哈哈終於騰空到個時間黎打番篇QOOZA，

呢個禮拜只可以講係忙到透唔到氣@@

除左連電腦用少左之外，連訓教時間都夜左好多><

話說呢個星期最早訓果日已經係十二點，唉._.

原來中學生係永遠都唔會有充足既睡眠X_X

但係其實時間真係過得好快，話咁快就十一月-v-

不知不覺中三既日子已經過左兩個多月，

但無奈地個上堂氣氛真係唔識點樣形容至好，

讀書咁耐未試過有年係可以靜到咁樣><

結果星期三MISS IP最終忍唔住鬧左足足15分鐘……

當然鬧完既成計就係隨後既英文堂都活躍左啲咁:P

我真係好期待每個任科老師都好似佢咁鬧我地^0^

星期二個DEBATING WORKSHOP就還過得去啦，

係精神極度不振既情況下仲聽到個NET講野已經好好！

岩岩果個星期一亦都重新調左位，其實都幾滿意:D

隔離位係個ALL ROUNDERS - PHOEBE X_X

有時同PHOEBE坐會好自卑哈哈，望住佢啲試卷……

不過好處就係唔明可以問佢*V* 同埋可以隨時隨地傾班會野:)

但有時佢上堂個樣好認真-v- 好似掛左塊「請勿打擾」既牌咁:O

我要強調係有時架炸，間唔中見佢會係度畫公仔-___-

仲會為左隻獨眼霹靂，同報紙上臉形好似扭曲左既相而笑LOL

講起班會，最近為左劉老師生日、壁報同聖誕籌備緊，

希望到時可以順利進行，最重要既都係希望可以拉近大家關係:D

好嚕去番正題就係派卷喇:) 中史卷歷黎最低，冇野好講><

我終於明白我係有必要將佢講出黎既MODAL ANSWER背晒，

跟住再要一字不漏咁樣係份卷道寫番出黎@@

當然背番果啲史事同埋政策都係同樣咁重要-___-

英文卷就由PY黎同我地對，終於見識到佢鬧人係惡成點:S

好高興今次表現幾好^0^ 希望黎緊果三次都可以係咁:P

至於PHYSICS亦都係比預期中高，都算係咁啦-v-

MC真係誤打誤撞錯得一題，重災區竟然係填充><

我真係發現我永遠都係錯啲唔COMMON既野-0-

GEOG其實比預期低左少少，最衰都係冇咩點溫地圖……

仲有就係果啲MC答到唔知想點/_\ 真係死得好慘烈！

LS亦都係同預期差啲啦，果然係科好主觀既東西-___-

你寫完既野明明以為岩，會攞滿分，答得好好，

點知收到份卷喇再望番，你會發現好多都係攞唔足lol 救命！

慶幸EPA變左做王牌，都幫我拉番唔少分，

最開心就係好多長答都滿分:)

上次都講過科科個分都滿意，但絕對唔可以同其他人相提並論，

單單計班上既同學，宜家比唔少人騎住啦，哎喲LOL

下次唔可以再臨急抱佛腳，一定要加油努力往上爬=D