好啦，我決定打埋呢篇短野先至去訓。

至於星期六去澳門同埋23號1A派對果兩篇留番聽日啦=)

十二月廿日，班主任時間就用黎講全方位學習啲野，

地點係嘉道理農場──冇咩特別感覺，始終我都未去過；

文化博物館──撞佢個鬼，上年先至去完，今年又去，睇咩？

而呢次既賣點就係由東瀛遊帶我地去，有信心既保証xD

但唔好既就係我地竟然要著社衫去，送你一隻烏鴉．．．．．．

用左十五分鐘講呢樣之後，就無啦啦叫我地講下PARTY啲野，

咁我同RICKY都係講到有咁行得咁行囉，保持神秘嘛！

十二月廿一日，2010年最後一個工作天，亦係假期開始前夕。

呢兩日唔知做乜野遲左十五分鐘起身，個靈魂好明顯係放緊假。

I.H.堂果陣時Miss Law同我地溫書啦，做左個REVISION，

奈何發現自己對於MONSOON`EARTHQUAKE都好陌生……

我決定要係短時間內再次係資源回收箱搵番出黎至得-v-

P.E.堂就比我地打排球，好耶，期待而久既一日。

話說我地2A對2D，贏二輸一，HENRY打波真係好強，佩服佩服。

放左學就去左羽毛球場，話說我都差唔多大半個月冇攞過塊拍-v-

雖然啲手感同之前差好遠，但戰績都仲可以接受架！

兩場單打對MICHAEL哥輸晒；對鄭心怡竟然比佢KO左；

同盧諾晞打就一勝一負；同林少鋒果場都贏埋，嘻嘻！

而我呢日就同SAI龍打左兩次，第一場贏佢21:17，

佢唔服氣，話要報仇。點知第二場仲慘，比我大炒11:3，哇哈哈。

夜晚就去左做冬，阿妹呢日都冇咩點扭計，算係幾乖。

一點半有多啦，已經係平安夜既十二月廿四日啦，真係好期待呢！

屋企四周圍都掛晒啲裝飾，好令喔！

最後，都係時候訓啦！各位，MERRY CHRISTMAS喔。