸痛，有個感覺就係「好似拉傷條筋」。

最後六點幾就走左啦，再一次落左婆婆屋企食飯，好開心喔！

阿妹今日都係道，連續兩日見到佢啦，宜家已經好熟啦，好耶！

我覺得宜家隻眼乾到冇咩intention去望野，都係訓教吧啦，哈哈！