呢個幾禮拜其實都好似捱得幾辛苦...生病狀態-V-

早幾日同成班AUNTIES係稻香打邊爐咁樣啦@@

其實都幾開心丫，雖然好眼訓都只要傾計就精神晒B-)

重點就係食左好多野，打邊爐真係好正啊haha. ^0^

但之後果日起身喉嚨痛，大傷風，竟然唔記得食藥-__-

返到學校頂左兩堂真係知道個「死」字點樣寫:O

兩堂冇停過咁流鼻水，我唔煩人地都覺得我好嘈>_<

好彩之後見到MS.IP問佢有冇幸福傷風素之類既野，

佢就塞左包傷風感冒茶既沖劑比我，真係感動流涕:$

雖然之後收左唔少，但直至今日啲鼻水仲係未清晒:(

重點係繼條脷生完飛滋，宜家到隻右眼生瘡，慘！

岩岩果個考試既所有卷都收晒喇終於@@

滿意佔少數，其餘都係坐緊高低起伏既過山車:(

不過當聽到BIO CHAN讚我有進步都幾開心:$

呢次好古怪，幾份MC卷都表現得比長答既好:O

換言之係未來既日子除左要搞清CONCEPT之外，

仲要不停操啲答題技巧先至可以令自己起死回生>_<

其實對於成績已經冇咩希望可言，有時候都幾無奈，

書有努力溫，但竟然考試果時有啲題型始終唔知做咩，

同時就係唔知有咩方法可以考得高好，唉真係悲哀-W-

有段日子真係收卷收到個人頹晒冇咩心機，超級麻目...

加上呢次份中文寫作卷又掀起一陣4B同學鼓譟情緒，

想像唔到一個POST可以引起咁大迴響hahahaha.

最近有人問我補左Y.Y.LAM之後對考試有咩幫助？

老實講我相信成效未能係呢次成績反映出黎-V-

我都想知係因為自己懶丫，定係未浸淫好既緣故。

我唔敢講自己吸收晒所有係上堂時候學既野啦，

但至少係我腦海入面多左好多可以用既字先啦:D

同時英文呢科野真係一次又一次將我打落谷底-__-

基本上每次做卷都左顧右盼咁，實在太冇信心喇...

黎緊三月開始補埋英文，我真係要重振雄風至得.3.

提到信心特別係中文，有三條選擇題由岩改到錯X_X

我都唔知呢六分對我黎講係錯得唔抵定真係冇計:S

衷心希望經過呢次考試，我會勤力，有自覺性溫書，

最重要既就係呢啲習慣可以換取到進步既成績啦^0^

記得派卷果個星期成個人真係比啲分搞到冇咩心機，

但打波讓我真真正正咁放低負面既情緒而投入落去打，

每次打羽毛球都會有種好滿足既感覺，儘管要花好多氣力:)

殺波的確係好爽啊，但重點係塊拍條線又殺到斷鬼左LOL

岩岩果堂CHEM開始教MOLARITY啦-__- 成堂都好迷-V-

未記熟啲公式就會要計，唯有將例子果啲計法依樣葫蘆...

匯流終於都定好左啲主題，但想寫都比中文簡左嚕SOSAD/_\

唯有馬死落地行簡啲冷門啲而又冇咩人寫過架啦haha.

不過關係都不太大啦，反正最後全部編輯既文都會比人大執:O

但果日絞盡腦汁咁樣諗TOPIC真係諗到頭都爆囉好冇:@

至於全方位學習日啲班會活動都可以啦，叫做埋尾架喇:D

但係始終都係室內，好多野都局限左，但都冇辦法啦LOL

希望呢三個有啲虎頭蛇尾既遊戲可以為大家帶黎歡樂^0^

諗番起上星期日夜晚仲不停趕ECON-__-

點知好多野臨急抱佛腳都係記唔入腦@@

結果又選擇早啲訓跟住五點幾起身再溫啦LOL

呢種習慣雖然唔值得鼓勵，但感覺上幾易入腦:P

放左學之後係HENRY屋企逗留左成個晏咒啦*V*

五個男仔都不外乎打機、食野、傾計同埋啤牌-O-

但重點係得一個手制，天啊連機都要輪住打haha.

話說有段時間望住RICKY上FACEBOOK啦@@

之後我好奇咁問佢做咩唔開NOTIFICATION睇:O

佢即刻話唔好同冇野睇LOL此地無銀三百兩B-)

我地四個人八雙手就好賤咁樣綁住佢啲手手腳腳-__-

只不過咩訊息都未睇到就比佢熄左個電腦總制X__X

雖然呢日既情況嚴格黎講毒左少少但都玩得幾開心:P

呢個禮拜既練波環節好神奇咁樣去齊晒囉haha.

因為實在太掛住個球場同埋打波實在太爽啦:D

就係因為太耐冇打，宜家啲肌肉痛到喊囉@@

有次仲明明放鬆完但都唔明點解會抽筋，痛死._.

嘿話說尋日係鰂魚涌練完波之後發現新大陸-V-

驚見吳SIR同佢既私人教練企左係場邊囉haha.

只能夠講佢見到我地果刻佢個樣係愕然...呆左:O

最搞笑就係佢見到我地咁多人連熱身都唔敢做:P

但認真我好想睇佢打幾球，但比鍾太極力阻止+_+

題外話，吳SIR隻腳真係長到呢...好「宏偉」XD.

呢幾日返到學校都冇咩點樣上過堂，又係對卷時間:O

已經夠悶架啦，尋日竟然仲要連續四堂空堂囉@@

哇真係HEA到呢...唔係傾計講是非就係訓教-__-

話說MRS.LAM覆述番件好搞笑既事比我地聽，

隔離班程太見到CHEM CHAN張請假紙就話喇，

後生細仔成日都請假既LOL成班聽到都爆笑XD.

我真係覺得LS堂愈黎愈多問題浮現出黎囉好冇-V-

認真頂唔順佢果種方式，真係好冇意義囉上呢堂+_+

結果今日果兩堂就埋頭苦幹咁睇SAMPLE好過-W-

至於中文堂花左好多時間作果篇校慶徵文比賽:$

原本完全冇意念，但永遠都係愈寫愈順咁樣架囉:P

不過講起中文作文就真係大有感受，永世難忘^0^

數學堂都幾好笑，WWK成日都講啲數學家咁樣:O

話說有個叫GALOIS...之後聽聽下變左膠囊@@

唉黎緊又有LWLD要準備，咩野都未傾過囉好冇:(

但係認真覺得空間係好大問題，同埋完全諗唔到遊戲！