我真係嚴重覺得啲PROJECTS係做唔完，
雖然開左學冇幾耐就講IH果個，
但係之後仲有中文、音樂、英文隔住左，
搞到宜家個工作進度非常慢，做得60%都冇，真係可憐。
三月一日對我黎講可以話係好重要既一日。
行緊返屋企果陣時撞到CRYSTAL，佢問我點解唔鍾意RITA，
又問咁我係咪鍾意SARA，隨即又話佢既脾氣唔好。
我個腦突然有幾秒空白左，我問自己：你鍾意果個係咪真係佢？
你係咪真係能夠包容佢果啲脾氣？佢既性格？
我徹徹底底咁諗完之後，對佢既感覺仍然一樣。
返到屋企上左MSN後，SARA好快速咁問我鍾意邊個，
全因自己之前應承左佢呢日一定要同佢講……
坦白講，我唔知我有冇做錯！始終講佢知我鍾意佢都係件好事，
起碼算係比自己同佢既一個機會，而唔講就肯定咩機會都冇，
況且下年我地兩個未必再同班，我同自己講一定要好好珍惜宜家。
唔知乜野原因，今次我好直接咁表白，但係唔算好緊張！
而預料之內既就係佢亦都好直接、唔拖泥帶水咁拒絕左我，
叫我將呢啲機會留番比第二個。唉！我心裏唔多唔少都唔太好受……
往往都係希望愈大，失望愈大。不過唔緊要，往後仲有時間，我係唔會咁易放棄既。
我相信只要我戒掉所有既壞習慣，包括性格，總有一日可以感動到SARA！
我呢啲機會只係留比啲我真心愛既人，而呢個人就係SARA。
之後佢知道我原來係大半年開始鍾意佢，嚇傻左佢，佢話估唔到咁耐。
三月九日係中文專題報告匯報既大日子，
為左做到最好，我地錄製果啲影片都花左唔少時間喔！
話說呢日返學同MISS IP加利天恩同一架小巴。
落左車之後當然要同佢打個招呼啦，以示友好嘛，哇哈哈。
點知佢就同利天恩話啦：如果JUSTIN唔叫我，你都唔叫我架啦？
利天恩諗左一陣冇野好講，就話：因為我好驚你囉。
佢呢一句無無謂謂既說話淨係換黎MISS IP既一句CHE。
跟住我地三個過馬路，佢就話我地兩隻野唔洗睇下有冇車o架？
我好順口咁樣答左佢：因為我地知道你會幫我地睇埋嘛……
MISS IP冷笑左之後就好搞笑咁樣講左句豈有此理，笑鬼死我！
中文堂匯報果陣時，DEXTER終於識得咩叫做精簡啦；
而VANNESS果組既EDMOND就扮演成導遊珍，好生動囉；
至於做離島區果組就將CHEN PO張相放落投影片道，笑鬼死xdd
點知阿JACK果組就冇咩默契，又唔夠認真，真係唔太妥當。
奈何佢地匯報果陣時都有一個問題，就係啲影片冇聲！
經過幾組精彩既演繹之後，終於輪到我地六個啦，哇哈哈。
原本其實諗住放棄唔要聲響既，不過PHOEBE就周圍睇，
發現條兩條線所插既位置交換左……實在太好啦，簡直係救世主！
話說我地起初都冇問題既，不過去到尾段因為RAYMOND禁到個制，
搞到成段短片都停左，而我就好自然咁樣斜視左佢一陣-V-
最後就要背番晒啲台詞出黎，而且仲SKIP左一段模擬訪問錄音……
雖然係美中不足，但其餘既部分都基本上彌補番呢個少少既瑕疵=)
短短十分鐘匯報完結左之後，陳老師就比左少少評語我地，
首先讚揚我地六個既默契好好。咁就當然啦，話晒都係生於1A班xdd
跟住話我地好認真，放左好多心機同練左好多次，其實我想講係練左兩次……
最後就話我地訪問完結之後應該加番段小結，奈何時間有限呢~
最諷刺既就係楊同學竟然話我地文化意義唔夠，實在有點兒那個。
至於KARINA果組節目開始個GAG真係好正，個引子寫得好好=)
其餘果兩組個簡報都整得唔錯，雖然好似細聲左少少xdd
宜家既I.S.堂終於好玩啲，可能CHEMISTRY對我黎講先係最正掛，
睇住啲CHEMICAL溝黎溝去咁樣，一瞬間就變左色-V- 真係好神奇。
而之前講果啲既FORCE就真係……唉！雖然支水火箭真係好正-V-
呢日只要有空擋既時間我就同RICKY去練下首四手聯彈，
果首TEA FOR TWO真係超級好聽啊！
話說今日係第一日開始夾，但我地兩個已經幾純熟同埋流暢，
但係我始終好驚到時係CULTURAL DAY表演會拖累RICKY，唉！
至於呢日既數學堂同I.H.堂不停同CHRISTINE傾計，
雖然好似MISS左好多野咁樣，不過實在太開心啦！
尤其是係講緊我同SARA好襯啊！詳情請睇番呢日既MSN對話。
話說呢日I.H.堂完左之後，JOJO又即刻走入黎話陳奕迅係學校對面拍廣告。
唔洗半分鐘，大半班既2A同學一窩蜂咁樣衝左入去D.T. ROOM追星，
MR. TING就好搞笑咁樣話：入場費每人五蚊呀吓！點知冇人應佢……
原來背著我地既EASON係拍果粒橙既廣告，係度講緊電話xdd
三月十一日，除左係學校教師發展日之外，
仲係日本大地震引發海嘯既一日，呢日望住個電視真係好恐怖。
自己諗番起，其實身處係香港既我真係好幸福，
起碼唔洗終日為天災擔驚受怕。呢次的災難又牽起新一輪世界末日既話題，
睇左一篇又一篇關於末日既報導之後真係打晒冷震，
其實同死亡之間既距離只不過係近在眼前，果陣時個心真係好驚，
出生到宜家，仲係有好多野未做過、未試過，唔想咁快死……
不過學其他人咁樣講，要末日都阻止唔到，唯有珍惜宜家所過既每一秒。
呢日夜晚舅父佢地早左黎，出奇地打廣東牌，而我只能夠坐埋一邊學野-V-
最後當然就係成兩點鐘先至訓啦，不過冇所謂，反正第二日係假期=)
三月十三日，早幾日好多人都去左睇黑天鵝，個個都話好恐怖，
有啲仲要係驚到睇睇下走左；有啲就不停就地取材遮住隻眼。
呢日朝早我地三個人就去睇早場，見識一下……
睇左差唔多兩個鐘，總括左以下既野：
一、呢套戲嚴格黎講只不過係套劇情片，只不過有恐怖既氣氛
二、有三個位就嚇到彈開既，除左個女主角幻想自己擲左手指塊皮……
仲有就係個鏡頭有轉就影到啲人彈出黎，個效果幾正
三、成套戲個編排都唔錯，個題材對我黎講幾特別，唯獨好似多左少少三級-v-
|
