呢晚係婆婆屋企食完飯返到黎對足電腦咁耐@@

話說每年呢啲時候都係啲PROJECT MONTH:$

無時無刻都為唔同科既分組工作而埋頭苦幹囉X__X

搞左差唔多兩個幾鐘都只係執左少少英文PROJECT，

仲有就係開展到個中文廣播劇，大鋼人物關係都搞好`!!

不枉成班人晏咒花左三個鐘係Y-SQUARE傾左咁耐-W-

最初果段時間都係死寂狀態，冇靈感其實我都幾驚囉:O

雖然最後坐到周身骨痛同個人冇咩精神，但都值得^0^

至少當中傾既過程有好多笑點丫，期待黎緊份劇本(Y)

呢排其實真係好憎聞到有煙味既東西，超級反感囉@@

每次聞到個鼻就好唔舒服，當然不忙搵下個源頭係邊-V-

搵到就會心入面靜靜雞而又好邪惡咁樣咒佢hahaha.

我真係唔明唔通食少陣會死架咩，死番屋企食啦唔該:(

早啲果陣時等車返屋企有幾條友行過都擔住支煙+__+

有啲仲狗到企係七仔前面食-__- 除左頂頭槌唔知講咩好...

好啦話說尋日體力勞動完之後果晚都係訓得五個鐘炸-3-

好耐都未試過同爸爸媽咪打兩個鐘羽毛球，肌肉痛>_<

晏啲巧合下展開左呢日走遍半個柴灣既路程啦^0^

但其實佢只係出左去幫爸爸媽咪攞行李番黎X__X

由杏花村繞過巴士廠，再行到去小西灣藍灣果邊，

講真我由細到大住係東區咁耐都未試過咁樣闖蕩@@

其實聽住歌一個人咁行都幾悠遊自在，順便吹下風:$

話說行到去某個泊晒吊臂既碼頭見到有架大龍船*O*

仲有就係離遠見到有個男人放緊狗經過個車場啦-V-

幾隻流浪狗即刻衝出黎攻擊佢地，真係幾恐怖囉`!!

之後係小西灣運動場側邊個公園逗留左陣咁啦:D

感覺上就係好耐都試過佁頭就係萬里無雲既藍天啦，

果陣時都差唔多日落，啲餘暉係大廈之間既縫隙滲出:)

呢幾日實在太多野諗，坐係啲長櫈到影下相都幾舒服:P

最後再經翠灣村同柴灣公園去番地鐵站再去高威閣-V-

短短兩個鐘令我發掘柴灣更多，更重要係令自己鬆弛:$

夜晚同爸爸啲朋友食完飯就上左佢地屋企癲啦haha.

幾個男人就啤酒傾計，我呢啲男仔就係落場打牌^0^

呢日戰績不錯:$ 兩圈牌食左幾鋪，六番四番自摸(Y)

好啦宜家除左台灣牌之外我開始駕馭到廣東麻雀啦-V-

之後仲鋤DEE大富翁DEAL同傾計，真係好鬼爽^0^

係啦佢地屋企仲有隻貴婦狗波波，真係好得意架姐:$

佢都幾聽話架，特別係有野食果時，同埋啲毛好軟:D

雖然成日都LAI我隻手手腳腳，但都冇咩所謂啦XD.

結果成三點幾先返到屋企:O 呢排新年真係成日做夜貓...

哈哈有冇伴侶都情人節快樂啦hahaha :P

哎原來個農曆新年假已經過左一大半架喇X__X

返學又要繼續面對每日如是既課堂，都幾吃力-W-

重點係中文果套廣播劇依然係咩主題都未定好囉-__-

尋晚訓唔著係度諗有冇咩節目可以比我參考下@@

不過一個月內寫好稿加錄埋音同加效果應該都得既-3-

就係因為呢個藉口，所以成件事就比我地愈拖愈後:O

好期待初七人日囉，因為今年定左呢年先至拆利是(Y)

尋日睇到篇報道大陸有個11歲女仔逗左咁耐利是，

個銀行戶口有成廿萬-__- 比我做半個小富婆得嘛*V*

係啦之前買過啲串串金、水仙同風信子都開得好令囉:$

成間屋最有氣氛應該都係新年同埋聖誕節兩個時候啦:P

初三夜晚同爸爸果邊團拜，加埋坐左三圍人，好壯觀:D

輪住咁同成班姑媽姑丈表哥表姐逗利是拜年好爽囉XD.

雖然每年見面既次數都唔算多，但係感情都幾要好^0^

尋日飲完茶再轉左幾程車去大埔探個好耐冇見既姑媽:)

話說佢屋企養左三隻狗-V- 其中隻史立莎吠得好鬼嘈-__-

果種八哥見到個表外甥見到佢就係咁追住黎LAM佢:P

相反果隻拉布拉多就好乖啦，但原來隻隻都老過我XD.

因為姑媽住得好近林村，所以我地都行左去睇許願樹^0^

話說我都好多年冇黎過嚕，除左人面全非唔知講咩好:P

其實呢兩個鐘左右都係周圍影下相，食下麥芽糖咁過-V-

雖然人幾多但好有氣氛啊，仲搵到初一果啲花車，開心`!!

臨走之前仲食左個好豐富既盤菜囉，嘿認真食到好飽:$

原來咁大個仔都未試過係呢個鄉郊地區咁樣食盤菜囉-V-

食過都只係係快餐店買番黎，所以對我黎講都幾新鮮:D

魷魚`燒肉`髮菜`冬菇`豆卜`豬肉`雞`豬皮同埋西蘭花:P

除左啲豬肉幾肥之外其他都好好味囉，哇哈好滿足^O^

嘻聽日係成班羽毛球校隊去燒野食，個組合都幾新鮮-V-

純粹希望天公造美同埋事事順利啦，終於有次唔洗做搞手:$