趁有時間就打多篇啦，好似拖左兩個星期-V-

宜家個感覺就好似將個腦啲片段回帶咁樣囉ORZ...

十月三十日，陸運會決賽日既大日子啦hahaha.

呢日朝早其實唔知雨愈落愈大，啲風勢都係好強勁，

著住件冷衫同長褲咁樣係SET場搞到成身都濕鬼晒@@

重點係果啲旗幟同埋BANNER都吹到唔知想點-____-

結果點完合之後全世界坐係看檯你眼望我眼咁樣X__X

跟住淨係見到係場邊通道啲工作人員同老師走黎走去:O

果刻我係度諗究竟幾時先可以開始...雨幾時先肯細(?)

結果所有賽事足足延遲左兩個鐘先至開始...實在太恐怖-V-

四年黎都未試過落雨運動會，所以呢次變得好難忘LOL

好囉仲要好白痴咁樣見到個大螢幕出左下場係二百米決賽@@

我先知趕得趕命咁樣衝去召集處果邊>_< 好彩有得跑XD.

好囉因為金雞冇黎到，對手變左得NOK LEE同CKT...

決賽終於擺脫跑外圈既命運，終於可以去番第四線喇B-)

不過都冇咩關係啦...過完彎位就比佢地兩個過晒嚕hahaha.

嘿其實企係後面望住佢兩個鬥到你死我活都真係幾爽囉:$

題外話落左微雨咁跑都幾爽，啲雨點呢打晒落塊臉到咁XD.

慶幸自己最後都拋離左後面果四個對手既，以第三名衝線`!!

但話說CKT壓完線果刻就成個人訓低左，都幾...嚴重咁>_<

過左陣仲見到佢係終點線比成班急救既圍住晒，動彈不得咁:O

結果叫埋救護車:O 聽講係佢有啲發燒...跑完就暈左囉X__X

不過點樣都好啦@@ 總算有塊銅牌放落袋先啦-V- 嘿嘿*V*

但或者係落雨關係啦...我地每個人比初賽既速度慢左成秒@@

食完飯之後冇耐就開始跑100米決賽嚕，好擔心-____-

但臨起跑前我地八個圍埋圈一齊講加油突然好WARM:$

好似朝早跑完二百都有同NOK LEE互相握手恭喜咁-V-

唔知點解呢年起跑慢左咁鬼死多...真係虧抵晒囉認真>_<

仍然係落住雨跑-___- 呢次真係輸佢地四個成條街@@

唐景陽`NOK LEE`金雞真係個唔知乜水:( 超失望囉好冇:O

雖然我預左唔會有啲咩牌，但估唔到第四都保唔住囉真係:(

得不償失既係跑完之後發現自己隻右腳其實真係唔舒服:S

個感覺好似係有啲拉傷左...因為真係感覺到成條筋係硬晒@@

最變態既係100米同埋4X100接力係連住落架囉咩事-V-

諗番起都係呢日先至臨時搵腳去跑...我都唔識講喇真係-___-

我同鄭百庭其實都已經係會跑啦，因為都叫有十三秒幾@@

再搵埋夏鈞俊同埋程博軒，因為...真係好似冇人可以搵+__+

可以爆到果啲全部去晒跑4X400...我都唔知想點囉真係-3-

跑完...無言...失望...崩潰...但冇得後悔因為冇後備跑手可言。

未交比第二棒之前-V- 如果我冇睇錯已經係輸緊幾十米-__-

第二棒+___+ 唉...果刻我相信唔只我一個...全場人係度諗...

黃社頭果兩棒咩料啊...真係唔係誇張我真係有啲核爆既感覺:O

鄭百庭接到棒其實都快番，當然仍然係有段挽救唔到既距離。

理所當然我係最後一社接棒，果刻唐景陽同NOK LEE-V-唉...

其實都已經跑左差唔多五十米喇...我都唔識講果陣係咩感覺:(

我攞到棒真係咩都唔再理，集中精神咁樣向前喪跑啦其實><

我只係死係度諗...輸都唔可以輸得咁樣衰...追到幾多得幾多啦`!!

但無論比多幾個TURBO我-V- 都改變唔到呢個鐵一般既事實。

冇錯的確係追到個綠社好貼，但始終比佢慢零點幾秒衝線-___-

由第一棒開始就包尾...包到最後-V- 我覺得係非常樣衰X___X

諗番起中一果年同阿KING佢地跑第三棒可以保持住個優勢，

中二基本上同今年陣容差唔多，只係第一棒唔同都有銀牌，

但黎到中四呢年:O 難得可以成為為黃社跑第四棒竟然係咁......

雖然講咩都冇用@@ 但真係好唔甘心咁樣輸:S 真係想殺人囉:@

跑完，頹晒咁返看台，重點係要拖住隻右邊行，前所未有咁痛。

簡潔啲咁樣講，突然間要啲肌肉咁樣爆，就導致右腳拉傷左-V-

話說WUWAISUM攞完支冰水番到黎敷...認真都幾爽既haha.

隻眼就不停望住啲接力邀請賽，個腦就不停係度諗番個惡夢>_<

敷完，好似完全冇減輕過個痛楚咁，成個腳根本抬都抬唔起囉:O

最後四個社分別派左幾個人物坐係頒獎檯前面睇下有冇大獎攞...

各組既男女冠軍，全場男女子冠軍，全場總冠軍，加埋九個獎。

每頒一個獎項，全社既人既失望增加，同時痛苦亦都增加X__X

四年黎既陸運會，就算黃社係四社之中，名次係咪包尾都好，

都未試過好似今年咁九個獎項全部落空...果刻幾難受有冇人知？

我坐係看檯果到，望住果三個社既社長級人馬衝出去攞獎，

每攞一次獎，就會高舉右手，跟住成社既社員就會高呼高號，

再望下黃社幾位好沉默咁樣坐係度，成社變得死寂一片X__X

望到自己相熟既阿LOK`唐景陽同CKT既藍社最後攞埋總冠軍，

佢地三個就癲晒咁，個感覺好似特別古怪同異常難受@@

諗番起李昊同古柳權果兩屆簡直係人才濟濟，黃社曾經風光，

亦都攞過全場總亞軍，雖然對上一次有冠軍係差唔多11年前。

唉我都唔識點樣講，係咪應該我太對社太有歸屬感既關係haha.

擺陣之前，孫文遠攞起大聲公同樣講番啲唔好氣餒既說話，

因為黃社就算係輸人都唔輸陣，永遠都不失霸氣`!!!!!!!!

果刻再叫GIVE ME A T-V- 好難想像點解自己會喊左出黎，

忍受唔到果種既情緒@@？諗番起我都好好奇點解自己會喊>_<

以往每年只係望住啲COM攞晒架餐同其他社對抗同亂嗌-V-

今年可以成為攞野亂衝既一個:) 對住人耳邊大聲叫TOPAZ...

只能夠說感覺好爽，就算輸，都依然係一個TOPAZIAN *V*

之後係小西灣既海旁行左陣，落住微雨吹住風，感覺異常寧靜:)

諗番轉頭其實果塊銅牌都唔係咩一回事，我真係覺得：

就算我咩野牌都攞唔到，但黃社有組別獎攞既會更加開心。

有時候一塊獎牌好似只係起到個「錦上添花」既作用啦>___<

但試問，宜家個錦都冇，何來有花呢？真係好似有啲矛盾囉@@

話說最後話影相我隱約聽到有啲COM話輸左啦有咩好影姐-O-

大家都冇人想輸囉，失望固然有架啦，但又可以做啲咩姐？

況且有啲COM諗住攞硬獎點知最後冇既，就發脾氣坐埋一邊，

口號冇叫過，樣又未見過，試問自己又為個社做左幾多野？

連幹事都咁樣既話，又點可以奢望啲社員會落力參與活動？

平時開會一係就唔出聲，意見唔比之餘仲自己係度禁電話:O

我都好想知咩料囉hahahaha. 仲好意思咁樣講野，不屑`!!

究竟，我黎緊兩年有冇機會睇到TOPAZ重振雄風威振四方？

今日返左學之後其實個心始終都係唔知點咁樣囉-___-

其實明明意見又聽晒，但好似就過唔到最後既心理關口:(

由西灣河行到去筲箕灣街市，真係好想比風吹走晒啲煩惱><

尋晚又去左小西灣練跑啦，但都好似跑得勁左少少><

宜家隻右腳小腿有啲痛之餘，心理仲要肩負好大壓力:O

我真係好耐未試過訓唔著係因為驚面對比賽既來臨囉:$

不過尋晚同CKP`HENRY`RYC都係跑左唔算好耐啦@@

至於我啲100米同200米始終唔夠上次比賽果陣快-W-

某程度上就住黎跑所以呢日都係吹水多過練跑hahaha.

夜啲仲同CKP食飯，估唔到佢笑到反艇就連飯都唔洗食*V*

呢晚真係過得好開心，同好朋友一齊過真係可以將包袱放低:)

上星期五知道被邀請去北京交流，日期12月22至26日...

果刻我認真呆左，成個腦都空白一片咁@@ 又要二簡一牙-__-

早幾日其實都問左爸爸媽咪同埋身邊一班朋友既意見架喇-V-

跟住今日問埋MS.IP同MS.LEUNG好似偏向左去北京咁._.

見到MS.LEUNG就將自己心入面既諗法一五一十講晒出黎:$

我要考慮咁耐既原因係因為兩個我都好想好想去囉+___+

先講CAMP啦，難得今年有份幫手搞，見證住件事既發生，

加上今年既拍擋都係班好犀利既人，而且下年未必有咁既機會><

不過重點係...我享受做參與籌備既工作，更加享受睇人參與，

我之前都講過好多次啦，見到參與既人玩得投入自己都好滿足，

我覺得即使自己幫手籌備但當日冇得現場睇番真係好可惜既事。

唔知點解自己講到呢度啲眼淚好似想流出黎，但唯有忍住X__X

相反-V- 個交流團點樣秤都係重啲架喇，機會又難得咁多+___+

去北京既價錢咁都真係平得好緊要，但就算唔好睇錢份上丫...

交流團睇既野都唔同，我可以肯定參加左果五日我會得著好多:D

MS. LEUNG明白我兩難既局面，就講左番令我幾震驚既說話:O

佢話聽到我講之後好感動，好耐冇見過學生為成個群體著想先><

最後佢語重心長咁樣鼓勵我出去擴闊下眼界見識多啲都好，

始終自己去北京同埋交流團帶你去遊覽既感覺係完全唔同...

佢仲話如果我真係去北京會叫人錄低CAMP某啲片段比我睇番:)

宜家唯一就係決心仲未夠堅定姐X___X唉`!! 仲有幾日時間-W-

前日晏咒原本同爸爸媽咪打羽毛球，但無啦啦發自己脾氣:(

我好耐都未試過打到自己咁冇心機，真係炆到爆炸咁X__X

打左陣發現自己反手回啲波又高又核特，個手勢又係錯既，

跟住啲殺波永遠接唔到場兩邊啲死位-___- 咩都唔順利咁><

結果就放低左支拍行埋左@@ 我真係好驚下場學界點樣打LOL

我連自己個心理問題都未調理好，仲學咩人講調理技術+___+

我宜家真係好有衝動搵個教練幫我極速補補底囉...唉救命啊T_T

晏啲同澄澄汛汛飲完茶就去左公園玩，叫係暫時放低啲煩惱><

我仲陪佢地爬上爬落同玩SIR滑梯，好似返番細個果陣時咁:P

尋日正式同JENNA同埋SARA一齊去補YY LAM喇:)

今堂佢講中國文化其實都唔悶，好多時都無意間夾雜左啲笑位:P

雖然上兩堂自己上都冇咩問題，但多兩個人陪始終都開心啲咁^0^

最後佢仲好白痴咁搞錯時間放早左我地...加上我地又冇留意個鐘:O

佢仲話下堂補番時間之餘仲要請我地全班百幾個人飲野haha B-)

聽日黃社要繼續努力@@ 唔好做包尾啊-V-" 第三都好啲丫(Y)