原來時間過得好快, 貶下眼係呢間公司做左N年, 上個月仲頒左個長期服務獎俾我 tim!

原來今年有成51人攞獎, 個個都o甘鬼長情o既, 貪呢度有金執咩!◎−◎？

係呀, 真係有個金牌俾你o架, 唔信! 睇o野啦 ....

係咪好奀呀, 堂堂一間大機構, 做左N年, (實際幾多年唔講啦), 人地做10年已經有"牛那"o甘大個金牌, 一齊黎睇o下:

嘩!係咪小巫見大巫呢!

聽講仲係足金, 值成7千銀, 我果隻小巫, 只係疑似18k金, 值2千多dd咋, 唉...

真係食(收藏)之無味(升值), 棄(溶左佢)之可惜(後面刻左個名)!=_=""

除此之外, 仲有尾數千七銀同一張證書, 都唔知要黎仲咩用?  賣都唔值錢, 唔通襄起佢俾人計o下你幾多歲咩

今日收到張糧單仲谷氣, 原來d尾數不單要交稅, 仲叫做bonus, 好心啦, o甘鬼奀就咪鬼叫bonus, 失禮死!