陸運會過後一定可以放假比自己休息下既，太好喇:D

尋晚十二點幾就訓左喇，因為真係好眼訓囉hahaha.

但估唔到自己竟然會曬到塊面同隻手紅晒囉，咩料:O

七點半去到運動場幫手SET場執頭執尾咁樣啦-V-"

坦白講經過今日之後啲幹事之間好似熟絡左咁囉嘿嘿:D

第四年參加陸運會其實都已經冇咩特別感覺架喇-___-

但有樣野避免唔到既就係...心情依舊係緊張到訓唔著@@

話說果朝係運動場撞到數學MS.LEE，佢同我講左句...

咁緊張做咩丫，當你參加左十幾年比賽之後就會睇化晒LOL

為左保暖其實我啲長袖SWEATER同長褲都係臨跑前先除，

雖然隻腳係暖但係做多幾下熱身試下跑幾步係爆唔起@@

聽講好似個個都係咁樣囉，可唔可以話我知發生咩事haha.

先係一百米，其實小組得唐景陽勁，話晒上年佢入到決賽-V-

今年固然唔例外啦，佢真係成枝箭咁樣爆過左我囉sosad...

佢就12秒89衝線...我就足足慢佢至少0.3秒-__-唉救命`!!

雖然最後以全部選手第四名晉身決賽，但我真係好驚囉好冇><

原來就算冇左MICHAEL+__+ 仍然有好多跑得之人囉點算:O

不過點樣都好...呢日跑既速度比練跑仲要快:D 希望可以再快啲:)

返到看台都係叫口號啦...同之前唔同既係有時要攞大聲公:P

但好似永遠都只係得我地幹事同埋某部分中一既社員係度叫-W-

今年好似四社看檯啲人都坐得好稀疏..全部做晒OFFICIAL?

放飯果陣時同PHOEBE攞完飯就成棚1A既人咁樣食啦-V-

唔知點解呢回事好似變左個PRACTICE咁，但都幾好丫^0^

成班傻既睇番HENRY影既相同埋傾計，一齊笑就係好癲`!!

晏咒既EVENT先係跳遠，真係咁多個仔第一次參加呢樣...

從來都冇諗過我會參加田賽，但逼於無奈要報三項EVENTS:O

好囉有得跳先...但兩次都係三米多啲咁樣，其實好鬼差haha.

認真跳得又唔夠高，跳起同落地既時間太短，又冇空中漫步-__-

算啦冇FOUL到同埋過到STANDARD應該叫係唔錯架喇-V-

但好鬼煩既就係跳完之後對鞋入面，甚至係襪入面都有沙:S

之後就臨急臨忙衝去200米召集啦，連續兩年跑外圈X__X

其實我真係好鬼驚轉左個彎位之後就不停食人啲塵囉ORZ...

不過坦白講呢次初賽其實果組冇咩勁人啦只可以講既係@@

我最初真係爆到好盡架...慶幸跑完一百米仍然係領先後面啦-V-

但當我跑到剩番四十米果陣時其實已經好軟喇隻腳，根本冇力，

不過身邊既人比我既鼓勵就變得有決心撐埋落去以首名衝線@@

望住眼前塊大電子螢幕，見到個速度係廿七秒四幾其實好激動，

真係估唔到自己可以跑出個人最快紀錄，上次練波明明好慢LOL

跟住就成個人坐左係地下道...因為真係好辛苦同埋隻腳好鬼酸><

但聽到BIO CHAN同埋MS.CHUI都話估唔到我跑得咁快...

跟住好多人都讚我跑得好快既時候其實真係有啲飄飄然:$

就連MATHS MS.LEE都講笑咁樣問我你跑咁快做咩啊-W-?

最終我以全部選手第三名晉身決賽，但同時亦增添左我既壓力:O

唔係要表達咩...只係兩個短跑項目都係得我一個TOPAZ囉*O*

換言之個感覺就好似係全社既人都將所有希望押係我身上囉@@

我唔敢講自己仲有冇得快...我只係知道佢地好多個都比我快X__X

點樣都好啦...同羽毛球一樣要調整好自己既心態到時盡力而為`!!

呢日既重頭戲我諗都係4x400接力啦，其實都睇得好緊張:$

不過TOPAZ長跑真係...差啲...最多都只係攞到第二囉嗚嗚:(

果陣時我企係場邊@@ 遠望住啲跑手心情真係好緊張架`!!

但當見到佢超越到前面社既人就真係興奮到想即刻跑埋出去><

當然重頭戲氣氛永遠係最好既:$ 雖然最初大家都係好「冷靜」，

但唔知點解年年一到接力賽就會全部企晒起身一齊叫口號囉@@

最後MR.HUNG報告番個分-_____- 再次係首日比賽包尾:O

同最高分既綠社...同埋藍社...相差足足有成一百分囉好冇X__X

點都好啦...輸分唔輸勢既表面上LOL 但其實我都幾灰下唉:'(

就算黃社短跑接力有幾好@@ 始終要力挽狂瀾扭轉局勢有難度:(

我真係唔想我們就是皇道呢句SLOGAN真係得講字啊又:$

離開運動場之後我地幾個就行去王欣怡屋企開會啦-V-

好囉我地仲買埋啲雞蛋仔同格仔餅囉，都幾好味啊果間:)

呢日其實都係承接番上星期五傾口供果度啦，好快就諗埋喇:)

但個重點係-____- 啲活動室未BOOK同埋時間又要再變@@

話說MS.LEUNG尋日先至講要加番自由活動時間囉LOL

其實...都幾煩LOL的確比左錢應該享用番果度啲設施-V-

但雖然佢有佢道理，但我地真係冇咩時間剩番，唉真係煩:O

唯有CUT完再CUT啦...宜家變左個濃縮日營咁樣ORZ...

呢年既RECREATIONAL ACT其實都真係好多阻礙X__X

先係OVERNIGHT CAMP搵唔到所謂時間搞唔成@@

再係差啲搵唔到CAMPSITE BOOK...宜家仲要搞過啲時...

最重要就係收少左BOOK活動室既錢要我地自己去補貼><

諗番起原來兩年前既長洲宿營都唔係最痛苦同難過既經歷-__-

算啦目前唯有希望船到橋到自然直@@ 但我真係唔想再係咁:O

哎喲聽日就係陸運會喇，其實都有啲擔心自己個表現:O

不過LONG JUMP純粹去玩，都係100同200米姐:)

我既目標就係兩個EVENTS都要去到決賽，有牌固然好:P

當然TOPAZ一定要加油啊，全場總冠軍真係指日可待`!!

睇黎都係要帶定喉糖架喇@@ 其實我有樣野唔係好明架-V-

點解聽日我仲要比平時返學更加早起身架-__-係咪傻架(?)

嘿話說今日晏咒個班務堂送左一連串野比MRS.LAM:D

雖然有協調上少少出錯，但起碼佢黎到課室我地可以開始唱

MICHAEL JACKSON首YOU ARE NOT ALONE@@

嘿嘿其實我突然之間覺得好WARM囉:$ 好肯唱啊大家都*V*

之後我地仲播左前日拍既果段好多祝福語既VIDEO ^0^

只可惜呢我冇咩點樣留意到，但效果似乎好正囉嘿嘿(Y)

跟住仲送埋NICOLE畫既果張心意卡加每個同學既簽名，

果張心意卡仲痴住左個攤得開既心，寫住一段好有意思既字，

就係利用ECON CONCEPT既機會成本叫佢好好休息:D

臨走之前仲講左句「手術成功」，啊果刻真係好好好感動T_T

望住MRS.LAM其實見到佢好想喊出黎囉@@...真係好感性:$

希望佢真係收到晒我地成班4B既心意，祝佢早日康復XD.

放左學之後去左打學界，原來國際學校都唔係咁易對付-__-

正確啲黎講係冇能力招架同對付@@ 直落三盤輸晒LOL

對唔住有刻其實我真係崩潰，唯有寄望下場做番好啲啦-W-

其實我好唔滿意自己表現，輸比賽唔緊要，輸比自己好緊要:S

見到佢地啲學生猜波都知咩事-O- 根本冇奢望過囉果刻+_+

同一場雙打可以犯晒所有大忌，打高波、用反手、挑波-O-"

雖然開波冇咩失誤，但成場比人控制晒黎打都可以R.I.P....

最近已經不停比人話走動慢，反應已經慢左好多囉好冇X__X

呢日殺波好有問題，唔係落網就係唔夠狠，好似同人按摩咁:O

即使夾番盧諾晞呢場都未必贏，但我真係好憎自己打到咁LOL

我都唔知算唔算係壓力影響到自己表現啦，但始終唔係個藉口...

最後果局單打當係友賽咁打埋去啦，打完簡直係無地自容囉:(

明明應該冇包伏可以放開打，但始終都係發揮得好差囉咩料:@

好簡單咁總結下兩場，比人炒到單位數，同埋輸得好核特-W-

有時候諗番自己打左九年羽毛球但進步得咁鬼死慢真係-___-

都稱唔上進步添喇LOL宜家咁樣練波法真係退步都似啦>_<

黎緊我都唔知點樣搵番果股熱誠番黎，好似跌左落谷底咁X__X

唯有下次盡力而為，將平時自己有既水準打番出黎就問心無愧:)

唉仲有就係嘗試睇開啲啦LOL呢個幾禮拜好好調整心理質素*V*

諗番起上星期係士美飛路打學界啦，贏左真係飄飄然咁樣*O*

但我覺得因為果次既結果令到我自己本身多左份輕敵既態度-__-

不過算啦上次都係因為對手參差我地先至可以贏局數三比一姐:$

諗番起果次都打得幾炆下囉@@ 果班咁既人真係串到喊出黎X__X

就連個帶隊既阿SIR都成日係到指指點點，阿之阿阻咁樣囉:@

總之搞到兩邊都好彊，所以真係好想打爆佢地囉果陣時`!!

結果我場雙打得分就JOR`夏鈞俊果場又係咁樣囉hahaha.

不過算啦都過左去喇-__- 串又串完，贏又贏左:O冇野再諗>_<

我淨係想搵番果場啲殺氣炸，果場我隻眼真係好兇狠囉好冇@@

唔該下次比番啲決心同鬥志我，當然未開波就嚇窒對方就更好:)

好啦打住咁多先啦嘿嘿^0^ 各位晚安喇`!! 我聽日要爆囉嘿嘿(Y)