話咁快暑假又完左，又開學喇，真討厭！

d學生又開始出現，明明lunch time，都係咁敲門！又唔到收工時間都唔入黎搵你，講野又大聲，又冇乜禮貌，真係俾佢地激死！雖然有同事應付佢地，但有陣時我都要出吓口同出吓手，好影響我做野嫁！

開學日仲要設宴招呼呢d大帝，算係唯一帶挈俾我地o既福利，因為例牌訂一大堆野食，次次都益左我地，食飽飽兼可以打包番屋企！今年d學生大食左，不過一樣大把野淨低！睇吓：

數吓我地打包左幾多野食∼∼有雞翼，餃子，三文治，春卷，咖哩角，雞串燒，菠蘿腸仔，吞拿魚卷。。。

嘩！每人可以分到一大盒燒賣∼∼

中間三個妹妹仔都係新同事，第一次又食又拎，睇吓佢地笑得幾開心！我都分到一盒雞翼，春卷，咖哩角同吞拿魚卷添，真係皆大歡喜！