當L遇上N+Y固然係LUNAR NEW YEAR:$

我真係好佩服創呢條算術題既始祖hahahaha:D

放假可以成點鐘先至起身真係件好爽既事黎啊@@

凍左幾日之後呢終於回暖喇，唔洗著住咁多衫^0^

話說過年著左件MINT既SWEATER，隻色超令-V-

係啦仲有新果對黃色高筒CONVERSE終於踩落地:P

年廿九果晚唔洗做節，結果我地一家三口又去左元氣:O

哈哈我諗成年都好難可以好似呢日咁唔洗等位就入座-W-

呢排新出左個朱古力同芝士海綿蛋糕，全部都好好味*V*

返到屋企見到點幾會番做《嚦咕嚦咕新年財》即刻癲左:D

用碌柚葉沖完涼之後都已經係大年初一啦@@ 電話即震`!!

同媽咪爸爸拜完年就逐個訊息覆，跟住又傾下計咁XD.

媽咪仲煮左啲麻蓉味湯圓囉:P 團團圓圓，好好味B-)

呢套麻雀喜劇雖然睇過好幾次，但我都係笑足咁多次-V-

劉德華、古天樂、劉青雲佢地三個真係好鬼死正囉haha.

啲台詞同小動作都好抵死，特別係隻痴左粒飯既五筒*V*

如果現實中可以好似佢地咁易食大四喜十八羅漢就好啦:P

呵呢晚四點鐘先至訓真係好開心:D 夜訓先至係最正既`!!

每年既初一都有固定路線，姑媽屋企再去爸爸個朋友屋企:)

呢日姑媽整左九碟素菜，仲將啲東西放落個南瓜到燉成甜品:P

每碟都好大碟同埋好好味X___X食得呢碟又顧唔到另一碟:$

不過我已經好盡力啦，食左兩碗飯之餘再添左兩碗餸囉XD.

夜晚去到小西灣，成屋都企滿人咁樣，真係熱鬧到你唔信-V-

呢日同媽咪打左幾鋪跑馬仔-V- 姐係一番起糊出沖離座啦:P

最開心係兩鋪之內將原本輸緊三十蚊既倒贏番十蚊，叻仔(Y)

話說爸爸個朋友個媽咪，簡稱嫲嫲，係個上海既老人家黎，

煮野食又係好勁，每年佢整親啲菜包同糯米包都食到唔停口:$

呢晚佢準備左荀`粉絲`蛋角`娃娃菜`牛展`豬脷`豬肚十二小碟，

跟住就全部放晒落個煲到陸黎食，哇哈哈呢日太有口福喇`!!

食完飯佢地成班人係度玩魚蝦蟹，我真係純粹食花生囉XD.

話說佢地買乜個莊就開乜，係不停賠既情況下贏到少少錢:P

總之個氣氛就係好高漲啦，唔知點解賭錢先配合新年咁haha.

尋日去婆婆到拜年，最高峰果陣間屋容納到廿八個人囉*O*

呢日仲見到個表侄仔倬霖XD. 佢絕對係個大頭B黎架-V-

除左食奶同食奶之後果幾分鐘之外，其餘都係訓教haha.

至於澄澄同埋汛汛呢日逗完利是就跟姨姨同姨丈返屋企嚕...

話說澄澄有啲咳啦，汛汛就發住燒咁樣落黎，仲咳到傻囉:O

但竟然係咁既狀態下仲可以咁乖咁叫人，叫我同佢玩玩具，

真係好叻仔同好難得囉，真係唔明點解啲病菌清極都清唔晒`!!

見到佢地咁辛苦其實幾心痛X__X 講到好似係自己個仔咁:S

夜晚繼續打機食飯同埋打台灣牌啦，果兩圈牌真係幾好摸手:P

雖然叫糊叫過十六不搭同對對糊，但啲牌對死晒食唔出啦@@

但最後都贏左四十幾蚊丫，點知媽咪打番就敗晒副身家+__+

最搞笑就係舅父媽咪佢地打完四圈係冇輸冇贏，大團圓結局(?)

哇已經連續三晚差唔多四點鐘先至訓喇，你話返番學點算LOL

今朝訓左兩個鐘左右之後就去左同AUNTIE食早餐:$

明明係「早睡早起」，但起身果刻其實真係幾辛苦囉-3-

估唔到佢對孖仔咁耐冇見我仲記得我個名haha. 開心死:P

佢地畫畫幾有天份，最好笑就係一有卡通片睇就定晒@@

返到屋企雖然打左唔少喊爐，但根本冇咩意慾要去訓教:S

二月六日就係學校一年一度既全方位學習日啦haha.

以往每年有得出去都覺得好無聊，但今年更加悶X__X

朝早搵LOKLOK攞左揼就返學搵PINKY準備啦:P

聽講座冇訓著算偷笑，最好都係同個攞過綜援既嘉賓傾計:)

成班同埋佢圍左個圈咁坐，不停咁樣向佢發問都不錯既-V-

不過我諗呢日既重點好應該放係晏咒既班會環節度啦:$

話說攞緊野食行緊四樓課室對出果條走廊見到好多笑料:P

RICKY無所事事咁係度飲緊食就話我地班十分鐘食晒-__-

伸個頭去D班班房原來有啲同學捧住個鍚紙盤食，豪邁！

至於決定打邊爐既E班攞住堆生菜係洗手間同課室徘徊，

有次係廁所洗緊手果陣時竟然發現有塊生菜同紅蘿蔔片-V-

至於C班就冇聲氣咁樣搵埋一齊對住自己既飯盒食野LOL

好囉我地SET好野食搞得黎都係得番半個鐘左右食野@@

嘿，MRS.LAM同孔老師加埋我地好快就清晒到會野食啦:P

果個炸物拼盤、沙律、炒飯、炒米同炒菜都整得幾好味囉，

不過睇黎下次要預多少少份量囉，因為大家都意猶未盡咁:P

值得一提就係VICKY整既木槺布甸同PINKY既千層啫喱糖，

兩樣認真不錯，受到成班同學一致好評添囉，食到露歡容XD.

至於呢日玩果三個遊戲都不錯啦，至少個氣氛都幾激烈XD.

但係其中一個要注意既問題我諗都係遊戲佔分既比例同準則...

同埋好多時都唔記得係遊戲開始前冇講清楚所有既守則X__X

最初四組得一分鐘搵朱古力金弊真係發晒狂，周圍衝咁樣:P

估唔到咁快就搵到傘架底下、出席板後面果啲咁快搵晒-V-

嘿話說最初個遊戲係朱古力波彈彈波加埋大風吹一齊玩啦:$

原來個遊戲對大家有一定難度，唔明點解啲動作咁難跟...

有次成班仲自HIGH不停轉圈唔識停，我同PINKY呆左:O

叫PHOEBE做源頭果次佢真係差唔多跳晒成隻歌添囉+__+

跟住ELAINE大風吹輸左要同孔老師合照，仲要後者自拍:P

擾攘左好耐之後仲要肯揸機，影完張相真係笑到喊出黎haha.

但係呢個遊戲有樣野不足既就係我地兩個主持兩對眼睇唔晒:S

之後玩辣辣紫菜邊個食XD.搵唔番果次同成班1A玩個感覺...

但係準備WASABI算求奇啦，好多都係就咁沾小小就算@@

最好笑就係果次同1A玩係好大舊芥末，同埋超級攻鼻囉-V-

結果果次我地要買維他奶上黎分，好彩今次冇發生咁既事LOL

嘻有局我身痕咁樣坐埋落去玩，不過慶幸自己果組冇輸到姐:P

其實下次唔做搞手既，純粹負責玩都會係件開心既事黎丫:)

最後果個蜻蜓點水加搶答問題既遊戲都叫係最...失策喇XD.

而MRS.LAM同孔老師基本上都係擔當食花生既角色haha.

有啲問題的確係不錯既，但呢個遊戲唔太適合係課室玩囉@@

原來四組同時間「蜻蜓點水」既話課室其實唔夠寬闊X__X

所以好多時佢地搵個高人出黎伸長隻手就可以屈機囉ORZ...

有時又會同時整爆，總之好多野都變成左個限制囉，哎喲:O

係超左少少時既情況下影埋大合照同派裝金弊既利是封就散嚕:P

每次籌備同帶遊戲對自己黎講都係一次新既嘗試黎既@@

雖然至今都有好多機會，但始終經驗都係唔夠既，

當中的確係會有漏筒，所以彼此之間既爭論係在所難免...

不過唔緊要啦，正如MRS.LAM講話整體上都幾流暢既-V-

但我諗下次再有類似既班會活動，兩個主持係絕對唔夠X__X

吸取今次教訓同借不足之處為鑑，下次先可以力求完美:$

離開學校之後就同JOJO食完許留山仲行左去鰂公啦^0^

同佢一齊呢兩個鐘左右都講左好多傾囉，暢所欲言好爽！

夜晚就去左維園會合媽咪同爸爸去行年宵啦，今年提早左XD.

感覺上又係好耐都冇同佢地兩個一齊行街，仲有講有笑咁:$

呢晚仲買左水仙、串串金同埋風信子囉，放晒係屋企好令@@

只要初一可以開到令令既話就最好喇*V* 花開富貴嘛係咪先:P

之後行乾貨果啲鋪頭基本上睇唔到啲咩...太多人推住我行咁-V-

況且年年都係啲CUSION啊、吹氣果啲野啦，冇咩特別LOL

但愈行就發現隻腳唔多妥，真係乏力囉，連續企左六個鐘>_<

最後希望大家身體健康、學業猛進同埋日日都咁開心^0^