正如我一直所講，吊頸都好應該透下氣既:)
所以趁住呢日既目標基本上達成左打下野啦:D
呢排天氣真係好反常，早排仲兩個星期冇PE-__-
跟住呢晚又唔知發生咩事，好似打緊風咁樣@@
原來我對上果篇已經係成大半個月前既事喇，
話說呢兩個禮拜每日對電腦既時間少左好多啊，
就連平時日日長開MSN搵人傾計既習慣都冇埋X_X
有時間唔係食飯睇電視就係溫書，溫完又要訓教:O
雖然每日都係對住啲書，但係日日咁樣溫其實好充實`!!
但有樣野我依然控制唔到就係睇親書就會好眼訓._.
所以身邊永遠都要有啲能夠補充ENERY既東西XD.
當然啦-___- 都唔知自己連續幾多日係訓得五個鐘:P
另一個現象都好得意，每日返到學校既時候，
LUNCHTIME或者RECESS或者放學都好啦，
身邊既每個人都係度談論緊下年簡科既野囉，氣氛不錯啊^0^
仲有就係大家都圍埋一齊咁樣爭中四既教科書黎睇haha:D
黎緊下個禮拜就正式開始考試喇，我呢次一定要努力，
我同自己講係邊度跌低就要邊度企番起身，永遠都唔可以放棄！
呢個期考我一定會盡自己100%既能力將失去左既攞番黎B-)
講番半個月前既野啦，其實我都唔肯定自己記得幾多喇XD.
容許我好冇條理好散亂咁樣將我想講既野打晒出黎啦X__X
上篇都講到MISS LAU用神秀卡比我地自己簡位坐啦，
結果呢DAVID同CRYSTAL坐隔離，前面仲有RICKY`
後面就有FION`SARA`MAN，側邊仲有JASMINE佢地幾個XD.
坦白講身邊係呢班人-V-真係唔洗擔心悶果陣時冇人同你傾計-V-
點樣都好啦，都希望自己中三呢年既學期尾有個好既回憶啦:P
果個星期仲睇番晒我地全班果幾組拍出黎既DRAMAS添囉:D
呵呵，自問我覺得我地果組認真不錯，配樂演技剪接都幾好^0^
當然其他組都有好多笑位囉XD. 真係好開心`好好笑啊:P
好啦跟住果幾份TEST PAPER都不值得一提啦hahahaha-V-
話說呢年我都終於嘗試自己第一次.........係堂上面訓教喇:S
電腦堂訓教都唔係好過分姐-V-記得果日孖堂有細半班都訓左:O
五月十日返左學之後成個羽毛球隊都全隊戒備咁樣-____-
因為港青代表隊黎同我地學校有個活動X_____X
跟住我同盧諾晞都有同佢地猜波@@好囉完全係另一回事:O
雖然只係猜波，但其實所消耗既體力都唔少野-W-
不過點樣都好啦，但係累積經驗啦，下年學界要再努力^0^
母親節前一日先至覺得自己相隔咁多年應該有些少表示-V-
結果呢就買左張幾令既卡，果晚先至正式開工嚕嘻嘻XD.
為左省番些少時間我就決定係電腦打啲字出黎咁啦，
講左啲平時好少講，又或者收埋左好耐既野比佢聽:$
最後再好倉猝咁樣畫好左個信封......冇美觀感可言XD.
第二朝早，亦即係母親節果日啦，個節目豐富到呢-V-
完全好難想像我果日做左何其多既活動啊嘿嘿:P
話說我出門口之前將張卡放左落媽咪個手袋到，當係驚喜啦LOL
係杏花村等埋JASMINE之後就一齊搭地鐵去左調景嶺:P
再同CARMEN`CK佢地打左差唔多兩個鐘羽毛球，
其實都幾多汗啊，不過打羽毛球的確係件好開心既事:)
跟住同CARMEN`JASMINE買左野飲同行左陣咁樣啦:D
最後大家就分道揚鑣嚕，因為約左姑媽佢地飲茶:P
飲完成班人仲去左香港公園，同我個表外甥行下咁啦-V-
我都唔知上次去係幾時既事嚕嘻嘻...記得小學有年去寫生XD.
之後好似又有一年去左果度啲溫室睇植物+__+冇啲新意LOL
唔只添啊，呢日仲去左新立法會大樓道參觀，睇下入面咩樣，
其實冇咩特別-V-最特別就係王國興寫完既大字仲係會議廳XD.
夜晚雖然只係好平常咁樣係銅鑼灣間大家樂食牛MORE王，
但我好珍惜果段時間，一家人係埋一齊，無論去邊都係好開心:$
我都知有些少過分，食左大家樂仲去左附近果間聰嫂食甜品啊:P
哇哇哇呢間聰嫂真係太好味喇，特別係個蜜瓜西米露啊XD.
遲啲啦，我一定要再ENCORE-V-但一定要八點前入座-V-
返到屋企之後終於有時間開左套《作死不離三兄弟》睇，
對上一次睇印度出品既電影應該係一百萬零一夜果陣時@@
呵呵呢套都好多笑點，雖然唔係睇足全套但起碼明講咩:P
但最後個情節真係好意想不到架囉，遲啲有時間睇多次先XD.
呢幾日上堂個氣氛都係同學期初冇咩分別咁樣啦-V-
正確黎講應該係成年都冇咩點樣變過，真係好遺憾:O
最重要就係錯過左咁多堂由好既中英數老師授教......
我好想知MS.LAU`MS.IP同MS.LEE係咪好憎我地(?)
呢排MISS LEE有時間都會講下簡教既野咁啦@@
雖然我仲係未簡定，但係唔多唔少比佢大親囉哈哈XD.
今日堂英文堂都好開心添啊，真係好多笑料^0^
好囉都未試過聽到3B班既課室傳黎咁嘈既笑聲-V-
放左學之後成班同學連埋MISS LAU仲係課室影左張相，
嘩真係唔講得笑，睇番張相會覺得好似好大班人咁樣XD.
嘻嘻呢張大合照真係影得好令好令，係咪3B最好既回憶(?)
順帶一提啦哈哈，尋日學完琴之後去左醫院探下表嫂啦XD.
但係好瘋狂地我係由城市花園行到去鰂魚涌先搭車去東區-V-
呢個月開始多左個病態-V-或者好聽啲講叫係一個另類習慣啦...
我唔知點解變到鍾意慢無目的咁樣行路囉，真係好古怪X___X
但每次有風吹到埋黎就會覺得好舒服，成個人鬆晒咁樣@@
唔知會唔會係因為我行得好慢，同平時既生活節奏完全唔同啦XD.
所以我終於發現其實有時候我都好享受呢種生活架hahaha;p
去到醫院呢終於見到個B女喇呵呵，出左世兩日咁大把XD.
呢個妹妹呢如果冇錯既應該叫我做表叔-V-好高輩份-U-
不過個樣好似佢爸爸，我仲抱左佢一陣添啊，可愛死啊`!!!!
好啦打住咁多先啦-____-遲啲有時間先至繼續XD.晚安喇`!!
黎緊一連兩個禮拜既FINAL EXAM一定要生生性性同加油:)
|
