唔知點解呢股動力係推動我去打QZ，而唔係溫書……

話說尋日某老師堂都未開始上，就已經貼錯門神咁樣-v-

理所當然，佢最後係花左差唔多廿五分鐘去鬧人，

最恐怖就係佢鬧人果陣啲眼神仲要望住坐係後排既我地，

其實呢啲殺死人既眼神真係會令到我地覺得佢諗緊：仲有邊個可以比我鬧？

一場大屠殺，成個班房靜到連風吹起塊樹葉都聽到，變左個死城咁樣……

呢場大屠殺，更加若黎我地既閒言閒語，可以稱得上完全激起民憤，

另外發警告信一事，「佢」既罪行的確不至於接受呢個懲罰，冇錯真係有少少無理，

果刻我地好多人都好憎佢，個心鬧同咒到佢痴線，剎那間連果少少既歡迎程度都冇埋。

但係其實冷靜完之後，似乎大家都好似有做錯事……

以下內容唔係要為佢平反，而係希望可以做到所謂「多方面批評」件事。

佢雖然鬧到個天花板都要塌落黎，但係其實佢鬧既每句說話都係冇錯：

態度同做功課唔認真同粗心大意絕對正確，字體潦草、個字寫漏堆字母……

學習進度唔好都可以叫做正確，成績明顯地係退步左，被動、心散……

只不過佢鬧學生係應該既，但句句鬧得咁狠就有少少過分！

佢鬧同學果陣時稱得上字字鏗鏘，甚至講左啲有機會令對方失去自尊既說話，

這啲說話其實真係唔應該係一個所謂GENERAL GUIDANCE既老師口中講出黎，

情緒化既佢真係好影響我地，完全想像唔到佢係未年果一秒係笑，定係黑面，

最嚴重既就係我地應該點樣對佢……黑面同成日鬧死人既佢的確討人厭，

但係佢有時都幾好丫，間唔中都會笑到合唔埋口，咁果陣我地係咪要唔憎佢？

無可否認，佢始終稱得上學校比較TOP少少既老師……佢既教學經驗絕對唔會少，

坦白講佢教得我地呢班ELECT CLASS，會唔會係為我地好先咁高要求？

點樣都好，呢次5.25 DISASTER的確引起好多問題，最初發洩下都好正常，

但我始終覺得，發洩都唔可以太過火！希望件事可以係呢八日慢慢丟淡。

呢個學期都差唔多結束，話就話回憶有份開心同唔開心，

但試問有邊個想因為呢件事而影響左呢個F.2既ENDING呢？